Árbók Landsbókasafns Íslands - Nýr flokkur - 01.01.1990, Qupperneq 89

LANDSBÓKASAFNIÐ 1988
89
fyrir sitt leyti með bréfi 17. ágúst. í framhaldi af því var svo um
haustið gengið frá samningi við Saztek um breytingu allt að 200
þús. skráningartexta í tölvutækt form. Skyldi verkið hafið seint á
árinu og því vera lokið 1991.
Verkefni sem þetta knýr eitt með öðru á um það, að hraðað
verði eftir föngum því vali á tölvukerfi, sem stefnt hefur verið að
lengi. Undirbúningi þess þáttar var haldið áfram, en fyrirsjáan-
legt, að ákvörðun yrði ekki tekin fyrr en að lokinni mjög rækilegri
athugun.
ÞJÓÐARBÓKHLAÐA Sótt var þegar 20. janúar um heimild til
að bjóða út 9. áfanga byggingarfram-
kvæmdanna. Þar sem sýnt var, að 50 milljónir þær, er settar voru í
fjárlög ársins, nægðu ekki til að ljúka hinum nýja áfanga, var beðið
átekta, meðan menntamálaráðherra freistaði þess að tryggja
meira fé til framkvæmdanna, enda ærið fé til, ef farið væri eftir
lögunum um þjóðarátakið. En fjármálaráðherra lét sig hvergi, og
var því ekki annars kostur en bjóða út 9. áfanga þannig að ekki yrði
lokið við hann fyrr en á árinu 1989.
I fjárlagafrumvarpinu fyrir það ár voru einungis 90 milljónir
króna vegna Þjóðarbókhlöðu, þótt gert væri ráð fyrir, að álagður
eignarskattsauki yrði 240 milljónir króna.
Þegar þetta er skrifað, er vitað, að álagningin 1989 reyndist 284
milljónir eða alls á árunum 1987-89 684 milljónir. Af þeim höfðu
innheimzt í nóvemberlok á þessu ári um 469 milljónir, en af því fé
verið ráðstafað til bókhlöðunnar 244 milljónum króna, þar sem á
miðju sumri var ákveðin 30 milljóna króna aukafjárveiting til
bókhlöðunnar.
í tillögum byggingarnefndar 2. júní um fjárveitingar á árinu
1989 var þess getið, að eignarskattsaukinn myndi, þótt hann
skilaði sér allur, ekki nægja til að ljúka bókhlöðusmíðinni, nauð-
synlegt yrði að framlengja gildistíma hans.
í yfirlýsingu ríkisstjórnar þeirrar, er tók við völdum seint í
september, var sagt, að lokið yrði smíði Þjóðarbókhlöðu innan
fjögurra ára, og í bréfi menntamálaráðherra til byggingarnefndar
18. nóvember segir, að ríkisstjórnin muni beita sér fyrir því, að
gildistími laga nr. 49/1986 um þjóðarátak til byggingar Þjóðarbók-
hlöðu verði framlengdur.
Seint á árinu var unnið að nýrri framkvæmdaáætlun, þar sem
miðað var við, að bókhlöðusmíðinni yrði lokið um mitt ár 1992.