Frjáls verslun - 01.05.1995, Síða 59

breska sendiráðið sem benti á að
slysið hefði verið tekið upp í breska
þinginu. Þingmaður að nafni Robert
Maxwell Hislop gagnrýndi þar hinn
hættulega vegakafla þar sem slysið
hafði átt sér stað. Það var haft sam-
band við þingmanninn. „Hann benti á
Paul Horsey, sem þá var einn eigenda
lögmannsstofunnar Bevan Ashford,
sem er aðili og raunar frumkvöðull að
Advoc. Úr varð að Christopher Palm-
er tók málið að sér fyrir hönd stofunn-
ar. Þar með var ég kominn í samband
við stofu innan Advoc og mér var ljóst
að ég þurfti aðgengi að áreiðanlegum
samböndum á erlendum vettvangi."
AÐILIAÐ ADVOC í AÞENU1992
„Við stóðum frammi fyrir ýmsum
kostum, eins og til að mynda að vera á
nafnalistum erlendis, svipað og á gulu
síðunum í símaskránni. En þar er
undir hælinn lagt hvemig firma maður
lendir á - þ.e.a.s. hversu góð þjón-
usta þess er. Richard van Oppen
sendi mér gögn um Advoc og kom
hingað til lands í febrúar 1992. Hann
tók stofuna út og kannaði feril hennar
og í framhaldi af því var Almennu mál-
flutningsstofunni hf. boðin aðild að
Advoc og var hún tekin inn í samstarf-
ið á aðalfundi samtakanna í Aþenu
sama ár,“ segir Hróbjartur.
Hjólin í erlendu samstarfi voru farin
að snúast. Sem dæmi um eðli sam-
starfsins má nefna að íslensk við-
skiptakona settist að í Hollandi með
það í huga að koma á fót verslun og
heildsölu. Advoc-stofan þar í landi tók
að sér að aðstoða hana. Þá má nefna
að íslensk kona, sem var gift Eng-
lendingi, stóð í skilnaðarmáli þar í
landi. Hún átti í erfiðleikum með að
komast í samband við lögfræðinga og
bað um aðstoð. Enska stofan Bevan
Ashford tók að sér að annast hennar
hagsmuni. Þá má nefna að Islending-
um í Austurríki var vísað af hóteli.
Þeim fannst brotið á rétti sínum og
höfðu samband og austurrískur sam-
starfsaðili tók að sér að gæta hags-
muna þeirra og leystist málið farsæl-
lega.“
NORSKT FIRMA SAMÞYKKT
í REYKJAVÍK
„Hugmyndin er að geta boðið
gæðaþjónustu hvar sem er í Evrópu.
Þá má nefna að í Beirut, Líbanon, er
Advoc-aðili með tengsl inn í Araba-
heiminn. Spánskar Advoc-stofur hafa
tengsl til S-Ameríku og portúgalskar
til BraziKu. Þá hefur Advoc Asía verið
stofnuð. Samskipti við Bandaríkin eru
til skoðunar. Stór bandarísk stofa,
Thompson, Hine & Flory, hefur lýst
áhuga á aðild og lögfræðingar á þeirra
vegum voru hér í Reykjavík. Hins
vegar eru margar aðildarstofur með
samstarfsaðila í Bandaríkjunum og
menn leita samkomulags um með
hvaða hætti skuli koma koma Advoc á
laggirnar vestanhafs. Það er óhjá-
kvæmilegt, að mínu viti, að Advoc-
net verði ofið í Bandaríkjunum. Hins
vegar er það ásetningur Advoc nú, að
festa í sessi þann ávinning, sem náðst
hefur, og ekki endilega að færa frekar
út kvíarnar. Það má segja að í Reykja-
vík hafi Evrópu verið lokað með því
að norsk stofa fékk aðild að samtök-
unum. Advoc er í öllum helstu fjár-
mála- og viðskiptaborgum Evrópu.
Nú vilja menn beina sjónum inn á við,
Magnús Pálsson, viðskiptafræðing-
ur, var með erindi um gæði á skrif-
stofunni.
- styrkja samstarfið," segir Hróbjart-
ur.
GÆÐAMÁL í BRENNIDEPLI
Ráðstefnan í Reykjavík snérist um
gæði þeirrar þjónustu sem Advoc-
stofur veita. Lögfræðingarnir litu í
eigin barm með það markmið að bæta
þjónustu við skjólstæðinga sína.
Garðar Ö Gíslason, hæstaréttardóm-
ari, flutti erindi um íslenskt réttarfar,
Magnús Pálsson, viðskiptafræðing-
ur, um gæði á skrifstofunni, Sigurjón
Pétursson hjá Sjóvá Almennum var
með erindi um gæði lögfræðiþjónustu
séð frá sjónarhóli neytandans og
Leslie Jacobs frá Thompson, Hine &
Flory ræddi um um gæðamál í banda-
rískum lögfræðifirmum.
LÖGFRÆÐISTOFA ER
ÞJÓNUSTUFYRIRTÆKI
„Auðvitað er það ávallt svo að mis-
tök eigi sér stað, en það er mikilvægt
að lögfræðingar sem aðrir leiti ávallt
leiða til þess að koma í veg fyrir þau,“
segir Hróbjartur og bætir við: „Sú
umræða sem fór fram um gæðamál
var ákaflega gagnleg og styrkir mjög
innviði samstarfsins og er liður í að
móta enn frekar vinnureglur og bæta
gæði. Menn verða ávallt að vera á
varðbergi og leita leiða til þess að
bæta þjónustu sína. Ég hef alltaf litið á
lögfræðistofu sem fyrirtæki, sem
veiti þjónustu, fremur en firma utan
um nafn lögfræðings. Og um það
snýst Advoc - um gæði. Þá getum við
sent okkar lögfræðinga tímabundið til
nokkurs konar námsdvalar á Advoc-
stofum erlendis og geta þeir þannig
aflað sér þekkingar á afmörkuðum
sviðum lögfræði."
59