Morgunblaðið - 01.05.2001, Síða 16

HÖFUÐBORGARSVÆÐIÐ
16 ÞRIÐJUDAGUR 1. MAÍ 2001 MORGUNBLAÐIÐ
BÆJARRÁÐ Kópavogs hefur
hafnað erindi Sunddeildar
Breiðabliks um að endurskoða
stærð innilaugar, sem byrjað
er að byggja á í Salahverfi í
Kópavogi, en gert er ráð fyrir
að laugin verði 16,33 metra
löng.
Forráðamenn deildarinnar
fóru fram á að hún yrði 25
metra löng svo að hún upp-
fyllti skilyrði um löglegar
keppnislaugar innanhúss. Auk
innilaugarinnar á að byggja 25
metra útilaug. Tómas J.
Gestsson, formaður sund-
deildar Breiðabliks, segir það
vera mikil vonbrigði að er-
indinu hafi verið hafnað því
það hafi lengi verið baráttumál
sundhreyfingarinnar að
byggja 25 metra innilaug.
„Þú setur ekki Íslandsmet
nema í 25 eða 50 metra laug-
um. Það er alltaf verið að
byggja nýjar og nýjar laugar
utanhúss en við höldum að al-
menningur vilji líka innilaugar
þó að bæjarfulltrúar álíti ann-
að,“ segir hann. Hann segir til-
finnanlegan skort vera á lög-
legum innilaugum á höfuð-
borgarsvæðinu.
„Það er í rauninni engin al-
þjóðleg innilaug til á höfuð-
borgarsvæðinu. Sundhöllin í
Reykjavík og Sundhöllin í
Hafnarfirði eru börn síns tíma
og í dag eru þær ekki löglegar.
Þar vantar svokallaða öldu-
brjóta og rennur meðfram
bökkunum til að taka við yf-
irfallsvatninu. Þess vegna eru
öll innanhússmeistaramót á
Íslandi annaðhvort haldin í
Vestmannaeyjum eða á
Keflavíkurflugvelli hjá banda-
ríska hernum.“
Beiðnin barst seint
Sigurður Geirdal, bæjar-
stjóri í Kópavogi, segir ekki
hafa verið mögulegt að verða
við beiðni sunddeildar Breiða-
bliks vegna þess hversu seint
hún hafi borist.
„Það er búið að hanna þetta
og byrjað að grafa fyrir laug-
inni. Eins þýddi þetta um 80–
90 milljóna króna hækkun sem
er allt of kostnaðarsamt auk
þess sem þetta myndi tefja
verkið verulega. Svo það var
hreinlega ekki hægt að verða
við þessu erindi,“ segir hann.
Innilaugin ekki stækkuð
Salahverfi
„AF hverju er gangbraut-
arvörður hérna?“ heyrðust
nokkrir krakkar segja hver
við annan á leið í Mýrarhúsa-
skóla í gærmorgun og voru
hissa og greinilega ekki van-
ir slíku þar. En ástæðan fyr-
ir veru gangbrautarvarð-
arins var þó ærin því
umferðarnefnd Seltjarn-
arnesbæjar efnir í samstarfi
við ýmsa aðila til umferð-
arviku meðal skólabarna
dagana 30. apríl til 5. maí.
Með umferðarvikunni er
ætlunin að hvetja foreldra til
að láta börnin ganga í skól-
ann á morgnana við sem
öruggastar aðstæður og
vekja fólk til umhugsunar
um öruggustu gönguleið-
irnar. Göngustígar bæjarins
liggja allir í átt að grunn-
skólunum. Á meðan á átak-
inu stendur ætla þeir sem að
því standa að vera við gang-
brautir á Bakkavör, Suður-
strönd, Kirkjubraut og Nes-
veg og aðstoða börnin við að
fara yfir göturnar.
Jóhanna Runólfsdóttir er í
slysavarnardeild kvenna og
stóð vaktina í gærmorgun
skammt frá Valhúsaskóla.
„Það er gífurleg umferð í
kringum Mýrarhúsaskóla
við upphaf og lok hvers
skóladags og nú er svo kom-
ið að foreldrar treysta ekki
börnunum í alla þessa um-
ferð sem er í kringum skól-
ann á morgnana, svo að eitt-
hvað verður til bragðs að
taka og þetta átak er hluti af
því að benda á vandann og
hvað er nauðsynlegt að
gera,“ sagði Jóhanna. „Þetta
horn getur verið dálítið
varasamt,“ bætti hún við og
átti við að beygjuna þar sem
Skólabraut liggur upp að
Kirkjubraut.
„Gagnfræðaskólinn er
hérna skammt frá og ung-
lingarnir eru gjarnan keyrð-
ir þangað sem gerir það að
verkum að umferð er oft
mikil einmitt hér. Ég er því
hér til að sýna nemendum
Mýrarhúsaskóla hvar best er
að fara yfir götuna.“
Leyfa börnunum
að ganga í skólann
En hvað er þá nauðsynlegt
að gera til að bæta úr þessu
vandræðaástandi?
„Ein leiðin til að snúa
þessari þróun við er sú að
hvetja foreldra til að láta
börn sín ganga í skólann;
fyrir þá sem eiga um lengst-
an veg að fara er er innan
við 1 km ganga að og frá
skólunum,“ sagði Jóhanna.
„Það er alltaf verið að tala
um að börnin fái ekki næga
hreyfingu svo að ég held að
það sé bara af hinu góða að
þau labbi þennan spöl. Með
því að kenna börnunum á
gönguleiðirnar og hvernig
ber að haga sér við umferð-
argötur eykst jafnframt ör-
yggi þeirra í umferðinni,
auk þess sem þau koma
hressari í skólann og verða
betur í stakk búin til að tak-
ast á við skólastarfið.“
Einn þeirra sem var á leið
í skólann var Runólfur Ís-
aksson í 4. bekk D í Mýr-
arhúsaskóla. Hann sagðist
aðspurður alveg vita hvers
vegna Jóhanna væri þarna
við gangbrautarvörslu.
„Hún er þarna til að hjálpa
krökkunum að fara yfir göt-
una af því að sumir eiga það
til að gleyma sér og labba yf-
ir án þess að líta til hliðar og
þá gætu þeir lent fyrir bíl.“
Þegar hann var spurður
hvort ekki væri nauðsynlegt
að hafa gangbrautarverði
þarna alla daga ársins, svar-
aði hann því til að hann væri
ekki viss um að þeim myndi
finnast það gaman að hanga
við gangbrautir frá morgni
til kvölds en þó var hann
sammála um að eflaust væri
slíkt af hinu góða ef þeir
fengjust til þess.
Sjálfur ætlar Runólfur að
gerast lögreglumaður þegar
hann verður stór.
Umferðarvikunni lýkur
með árlegum hjóladegi sem
verður laugardaginn 5. maí
á lóð Mýrarhúsaskóla. Í lok
hjóladagsins verður
farið í stutta hjólaferð
með lögregluna í far-
arbroddi.
Morgunblaðið/Sigurður Ægisson
Jóhanna Runólfsdóttir við gangbrautarvörsluna í gær-
morgun og Runólfur Ísaksson, nemandi í 4. bekk D í Mýr-
arhúsaskóla, sem fékk aðstoð hennar yfir götuna.
„Af hverju er
gangbrautar-
vörður hérna?“
Seltjarnarnes
SUNNUBÚÐ í Mávahlíð-
inni er 50 ára í dag og verð-
ur hún opin, eins og verið
hefur undanfarin ár á 1.
maí, og að sjálfsögðu heitt á
könnunni. Óskar Jóhanns-
son kaupmaður rak versl-
unina lengst allra manna,
eða frá 1951–1982, en nú-
verandi eigendur, Sigur-
björg og Sigríður Ólafsdæt-
ur, keyptu hana árið 1985.
„Ég er búin að vinna
hérna í búðinni í 28 ár; byrj-
aði hjá Óskari 1964 og vann
í þrjú ár; fór svo upp í
Sunnukjör, en þeir áttu þá
verslun saman tveir, Óskar
og annar maður. Þegar búið
var að selja mig tvisvar með
búðinni þá var mér eigin-
lega nóg boðið, ég ætlaði
ekki að láta selja mig í
þriðja skipti; og þá keyptum
við,“ segir Sigríður hlæj-
andi.
Þær systur eru báðar
fæddar og uppaldar í Máva-
hlíðinni. Sigríður býr núna á
Álftanesi og Sigurbjörg í
Kópavogi. Þær sögðust vita
lítið um elstu sögu verslun-
arinnar, en könnuðust þó
við að Davíð Oddsson, Frið-
rik Sophusson og Vilhjálm-
ur Þ. Vilhjálmsson hefðu
allir verið sendisveinar hjá
Óskari á árum áður. „Það
var fyrir okkar tíð, en ann-
ars er Davíð jafngamall og
Sigurbjörg,“ sagði Sigríður.
„Ég man ekkert eftir
þessum ágætismönnum, að
öðru leyti en því að Davíð
verslaði hérna í gamla daga;
ég man ekki eftir honum
sem sendli, það var fyrir
mína tíð. Það hafa að sjálf-
sögðu verið miklu fleiri
sendlar en þessir höfðingj-
ar, en Davíð, Friðrik og Vil-
hjálmur eru þekktastir. Og
raunar mætti nefna Pétur
Sveinbjarnarson þar líka.“
En hvernig skyldi ganga
að reka verslun á tímum
stórmarkaða og verslunar-
miðstöðva?
„Það er náttúrlega erfitt,
en það gengur samt,“ sögðu
þær systur. „Við eigum
trygga viðskiptavini, og svo
eru þeir líka oft hjá okkur
sem versla í stórmörkuðun-
um en koma til okkar líka.
Mörgum finnst þægilegra
að versla í hinum minni búð-
um, kvarta yfir hávaða og
þreytu í stórmörkuðunum.
Og svo er búðin hér líka eins
og félagsmiðstöð; fólk hitt-
ist gjarnan hérna og ræðir
þjóðmálin. Sumir eru búnir
að vera kúnnar Sunnubúð-
arinnar allt frá því hverfið
byggðist. Við erum líka með
mjög gott starfsfólk, sem er
búið að vera hjá okkur
lengi.“ Fastráðnir starfs-
menn eru fimm, og stund-
um bætist við þá tölu.
Ætlið þið að halda áfram
á sömu braut, ótrauðar?
„Já,“ segja þær; „meðan
þetta gengur. Fyrst við er-
um búnar að lifa allt það af
sem búið er að ganga á í
verslun, held ég að við lifum
þangað til okkur langar að
deyja. Það eru fáar svona
búðir eftir í Reykjavík og
hægt að telja þær á fingrum
annarrar handar.“
Nú á tímum eru engir
sendlar í Sunnubúð, heldur
sendast þær sjálfar ef með
þarf. Aðspurðar segjast
þær þó ekki hafa nokkurn
áhuga á frama í stjórnmál-
um.
Morgunblaðið/Golli
Sigríður og Sigurbjörg Ólafsdætur, núverandi
eigendur Sunnubúðar, eru ánægðar með lífið og
tilveruna, þrátt fyrir að nú sé öld stórmarkaða og
verslanamiðstöðva.
Hverfisbúð
í hálfa öld
Hlíðar
MIKLAR framkvæmdir standa nú
yfir við Vogabakka í Sundahöfn þar
sem verið er að lengja bakkann um
150 metra. Samskip mun hafa að-
stöðu á þessu nýja svæði og mun
koma tveimur millilandaskipum að í
einu, auk þess að stækka gámavöll
sinn um 10 þúsund fermetra. Sá
áfangi verksins sem nú stendur yfir
miðar að því að hlaða 5 metra lagi of-
an á undirlag til að þjappa því saman.
Efnið kemur úr dýpkun á siglinga-
leiðinni inn á svæðið. Mun uppfyll-
ingin síðan standa í haust og vetur,
en síðan verða malbikuð næsta sum-
ar.
Vogabakki lengdur
Morgunblaðið/Jim Smart
Sundahöfn