Fregnir - 01.03.2004, Qupperneq 57

Fregnir. Fréttabréf Upplýsingar - Félags bókasafns- og upplýsingafrœða
komið fyrir. Neðanjarðar er stór lestrasalur með ofanbirtu og frekari skjala- og bóka-
geymslur. Tæknilega séð er safnið mjög fullkomið.
Við kunnum Upplýsingu bestu þakkir fyrir ferðastyrkina sem veittir voru til
fararinnar.
Auður Gestsdóttir, Bryndís Isaksdóttir, Halldóra Þorsteinsdóttir
Fyrirlestrar á Netinu:
http://www.ifla.Org/IV/ifla69/prog03.htm#6
Jólagleði Upplýsingar 2003
Jólagleði Upplýsingar 2003 var haldin í Bókasafni Seltjamamess föstudaginn 5.
desember síðastliðinn, kl. 20-23. Jólagleðin var jafnframt 25 ára afmælishátíð Þjón-
ustumiðstöðvar bókasafna og var samkvæmt venju ókeypis fýrir fullgilda félaga í
Upplýsingu en nú í boði Þjónustumiðstöðvar bókasafna.
í glæsilegu húsnæði bókasafnsins, sem hentar einkar vel til veisluhalda, var boðið
upp á ræðuhöld og tónlistardagskrá þar sem þau Páll Óskar Hjálmtýsson og Monika
Abendroth komu fram. Auk þess var boðið upp á léttar veitingar og notalega samveru-
stund í góðum félagsskap. Til leiks mættu um 120 gestir með jólaskapið í farteskinu!
Stjóm Upplýsingar þakkar Bókasafni Seltjamamess og Þjónustumiðstöð bókasafna
innilega fýrir samstarfið og rausnarskapinn.
Stjórn Upplýsingar
Frá Fræðslu-og skemmtinefnd Upplýsingar
Laugardaginn 20. mars síðastliðinn hélt Katrín Jakobsdóttir fyrirlestur á vegum nefnd-
arinnar, í hinu nýja, glæsilega Ársafni, Borgarbókasafns. í fyrirlestrinum: Glœpurinn
sem ekki fannst - fúlisti slœr í gegn fjallaöi hún um nýju íslensku glæpasagnalínuna
auk þess að fara aftur í tímann og rifja upp fyrstu íslensku glæpasagnahöfundana fyrr
á öldinni sem leið. Á efltir urðu fjömgar umræður, Amald Indriðason bar þar hæst.
Katrín sýndi okkur fram á að sögur hans em aldeilis meira en glæpasögur - þær eru
bókmenntir.
Þessu lauk síðan með kaffi og rjúkandi nýju meðlæti í boði Borgarbókasafns sem
veitti okkur líka Ársafnið til afnota. Vér þökkum. Óskar Guðjónsson safnstjóri reynd-
ist okkur Haukur í homi. Mæting var góð miðað við veður og aðstæður.
Þetta er þriðji fyrirlesturinn á vegum nefndarinnar og var ókeypis eins og hinir
fyrirlestramir fýrir fullgilda félaga Upplýsingar.
F.h. Frœðslu- og skemmtinefndar Upplýsingar
Þórhallur ÞórhaUsson bókavörður
70. þing IFLA í Buenos Aires
Næsta ráðstefna IFLA, sú 70. í röðinni, verður haldin í Buenos Aires í Argentínu dag-
ana 22.-27. ágúst 2004. Yfirskrift ráðstefnunnar er: Libraries: Tools for Education
and Development. Er þetta í fyrsta skipti sem IFLA ráðstefna er haldin í Suður
Ameríku.
29. árg. - 1. tbl. 2004 - bls. 57