Frjáls verslun - 01.04.1996, Side 106

Stjómborð AEG þvotta-
vélarinnar er mjög full-
komið.
að má eiginlega
segja að nýja þvotta-
vélin frá AEG, sem
Skúli Oddgeirsson, verslun-
arstjóri hjá Bræðrunum
Ormsson, sýndi okkur,
hugsi fyrir eiganda sinn. Um
leið og stillt hefur verið á
ákveðið þvottaprógramm
gefur vélin til kynna hvemig
þvotturinn fari fram, til dæmis hvort um forþvott verði að
ræða, hversu mikill snúningshraði þeytivindunnar verði
og hve langan tíma þvotturinn komi til með að taka. Með
því einu að ýta á takka er hægt að breyta snúningshraðan-
um (og reyndar fleiru) en þó aldrei umfram það hámark
sem valið prógramm telur henta ull, ef um ullarprógramm
er að ræða, eða öðru sem verið er að þvo. Þessi „stjórn-
semi“ vélarinnar á að koma í veg fyrir að við getum
skemmt þvottinn okkar. Vélin getur líka látið okkur vita ef
við höfum sett of mikla sápu í þvottinn, sem er til þess gert
að hvetja fólk til að spara sápuna og um leið vatnið því
skynjarar sjá til þess að vélin tekur inn nægilegt vatns-
magn svo þvotturinn nái að skolast hæfilega. Skynjarar
ráða því líka hversu mikið vatn vélin taki inn á sig fyrir
þvottinn í heild og miðast vatnsmagnið við það hve vatns-
dræg efni eru þvegin hverju sinni. Eftir að vélin hefur stillt
vatnsinntakið í upphafí helst sú stilling á meðan á þvottin-
um stendur svo vatnsmagnið verður ævinlega nóg til að
árangur verði góður.
Nýjasta uppþvottavélin frá AEG býður líka upp á ýmis-
legt nýstárlegt. Hún er til
dæmis heimsins hljóðlátasta
uppþvottavél, 45 desibel
(RE 1 pW). Nú er hægt að
draga neðri grind vélarinnar
alveg fram og því er auð-
veldara að setja í hana aftan
til og ná úr henni aftur. Einn-
ig er hægt að lækka efri
grindina með einu handtaki
en við það er hægt að koma fyrir í henni háum glösum, til
dæmis á fæti, sem auk þess er hægt að skorða á sérstakan
hátt. Og það er heldur ekki vandamál að ná hnífapörunum
úr hnífaparagrindinni því hún opnast nú „eins og bók“ og
ekkert er einfaldara en tína úr henni smáa hluti sem stóra.
Keramikhelluborð eru vinsæl um þessar mundir og nú
bjóðast þau með snertitökkum ofan á helluborðinu sjálfu
svo loksins erum við laus við þessa endalausu takka, sem
börnum hættir til að fikta í. Helluborðið er búið svokölluðu
sensor control sem skynjar ef pottinn vantar á helluna þá
slekkur hún á sér. Sem sagt engir takkar lengur á eldavél-
inni. Enn ein nýjung, sem Skúli sýndi okkur, var örbylgju-
ofn sérstaklega útbúinn til þess að grilla kjúkling. í þaki
ofnsins er grilleliment, sem má leggja niður með ofnbak-
inu, og síðan er kjúklingum stungið á þar til gerðan tein
sem sér til þess að hann snýst og grillast allur jafnt. Skúli
segir að nú sé orðið meira um það að fólk kaupi örbylgju-
ofna með grillútbúnaði en bakaraofna með örbylgjubúnaði,
sérstaklega þar sem rými er af skomum skammti því
minna fer fyrir örbylgjuofninum en þeim gamla hefðbundna.
ORMSSON
Þvottavél frá-AEG sem „hugsar“
106