Árbók Landsbókasafns Íslands - Nýr flokkur - 01.01.1990, Síða 70

70
ÚRBRÉFUM
Stykkishólmi, 9/4 1947
Frá Ingibjörgu Daðadóttur
...Pá er að reyna að segja þér eitthvað af mömmu (Maríu
Andrésdóttur), eins og þú varst að mælast til. Hún er fædd í Flatey
á Breiðafirði (22. júlí 1859), foreldrar hennar Andrés Andrésson
og Sesselja Jónsdóttir. Sesselja móðir mömmu var móðursystir
Björns Jónssonar ráðherra. Andrés faðir mömmu var sonur
Guðrúnar í Miðbæ í Flatey, og hún var systir Þóru móður síra
Matthíasar. Og þær voru systur séra Guðmundar Einarssonar,
föður frú Theodóru Thoroddsen og þeirra systkina. Faðir
mömmu var uppeldissonur síra Ólafs Sívertsen. Foreldrar
mömmu voru búsett í Flatey. Hann stundaði sjó, drukknaði á besta
aldri frá 6 ungum dætrum og sú sjöunda var á ferðinni. Sú elsta
hét Jóhanna. þá var Guðrún, svo skáldkonurnar Herdís og Ólína,
sem voru tvíburar. Þá María og Steinunn, þá Andrésa... Mamma
var þriggja ára, þegar hún missti föður sinn. Þá voru 3 systurnar
teknar í fóstur. Mamma fór til síra Guðmundar Einarssonar sem
þá var prestur á Kvennabrekku... og var hjá þeim þangað til hún
giftist 1880 Daða Daníelssyni... Móðir mín er nú á 8. árinu yfir
áttrætt. Hún er sívinnandi fína ullarvinnu. Hún tekur ullina eins
og hún kemur af skepnunni og gerir allt að því. ...En það er
óskiljanlegur hlutur hvað ullin getur umskapast þegar hún er búin
að ganga í gegnum hendurnar á henni... Og þar að auki les hún
mikið. Það er ekki furða, þótt fólk undrist þá endingu, þegar þess
er gætt, að hún átti 15 börn og átti oft erfitt á þeim árum, að hafa
þá sjón og næmu tilfmningu sem þetta útheimtir. Enn er hún
teinrétt og létt á fæti.
Hólum, A.-Landeyjum, Rangárvallas., 19/6 ’47
Bréf frá Rósu Andrésdóttur
Kæra Halldóra,
Þakka Hlín og munsturbókina, hún var með þökkum þegin,
svo seldi ég hina. Nú hef ég selt öll heftin 16 og sendi hér með
andvirðið og bið afsökunar, hvað dregist hefir. Það er í mörgu að
snúast hjá manni. Héðan er allt sæmilegt að frétta, flestum er
tíðræðast um Heklu, því að hún spúar mikið, enda er hún búin að
gera mikil spjöll í okkar kæru sýslu, hér var svo dimmt fyrsta dag