Frjáls verslun - 01.04.1998, Page 97

FOLK
itt starf felst í því m.a. að sjá um að
láta gera allar auglýsingar fyrir
Heimilistæki, hafa samskipti við
fjölmiðla þar sem þær birtast og halda utan
um dreifingu á þeim svo þær nýtist sem allra
best. Eg hef mikil samskipti við sölumenn
auglýsinga, auglýsingastofuna sem vinnur
fyrir okkur og fjölmarga aðra,“ segir María
B. Johnson, markaðsstjóri Heimilistækja hf.
Vörumerki sem Heimifistæki selja eru
talin í tugum þannig að yfirleitt er í mörg
horn að líta hjá Maríu. Það er auglýsinga-
stofan Nonni&Manni sem sér um Heimilis-
tæki.
Að sögn Maríu er samstarf við framleið-
endur varanna um auglýsingar fremur fá-
gætt og með öllu óþekkt að auglýsingar
komi tilbúnar frá framleiðanda eins og þekk-
ist sums staðar í innflutningsgeiranum.
„Við gætum eflaust notað þær en við
kjósum frekar að gera okkar auglýsingar
sjálf.“
María hefur að baki fjölbreytta starfs-
reynslu innan fyrirtækisins frá því um 15 ára
aldur.
„Eg byrjaði á því að afgreiða í búðinni.
Síðan vann ég hér öll sumur með skólanum
og hljóp í ýmis störf. Eg leysti af sem ritari,
gjaldkeri og sendill og greip í ýmis störf sem
tíl féllu. Ennþá fer ég niður í búð og afgreiði
og sel ef þess þarf með.“
Heimilistæki hf. eru systurfyrirtæki 0.
Johnson&Kaaber en saman eiga þessi fyrir-
tæki rúmlega 90 ára sögu á íslandi. Fyrstu
heimifistækin sem flutt voru inn á vegum
þess voru af gerðinni Philco en Philips fylgdi
fljótlega á eftír og fyrstu útvörpin og sjón-
vörpin sem seld voru á Islandi voru frá þess-
um þekktu framleiðendum. Á síðastliðnum
35 árum hafa síðan bæst við fleiri heims-
þekkt gæðamerki s.s. Whirlpool, Sanyo,
Casio, Bose, Agfa og mörg fleiri.
I dag er talsverð samkeppni á raftækja-
markaði og má segja að sviptíngar hafi verið
á markaðnum þegar nýjar verslanir hafa ver-
ið opnaðar og langar biðraðir hafa birst í
fréttum. Heimilistæki hafa opnað nýja og
glæsilega verslun við Sætún og hellt sér af
fullum kraftí út í samkeppnina.
„Það er mikið Ijör í þessu. Okkar aðals-
merki eru vandaðar vörur og við gætum
þess að verðið sé alltaf samkeppnisfært."
María varð stúdent frá Verslunarskólan-
um en settist síðan á skólabekk í Bretlandi í
University of Reading rétt utan við London
og útskrifaðist þaðan 1988. Fyrst eftír að
náminu lauk var hún fjármálastjóri hjá
Gunnari Ásgeirssyni hf. en hefur gegnt nú-
verandi starfi frá 1993.
María B. Johnson er markaðsstjóri hjá Heimilistækjum hf. og hefur áhuga á
skógrækt og stjórnmálum. FV mynd: Kristín Bogadóttír.
MARÍA B. JOHNSON,
HEIMILISTÆKJUM
María er gift Herði Guðjónssyni, sölu-
manni hjá Heimilistækjum, og þau eiga
þriggja ára son, Jökul Frey. María segir að
þegar tómstundir gefist frá vinnunni vilji
hún eyða tíma með fjölskyldunni í sumar-
húsinu í Skaftártungum þar sem stunduð
er töluverð skógrækt.
„Svo hef ég tekið svolítinn þátt í félags-
málum og sit í stjórn hverfafélags Sjálf-
stæðisflokksins í hverfinu mínu.“ BD
TEXTI: PÁLL ÁSGEIR ÁSGEIRSSON
97