Frjáls verslun - 01.04.1996, Side 28

FYLGI EFTIR STJÓRNMÁLASKOÐUNUM
Kjósendur óákv./neita Ástþór G. Agn. G. Pét. Ól. Ragn. Pétur
Alþýðufl. 23 0 9 20 41 7
Framsóknarfl. 23 4 10 8 43 12
Sjálfstæðisfl. 27 1 6 15 19 32
Alþýðubandal. 16 0 7 6 69 2
Þjóðvaka 0 14 0 14 71 0
Kvennalista 34 12 18 6 18 12
Um 32% kjósenda Sjálfstæðisflokks segjast ætla að kjósa Pétur Hafstein sem forseta en
um 19% Ólaf Ragnar. Um 27% kjósenda Sjálfstæðisflokks eru enn óákveðin í hvern þeir
ætla að kjósa.
- og helst búinn að rjúfa 40% múrinn á
niðurleið.
En það þarf mikið til að þetta gangi
eftir. Ljóst er að Ólafur yrði þá að
tapa fylgi til hans á næstu dögum og
sömuleiðis þyrfti Pétur að vinna hylli
þeirra sem nú eru óákveðnir. Miðað
við könnun Frjálsrar verslunar um
næstbesta kost eru ekki miklar líkur á
að Pétri takist að vinna mikið fylgi af
Ólafi. Hugsanlega kann hann þó að
höfða til þeirra 20% sjálfstæðismanna
sem segjast ætla að kjósa Ólaf. En
það verður eríitt fyrir hann úr því sem
komið er. Hins vegar má ætla að
möguleikar Péturs liggi frekar í því að
vinna fylgi óákveðinna.
UM 30% ÓÁNÆGÐ MEÐ
ALLA FRAMBJÓÐENDUR
Eitt af því sem eykur á óvissuna í
umræðum um forsetakosningamar
er sú niðurstaða sem mældist á dög-
unum í könnun Hagvangs en þar kom
fram að um 30% sögðust óánægð
með alla frambjóðendurna til forseta.
En þess má geta að þetta er svipað
hlutfall og fjöldi óákveðinna er í könn-
un Frjálsrar verslunar.
En þá vaknar sú spurning hvort
margir muni sitja heima á kjördag
fyrst um 30% þjóðarinnar eru ekki
ánægð með neinn frambjóðandann -
hvort kosningaþátttaka verði með lé-
legasta móti í sögu forsetakosninga á
íslandi. Svo gæti farið.
Fari svo að margir óákveðnir og
óánægðir muni sitja heima á kjördag
og ekki taka þátt í kosningunum nýtist
það Ólafi Ragnari fremur en hinum
þar sem möguleikar hinna frambjóð-
endanna liggja fyrst og fremst í að
vinna fylgi þeirra mörgu sem eru
óákveðnir. Eins og staðan er núna
virðast þær Guðrún Agnarsdóttir og
Guðrún Pétursdóttir eiga minni
möguleika en Pétur Hafstein á að
vinna Ólaf Ragnar. Takist annarri
hvorri hins vegar að skjótast í annað
sætið nokkrum dögum fyrir kosning-
ar er lag fyrir þá hina sömu að hreppa
fylgi andstæðinga Ólafs Ragnars.
Sömuleiðis eiga þær mun meiri
möguleika en Pétur á að vinna fylgi af
Ólafi. Hjá stuðningsmönnum Ólafs er
önnur hvor þeirra oftast nefnd sem
næstbesti kostur.
PÓLITÍSKAR LÍNUR
ERU GREINILEGAR
Greinilegt er að pólitískar línur eru
mjög að skerpast í kosningabarátt-
unni. Ólafur Ragnar hefur fylgi rúm-
lega tveggja þriðju hluta Alþýðu-
bandalagsmanna. Hann er einnig með
mest fylgi frambjóðenda hjá stuðn-
ingsmönnum Framsóknar- og Al-
þýðuflokks, liðlega 40% hjá hvorum.
Ólafur Ragnar var í öðru sæti hjá sjálf-
stæðismönnum með tæp 20%.
Fylgi Ólafs er hlutfallslega minna í
Reykjavík en á öllu landinu. Hann hef-
ur þó auðvitað mest fylgi allra fram-
bjóðenda í Reykjavík. Það er líka
áberandi að þótt Ólafur Ragnar hafi
mikið fylgi í Reykjaneskjördæmi þá er
það einkum á Suðumesjum. Ólafur
virðist sterkastur á Norðurlandi
eystra. Karlar styðja Ólaf mun frem-
ur en kvenfólk.
Pétur hefur mest fylgi sjálfstæðis-
manna en þó aðeins um þriðjung. Pét-
ur fær einnig rúmlega tíunda hluta
þeirra sem kusu Framsóknarflokkinn
síðast, en lítið úr öðrum flokkum.
Fleiri karlar en konur styðja Pétur.
Fylgi Péturs er sterkast á Suðvestur-
landi.
Guðrún Pétursdóttir er með tæp-
lega 15% stuðning sjálfstæðismanna.
Hún hefur jafnframt um 20% fylgi Al-
þýðuflokkskjósenda. Hún hefur meiri
stuðning kvenna en karla. Tiltölulega
lítill munur var á fylgi hennar og Pét-
urs í Reykjavík og á Suðurlandi. Mun-
urinn var meiri í Reykjaneskjördæmi.
Fylgi Guðrúnar var mest í þessum
kjördæmum og á Norðausturlandi.
Guðrún Agnarsdóttir fær einkum
fylgi frá kjósendum svonefndra
vinstri flokka. Hlutfallslega sækir hún
mest fylgi til kjósenda Kvennalistans.
Þó fer fjarri að hún „eigi“ allt það fylgi.
Fylgi hennar er meira meðal kvenna
en karla - og hún sækir fylgi víða um
land.
Fylgi Ástþórs Magnússonar var
það lítið að erfitt reyndist að skipta
því eftir flokkum og landshlutum.
UM FJÓRÐUNGUR
SJÁLFSTÆÐISMANNA ÓVISS
Ekki er marktækur munur á af-
stöðu manna eftir aldri. Þó virðast
ungir kjósendur óráðnastir. Um fjórð-
ungur sjálfstæðismanna var enn óviss
eða gaf ekki upp afstöðu. Konur hafa
einnig mun síður tekið afstöðu en
karlar. í báðum þessum hópum mæl-
ist fylgi Ólafs Ragnars minna en hjá
heildinni. Þetta gæti gefið vísbend-
ingu um að keppinautar Ólafs muni
sækja meira fylgi í raðir óákveðinna
NÆSTBESTI KOSTUR
Kjósa sem forseta óákv./neita Ástþór G. Agn. G. Pét. Ól. Ragn. Pétur
Ástþór 7 - 8 25 33 25
Guðrún Agnarsd. 24 0 - 24 30 22
Guðrún Pétursd. 12 2 31 - 14 41
Ólaf Ragnar 25 2 34 23 - 16
Pétur 22 1 22 44 11 -
Taflan um næstbesta kost sýnir hvert straumarfylgis geta legið á niilliframbjóðenda. Um
16% afþeim sem segjast ætla að kjósa Ólaf Ragnar telja að Pétur sé næstbesti kostur. Um
11% þeirra sem segjast ætla að kjósa Pétur telja að Ólafur Ragnar sé næstbesti kostur.
28