Árbók Landsbókasafns Íslands - Nýr flokkur - 01.01.1990, Side 72

72
ÚR BRÉFUM
Hann hefir á seinni árum gert mikið að bregða gjarðir, sem svo
eru saumaðar saman, í vetur vann hann langar gjarðir fyrir mig,
sem ég ætla að hafa í teppi á gólf. Þetta gerir hann allt af
áþreifmgu, sjónin er það lítil, að hann gerir þetta sama sem
blindandi, sér aðeins litarmun á dökku og ljósu. Nú bað ég hann að
vinna handa þér hrosshársmottu, og sendi ég hana hér með, svo að
þú gætir, ef þú vildir, látið taka mynd af henni.
Hann setti hana sjálfur saman nema kantinn fyrir endana, en
það er illt að ganga frá þeim svo vel fari eða mér tókst það ekki vel,
og bið ég þig nú að þiggja þetta og taka viljann fyrir verkið.
Svo orðlengi ég þetta ekki frekar, ég sendi þetta með stúlku, sem
fer héðan með áætlunarbíl á morgun.
Vertu blessuð, með kærri kveðju frá Þóreyju Brynjólfsdóttur,
Skeggjastöðum
11/12 1949
Bréf frá Þuríði Vilhjálmsdóttur, Svalbarða.
Það er gaman, hvað þú ert alltaf dugleg að ferðast og mæla fyrir
okkar þjóð með sæmd og myndarskap.
27/1 1951
(var 25 ár formaður í kvenfélagi)
Þær sjá það konurnar í nágrannalöndunum, að heimilisiðnaður
er ekki aðeins nauðsynlegur vegna aíkomu heimilanna og prýði,
heldur einnig vegna uppeldisins og þess vegna alls staðar aukinn
áhugi að koma starfmu í skólana.
25/2 1952
Eg dáðist að þér um árið, eins og þú manst, þegar þú í einni
svipan komst því á, að allir notuðu grófa ullarleista, þegar allt í
einu var farið að ganga í þessum baðmullar og silkisokkum, þó að
verri væru.