Morgunblaðið - 01.05.2001, Blaðsíða 14
FRÉTTIR
14 ÞRIÐJUDAGUR 1. MAÍ 2001 MORGUNBLAÐIÐ
ÞINGMENN taka misvel í hug-
myndir Davíðs Oddssonar forsætis-
ráðherra um að lækka skattprósentu
á fyrirtæki niður í 15%. Málið hefur
enn ekki verið rætt innan þingflokks
framsóknarmanna, en talsmaður
hans segist tilbúinn að skoða málið.
Samfylkingin segist tilbúin að skoða
þetta í tengslum við breytingar á
skattakerfinu m.a. upptöku auðlinda-
gjalds. Vinstri – grænir segja þetta
ekki forgangsmál og Frjálslyndi
flokkurinn setur fyrirvara við þessar
hugmyndir.
Hjálmar Árnason, alþingismaður
Framsóknarflokksins, sagði að hug-
myndir forsætisráðherra um skatta-
lækkun á fyrirtæki hefðu enn ekki
verið ræddar í þingflokki framsókn-
armanna en umræða um þetta myndi
fara fram í þingflokknum mjög bráð-
lega.
Hjálmar sagði að skattamál væru
eitt af þeim málum sem þyrftu að vera
í stöðugri skoðun. Það væri sjálfsagt
umdeilt hvort ætti að leggja meiri
áherslu á lækkun tekjuskatts einstak-
linga eða fyrirtækja. „Hugsun for-
sætisráðherra er sú að með lækkun
skatta á fyrirtæki eykst svigrúm
þeirra til að byggja sig upp og þar
með eykst framleiðni þeirra. Þar með
ættu þau að geta borgað betri laun
sem skilaði sér til almennings. Þetta
þarf líka að skoða í ljósi þess að Ísland
er eitt fárra ríkja OECD- landa sem
leggur eignarskatt á fyrirtæki.
Við höfum ekki rætt þetta ennþá,
en við þurfum að skoða heildarskatt-
greiðslur og markmið hlýtur að vera
að skoða hvernig má skapa sem mest
verðmæti og gera atvinnulífið sem
heilbrigðast þannig að launþegar og
þjóðin sem heild njóti.“
Vilja ræða þetta í tengslum
við auðlindagjald
Bryndís Hlöðversdóttir, þing-
flokksformaður Samfylkingarinnar,
sagði að Samfylkingin væri tilbúin til
að skoða hugmyndir um lækkun
tekjuskattsfyrirtækja í tengslum við
breytingar á almennu skattaum-
hverfi. „Í ræðu Össurar Skarphéðins-
sonar, formanns Samfylkingarinnar,
á nýafstöðnum flokksstjórnarfundi
kom fram að við viljum að sett verði
sú meginregla að tekið verði gjald
fyrir nýtingu auðlinda, hvort sem þær
eru í sjónum, orkuframleiðslu, fjar-
skiptum eða öðru. Svigrúmið sem
auðlindagjaldið gefur viljum við síðan
nota til að bæta velferðarkerfið og til
lengri tíma litið viljum við líka að það
verði notað til að draga úr tekjuskatti
einstaklinga og auk þess viljum við að
hugað verði að því að bæta skattaum-
hverfi hjá litlum og meðalstórum fyr-
irtækjum. Við bendum meðal annars
á að þetta gæti auðveldað þá háska-
lendingu í efnahagsmálum sem rík-
isstjórnin hefur sett atvinnulífið í. Við
getum því tekið undir þetta sem lið í
frekari breytingum á skattkerfinu.“
Steingrímur J. Sigfússon, formað-
ur Vinstrihreyfingarinnar – græns
framboðs, sagðist ekki telja það for-
gangsmál að lækka skatta fyrirtækja
eða fjármagnstekjuskatt eins og sum-
ir hefðu nefnt. Hann sagðist vilja
minna á að fyrirtækin hefðu fengið
margvíslega skattalega ívilnun á und-
anförnum árum, en á sama tíma hefðu
skattar á launafólk þyngst og sérstak-
lega á lágtekjufólk vegna þess að
skattleysismörk hefðu ekki fylgt
verðlagi.
„Ég vara almennt við þessum
skattalækkunarsöng vegna þess að ef
menn missa miklar tekjur út úr rík-
issjóði sem hafa komið af fyrirtækja-
sköttum þá er það ávísun á aukna
skattbyrði launamanna eða niður-
skurð á velferðarþjónustunni eða
hægari niðurgreiðslu skulda.“
Steingrímur sagði að íslensk fyrir-
tæki hefðu búið við bærilega hag-
stæða skatta í samanburði við fyrir-
tæki í öðrum löndum. Við hefðum
verið í lægri kantinum innan OECD
varðandi skattlagningu á fyrirtæki og
launatengd gjöld væri lág í íslensku
atvinnulífi. Hann sagðist gera sér
grein fyrir að sumir hagfræðingar
teldu að með lækkun á tekjuskatti
fyrirtækja væri hugsanlega hægt að
framlengja þá efnahagslegu upp-
sveiflu sem hefði verið hér á landi síð-
ustu ár. Rök talsmanna þessara hug-
mynda væru því allt eins miðuð við
efnahagsástandið í dag eins og al-
menna stefnumörkun til framtíðar í
skattamálum fyrirtækja.
Guðjón Arnar Kristjánsson, alþing-
ismaður Frjálslynda flokksins, sagð-
ist vilja hafa allan fyrirvara á tillögum
um skattalækkanir hjá fyrirtækjum.
Hann sagðist vilja sjá betur rökstuðn-
ing og útfærslur áður en hann tæki
endanlega afstöðu til hugmynda for-
sætisráðherra. Hann sagðist telja
eðlilegt að skoða þetta en minnti um
leið á að það væri viss hætta því sam-
fara þegar tekjuskattsprósenta fyrir-
tækja væri mun lægri en einstak-
linga. Skoða þyrfti vel hvort slíkt ýtti
undir að launþegar færu að þiggja
laun sem verktakar. Guðjón Arnar
sagði að þegar kæmi að hugmyndum
um skattalækkanir væri full ástæða
til að skoða leiðir til að lækka tekju-
skatt einstaklinga og þá hugsanlega
að hækka neysluskatta á móti.
Hugmyndir forsætisráðherra um lækkun á tekjuskatti fyrirtækja
Tilbúnir að skoða lækkun
tekjuskatts með fyrirvara
HÓPSLYSAÆFINGU á Sauðár-
króki á laugardag var aflýst vegna
andláts eins þátttakanda, slökkvi-
liðsmanns frá Sauðárkróki. Æfingin
hafði staðið yfir í 50 míunútur þegar
maðurinn fékk hjartaáfall. Endur-
lífgunartilraunir voru gerðar á vett-
vangi og í sjúkrabifreið á leið á
sjúkrahús þar sem þeim var haldið
áfram, án árangurs.
Æfingin hófst klukkan 14.20 og
átti að æfa aðgerðir við tilkynningu
um að ATR42-flugvél með 47 far-
þega og þriggja manna áhöfn innan-
borðs hafi skollið niður sunnan við
Víkina og brotnað í nokkra hluta.
Á þriðja hundrað manns tóku þátt
í æfingunni, frá björgunarsveitum,
lögregluembættum, Landhelgis-
gæslu, Almannavörnum, Flugmála-
stjórn, heilbrigðisstofnunum,
slökkviliði, rannsóknarnefnd flug-
slysa, Rauða krossinum ásamt sókn-
arprestum og fleirum.
Að sögn Heimis Más Péturssonar,
upplýsingafulltrúa Flugmálastjórn-
ar, harmar Flugmálastjórn atvikið á
laugardaginn. „Flugmálastjórn vott-
ar fjölskyldu hins látna samúð sína,“
sagði Heimir Már. „Fram að því að
maðurinn fékk hjartaáfallið, hafði
æfingin gengið mjög vel. Viðbragðs-
hraði allra aðila var mikill og vinnu-
brögð til fyrirmyndar. Þá var und-
irbúningur á heilbrigðisstofnun
Sauðárkróks og í miðstöð Rauða
krossins á staðnum eins og best
verður á kosið.“
Morgunblaðið/ Pétur Ingi Björnsson
Frá hópslysaæfingunni á Sauðárkróki á laugardag.
Hópslysaæfingu af-
lýst vegna andláts
LIONS-hreyfingin minntist þess á
fjölumdæmisþingi um helgina að í
ár eru 50 ár liðin frá því að hreyf-
ingin hóf starfsemi á Íslandi. Á
þinginu fékk Ólafur Ragnar Gríms-
son, forseti Íslands, æðstu orðu
Lionshreyfingarinnar. Páll Ásgeir
Tryggvason, fyrrverandi sendi-
herra, fékk einnig þessa sömu orðu
en hann er eini stofnfélagi Lions
sem enn er starfandi í hreyfing-
unni. Fyrsti Lions-klúbburinn á Ís-
landi var stofnaður 14. ágúst 1951.
Sextán erlendir gestir frá átta
þjóðlöndum sátu þingið. Ingibjörg
Sólrún Gísladóttir ávarpaði um 250
fulltrúa við upphaf þingsins. Á
laugardagskvöldið var haldin
skemmtun í íþróttahúsi Fjölnis þar
sem 500-600 gestir fylltu húsið.
Að sögn Kristins Kristjánssonar,
kynningarstjóra Lions, eru um 100
Lions-klúbbar starfandi um allt
land. Hann sagði að Lions væri
stærsta líknar- og þjónustuhreyf-
ing í heimi með yfir 1,4 milljónir
félagsmanna. Hann sagði að meðal
verkefna sem hreyfingin sinnti
væri stuðningur við aldraða og
blinda.
Á þinginu var Örn Gunnarsson
kosinn nýr fjölumdæmisstjóri
Lions á Íslandi, en hann tók við af
Hrund Hjaltadóttur. Nýir umdæm-
isstjórar eru Hörður Sigurjónsson
og Pálmi Hannesson.
Morgunblaðið/Ásdís
Þing Lions-hreyfingarinnar var haldið í Grafarvogskirkju um helgina.
Lions-hreyfingin
fagnar 50 ára afmæli
TÍSKUÞÁTTUR í nýjasta tölublaði
skólablaðs Menntaskólans í Reykja-
vík (MR), sem sýnir myndir af ungu
fólki í sjálfsmorðshugleiðingum,
hefur valdið nokkru uppnámi bæði
innan og utan veggja skólans.
Yngvi Pétursson konrektor átti
fund með aðstandendum blaðsins í
gær auk þess sem skólaráð MR
fjallaði um málið. Á þeim fundum
var lögð fram tillaga frá ritstjórum
blaðsins sem var samþykkt. Tillag-
an felst í því að ritnefndin mun
senda nemendum og starfsfólki
skólans afsökunarbréf þar sem gera
á grein fyrir tilurð tískumyndanna
og viðbrögðin við þeim eru hörmuð.
Enginn texti fylgdi þeim myndum
sem birtust í blaðinu en bréfinu er
ætlað að bæta þar úr.
Yngvi sagði við Morgunblaðið að
málið í heild sinni væri leiðinlegt og
sér þætti miður að það hefði komist
í fjölmiðla. Hann sagði flesta í skóla-
ráði MR hafa harmað þessar mynd-
ir. Eins og þær væru settar fram
væru þær aðeins túlkaðar á einn
veg af mjög mörgum. Hins vegar
hefði einnig verið haft samband við
skólann og bent á listrænt gildi ljós-
myndanna.
Ádeila á tískuheiminn
Tinna Proppé, annar tveggja rit-
stjóra skólablaðsins, sagði við
Morgunblaðið að tilgangur mynd-
anna hefði verið sá að deila á tísku-
heiminn eins og staðan væri þar í
dag.
„Þessi heimur er genginn út í
miklar öfgar. Það virðist engu
skipta hvernig unga fólkinu líður,
bara að ytra útlitið sé í lagi. Við
vildum einnig vekja umræðu um
sjálfsvíg og hvað þau eru orðin al-
geng í þjóðfélaginu í dag. Við hörm-
um þann misskilning sem myndirn-
ar virðast hafa valdið hjá mörgum
en til að fyrirbyggja frekari mis-
skilning ætlum við að senda þetta
bréf út,“ sagði Tinna.
Hún sagði mikla umræðu hafa átt
sér stað innan ritstjórnar blaðsins
um framsetningu tískuþáttarins. Til
stóð að birta ljóð með honum, í þýð-
ingu Þórarins Eldjárn, en hætt var
við það á síðustu stundu. Tinna
sagði að eftir á að hyggja hefði ljóð-
ið átt að fylgja með en það endaði á
orðunum „það er betra að lifa“.
Umdeildar tískumyndir í skólablaði MR
Var ætlað að vekja
umræðu um sjálfsvíg
RÁÐIÐ var í eina stöðu frétta-
manns á útvarpsráðsfundi Rík-
isútvarpsins fyrr í vikunni þeg-
ar Ari Sigvaldason var ráðinn.
Fréttastjórar RÚV mæltu með
Ara í starfið og samþykkti út-
varpsstjóri tillöguna með sam-
hljóða stuðningi útvarpsráðs.
Ari hefur störf um miðjan maí á
fréttastofu sjónvarps.
Ari Sig-
valdason
ráðinn
á RÚV
Að loknu góðu dagsverki gæddu
viðstaddir sér á grilluðum pylsum,
börnin sprelluðu í leiktækjum og
hinir fullorðnu kepptu með sér í Ól-
ympíuleikum skrifstofumannsins en
keppnisgreinar þeirra eru m.a.
bréfaklemmuröðun og bréfkúlukast.
Farandbikarinn hlaut samsett deild
framkvæmdaráðs og tölvudeildar.
VEÐRIÐ var með fallegasta móti á
höfuðborgarsvæðinu sem víðar um
helgina og nýttu margir milda vor-
blíðuna til útivistar. Starfsmenn VÍS
sinntu vorverkunum á árlegum til-
tektardegi fyrirtækisins á laugardag
þegar starfsmenn, vinir og vanda-
menn fjölmenntu til að gera sér
dagamun og taka til hendinni.
Morgunblaðið/Ásdís
Pylsupartí í blíðunni
EINN jarðskjálfti varð 36 km
vestur af Surtsey um klukkan
18 í gær. Styrkleikinn var um 3
stig á Richterskvarða.
Samkvæmt upplýsingum frá
Veðurstofunni varð skjálftinn
klukkan 17:50. Að sögn Þór-
unnar Skaftadóttur starfs-
manns á jarðeðlissviði Veður-
stofunnar verða stundum
stakir skjálftar á þessum slóð-
um og er því ekkert óvenjulegt
á ferðinni.
Jarðhrær-
ingar und-
an Surtsey