Morgunblaðið - 13.01.2001, Side 78

Í OKTÓBER og nóvember á síð-
asta ári áttu grunnskólar Reykja-
víkurborgar kost á athyglisverðu
ljósmyndanámskeiði.
Marteinn G. Sigurgeirsson
kennsluráðgjafi leiðbeindi nem-
endum í 7. bekk í myndatöku; fór
með þeim í tæknileg atriði eins
og myndbyggingu, æfði þá í
myndatökum í illviðri og kenndi
þeim aðferðir við að taka nær-
myndir af formum og munstri
m.a.
Marteinn segist hafa verið að
þróa þessa kennsluaðferð í fimm
ár. „Skólakerfið íslenska hefur
ekki enn kveikt á því að hér er
merkileg listgrein á ferðinni,“
segir Marteinn. „Það er hægt að
nota hana til sköpunar og tengja
öðru námsefni þar sem ljós-
myndin er kveikja að einhverju
ferli – oftast þá í íslensku.“
Marteinn segir það hafa verið
skemmtilegt að vinna þetta í
kringum skólana sjálfa.
„Það er nýtilkomið að ég fari
sjálfur í skólana. Hér áður fyrr
bauð ég krökkunum niður í
Tjarnargötu þar sem ég var með
aðstöðu. Svo þegar ég flutti
myndverið sem ég sé um, mynd-
ver grunnskólanna, í Réttarholts-
skóla bjóst ég við að þetta myndi
detta niður því að það væri ekk-
ert áhugavert í kringum skólana
að mynda. En ég hafði algerlega
rangt fyrir mér og verkefnið varð
miklu fjölbreyttara fyrir bragðið.
Krakkarnir þurftu nú að gaum-
gæfa sitt eigið umhverfi á nýstár-
legan hátt og taka eftir einu og
öðru sem hefur farið framhjá
þeim í dagsins önn.“
Um 800 nemendur tóku þátt í
verkefninu og eru meðfylgjandi
myndir dæmi um afrakstur þess-
ara námskeiða.
Ungir myndasmiðir í grunnskólum
Ljósmynd/Daníel
Höfundur: Daníel úr Hólabrekkuskóla.
Ljósmynd/Rósa
Höfundur: Rósa úr Heiðaskóla.
Ljósmynd/Hugrún
Höfundur: Hugrún úr Melaskóla.
Ljósmynd/Elísa
Höfundur: Elísa úr Seljaskóla.
Ljósmynd/Heiða
Höfundur: Heiða úr Húsaskóla.
Ljósmyndir og ljóð
FÓLK Í FRÉTTUM
78 LAUGARDAGUR 13. JANÚAR 2001 MORGUNBLAÐIÐ