Morgunblaðið - 01.05.2001, Page 35
ERLENT
MORGUNBLAÐIÐ ÞRIÐJUDAGUR 1. MAÍ 2001 35
Skútuvogur 1 • Sími 568 8660 • Fax 568 0776
- ANNO 1929 -
Ath. Öll verð miðast við staðgreiðslu Heildarlausnir fyrir eldhúsið
K
O
R
T
E
R
ÞING Indónesíu samþykkti í gær
vítur á Abdurrahman Wahid forseta
í annað sinn vegna tveggja spilling-
armála. Samþykktin eykur líkurnar
á því að forsetinn verði ákærður til
embættismissis.
Víturnar voru samþykktar með at-
kvæðum 363 þingmanna af 500. Fast
er nú lagt að forsetanum að segja af
sér og mjög ólíklegt þykir að hann
haldi embættinu út kjörtímabilið
sem lýkur árið 2004.
Wahid kveðst vera saklaus af öll-
um sakargiftunum og talsmaður
hans sagði í vikunni sem leið að for-
setinn myndi ekki segja af sér þótt
víturnar yrðu samþykktar.
Ákveði þingið að höfða mál til
embættismissis á hendur forsetan-
um er talið að réttarhöldin taki
marga mánuði. Að mati margra sér-
fræðinga í málefnum Indónesíu virð-
ast dagar hans sem leiðtogi vera
taldir. „Auðvitað er enn hugsanlegt
að Wahid haldi velli en sá möguleiki
er mjög, mjög lítill,“ sagði frétta-
skýrandinn Amir Santoso, við
Indónesíu-háskóla.
Stjórnmálaskýrandinn og blaða-
maðurinn Daniel Dhakidae sagði að
Wahid kynni að ná samkomulagi við
andstæðinga sína en líklegra væri að
hann léti af embætti. „Ég tel að hann
verði að lokum ákærður til embætt-
ismissis.“
Um 15.000 stuðningsmenn forset-
ans gengu um götur höfuðborgarinn-
ar í gær en dreifðu sér án þess að til
átaka kæmi.
AP
Abdurrahman Wahid
Indónesíuþing sam-
þykkir vítur á Wahid
Jakarta. Reuters.
WILLIAM Hague, leiðtogi brezka
Íhaldsflokksins, lýsti því yfir í gær
að þingmanninum Peter Townend
hefði verið gert að
biðjast afsökunar
á umdeildum um-
mælum sínum um
kynþáttamál. Ella
yrði hann rekinn
úr flokknum.
Sagðist Hague
hafa gripið til þess
„fordæmalausa“
ráðs að setja
Townend þessa
úrslitakosti. Þó sagði Taylor lávarð-
ur, sem á sæti í lávarðadeild þingsins
fyrir Íhaldsflokkinn, að þessi yfirlýs-
ing Hagues væri „merkingarlaus og
gagnslaus,“ eftir því sem BBC News
Online hefur eftir honum. Taylor er
blökkumaður og hafði áður hótað því
að ganga til liðs við Verkamanna-
flokkinn ef Townend yrði ekki rek-
inn úr Íhaldsflokknum. Meðal hinna
umdeildu ummæla Townends, sem
er þingmaður Jórvíkurskíris eystra,
er að hann „hefði áhyggjur af fram-
tíð einsleits engilsaxnesks sam-
félags“ í Bretlandi.
Hörð deila hefur geisað undan-
farna daga um afstöðu vissra íhalds-
þingmanna til kynþáttamála, nokkr-
um dögum áður en reiknað er með að
Tony Blair forsætisráðherra boði
þingkosningar. „Ég er fullkomlega
sammála því að kynþáttahyggja á
ekki heima í Íhaldsflokknum og mér
þykir það mjög leitt að illa valin orð,
sem ég hef látið falla, kunna að hafa
látið líta út fyrir að þessu væri öðru
vísi farið,“ segir í skriflegri afsök-
unarbeiðni Townend.
Þrýst til
að biðjast
afsökunar
Taylor
lávarður
HARÐAR refsingar hafa ekki áhrif
á afbrotatíðni. Ný sænsk rannsókn,
þar sem borin eru saman fjölmörg
Evrópulönd, sýnir fram á að refs-
ingar hafa ekki áhrif á tíðni eða
tegund afbrota, að því er segir í
Göteborgsposten í liðinni viku.
Rannsóknin verður birt op-
inberlega í júní nk.
Það er sænskur afbrotafræð-
ingur, Lars Westfeldt, sem hefur
borið saman níu lönd í Vestur-
Evrópu og tegundir afbrota sl. 50
ár. Niðurstaða hans er sú að þrátt
fyrir að refsilöggjöf landanna sé
ólík sé niðurstaðan hin sama. „At-
hyglisvert er hve margt líkt er með
löndunum. Það sýnir ljóslega að
annað hefur áhrif á hvernig afbrot
þróast en refsingin,“ segir West-
feldt. Hann segir Finnland gott
dæmi. Áður fyrr hafi afbrotamenn
hlotið langa og stranga dóma, flest-
ir til fangavistar. Síðustu 25 árin
hafi blaðinu verið snúið við og föng-
um fækkað um tvo þriðju. Þetta
hafi þó ekki haft áhrif á tíðni af-
brota og að ekki hafi heldur orðið
breyting á því um hvers konar af-
brot var að ræða.
Frakkland og Bretland eru dæmi
um lönd þar sem refsingar hafa
verið þyngdar á síðustu árum en
niðurstaðan er hin sama, sáralitlar
breytingar á afbrotatíðninni.
Telur Westfeld að aðrir þættir
hafi meira að segja; svo sem breytt
samfélagsmynstur sem valdi því að
vægi hvers og eins minnki, auk þess
sem tækifærum til að fremja afbrot
fjölgi.
Refsingar
hafa ekki
áhrif á
afbrot
Kaupmannahöfn. Morgunblaðið.
Ný rannsókn
♦ ♦ ♦