Morgunblaðið - 01.05.2001, Blaðsíða 39
LISTIR
MORGUNBLAÐIÐ ÞRIÐJUDAGUR 1. MAÍ 2001 39
Magga Stína og Hringirnir
Jóhanna Sigurðardóttir
Anna Sigríður Helgadóttir, söngkona og
Aðalheiður Þorsteinsdóttir, píanóleikari
Kynnir: Jakob Frímann Magnússon
Sérstakur gestur: Illugi Jökulsson
1. maí á Hótel Borg
býður til samkomu á Hótel Borg
kl. 14.00 á baráttudegi verkalýðsins
Samfylkingin
Allir velkomnir.
Kópavogslistinn
1. maí kaffi
í Þinghól Hamraborg 11, 3. hæð, kl. 15:00
Gylfi Gröndal, rithöfundur,
flytur ljóð.
Kristín Á. Guðmundsdóttir, formaður
Sjúkraliðafélags Íslands, flytur ávarp.
Fundarstjóri: Sigrún Jónsdóttir,
bæjarfulltrúi Kópavogslistans
Dagskrá:
www.samfylking.is
Allir velkomnir
KVINTETT altósaxófónleikar-
ans Julian Cannonball Aderleys
þar sem bróðir hans Nat blés í
kornett og Bobby Timmons lék á
píanóið gerði allt vitlaust í New
York haustið 1959 þegar þeir
komu fram með sérstakan sál-
ardjassstíl sinn þar sem verk á
borð við This Here eftir Bobby
Timmons flugu upp vinsældalista
djassins. Píanistinn Horace Silv-
er hafði að vísu nokkru áður leitt
fönký sálardjass til hásætis og
Bobby Timmons hafði leikið með
djasssendiboðum Arts Blakeys
og samið verk í sama stíl einsog
hið vinsæla Moanin. En þeir
Adderley-bræður spiluðu öðru-
vísi og það var galdurinn. Að
vísu má segja að Cannonball hafi
náð listrænum hápunkti sínum í
samvinnu við Miles Davis. Hann
blés á altóinn í Kind of Blue-
svítunni og magnaðasta skífa er
hann hljóðritaði undir eigin
nafni, slíkt kalla menn sólóskífur
nú á dögum, var Somethiń Else
þarsem Miles blés í trompetinn.
Á fimmtudagskvöldið var buðu
Ólafur Jónsson tenórsaxófónleik-
ari og Carl Möller píanisti ásamt
kvintetti sínum uppá Cannon-
ball-veislu á Múlanum. Boðað var
að nú yrði spilað af efnisskrá
Cannonballs-kvintettsins af sál-
armóð. Ekki varð sú raunin og
þeir sem ætluðu á fönký stefnu-
mót við Cannonball-smellina
frægu lentu í vitlausri veislu.
Afturá móti var veislan ágæt og
bíboppið liðugt hjá kvintettnum.
Fyrst ópusinn sem var eftir Don
Pearson og Joe Zawinul fylgdi í
kjölfarið, þó ekki Mercy, Mercy,
Mercy-smellurinn heldur Scotch
And Water. Dálítið vantaði uppá
samspilið hjá blásurunum þar og
lítið hefði Yusef Lateef þótt til
ýlfurs Ólafs koma. En Eyjólfur
hresstist og í þriðja laginu, Big
„P“ eftir Jimmy Hath small allt
saman og Carl spilaði besta sóló
sinn þetta kvöld, en hann þekkir
verkið einsog handarbakið á sér
og hljóðritaði það sama ár og
Cannonball (1960) með Gunnari
Ormslev sem heyra má á Orms-
levdisknum: Jazz í 30 ár. Líðandi
langar línur Óla voru hunang og
Birkir urrandi af krafti í tromp-
etinn. Birgir og Pétur eru fínir
rýþmaleikarar en það er erfitt að
ná saman í þeirri hryllingsbúð
hljómsins sem gamli Sölvasalur-
inn er. Stundum fannst manni að
þeir félagar væru sinn í hvoru
horninu, en það er víst ekki á
dagskrá hinna nýju rekstraraðila
í Húsi málarans að tónlist hljómi
vel í salarkynnum þeirra.
Ýmsir aðrir ópusar voru á dag-
skrá m.a. eftir bassaleikara Add-
erleys, Sam Jones, og svo ,,lagið
sem gerði litla bróður ríkan“
einsog Cannonball kynnti gjarn-
an Work Song og einn af fáum
smellum eftir Cannonball sjálfan,
Sack ÓWoe, bæði frá 1960. Pétur
og Birgir voru sérdeilis góðir
þar. Ólafur blés svo ballöðuna
ljúfu I Cańt Get Started.
OJ & Möller kvintettinn bar
þess merki að hafa verið hóað
saman með litlum fyrirvara, en
gaman var samt að fá að heyra
þessa gömlu ópusa af efnisskrá
Adderleys-kvintettsins í íslenskri
túlkun. Ólafur Jónsson blés
margan fínan sóló. Tónn hans er
dálítið mattur og tónhugsunin
innhverf svo sálarstíll Adderleys
er honum fjarri. Afturá móti var
Vestmanneyingurinn ungi, Birkir
Freyr Matthíasson, stjarna
kvöldsins. Hann verður alltaf
betri og betri og sýndi hér og
sannaði að úthverfur biboppstíll
er honum jafn eiginlegur og hinn
innhverfari, ljóðrænni, sem hefur
verið aðall hans hingað til, en að
sjálfsögðu vantar hann reynslu
Ólafs og getur ekki samofið jafn
léttilega í sólóa sína margbreyti-
legar hugmyndir og Ólafur gerði
m. a. meistaralega í Big „P“.
Í vitlausri veislu
Vernharður Linnet
DJASS
M ú l i n n í H ú s i
m á l a r a n s
Birkir Freyr Matthíasson tromp-
et, Ólafur Jónsson tenórsaxófón,
Carl Möller píanó, Birgir Braga-
son bassa og Pétur Grétarsson
trommur. Fimmtudagur 26. apríl.
KVINTETTINN ÓJ
& MÖLLER
Á AÐALFUNDI Rithöfundasam-
bands Íslands, sem haldinn var í
Gunnarshúsi nýlega, voru skáldin
Einar Bragi og Matthías Johannes-
sen kjörnir heiðursfélagar félagsins.
Auk hefðbundinna aðalfundar-
starfa var á fundinum rætt um gjald-
fellingu bókarinnar og það öngþveiti
á bókamarkaði sem frjálst bókaverð
hefur haft í för með sér. Voru fund-
armenn á einu máli um að rithöfund-
ar þyrftu að beita sér í þessum efn-
um og snúa við þeirri þróun sem
hefði átt sér stað. Listamenn yrðu
sjálfir að standa vaktina og gæta
hagsmuna sinna. Þá var rætt um
framkomu Ríkisútvarpsins gagnvart
sjónvarpsþýðendum sem ekki hafa
lengur samning við stofnunina.
Stjórn Rithöfundasambands Ís-
lands er nú þannig skipuð: Aðal-
steinn Ásberg Sigurðsson, formað-
ur, Ólafur Haukur Símonarson,
varaformaður, Guðjón Friðriksson,
Karl Ágúst Úlfsson og Kristín Helga
Gunnarsdóttir, meðstjórnendur.
Varamenn eru Andri Snær Magna-
son og Kristín Marja Baldursdóttir.
Félagar í Rithöfundasambandi Ís-
lands eru nú rúmlega 340 talsins.
Kjörnir heiðurs-
félagar Rithöf-
undasambandsins
Einar
Bragi
Matthías
Johannessen
TÓNLEIKAR 180 barna og ung-
linga verða í Skálholtskirkju í dag,
þriðjudag, kl. 16. Tónleikarnir
verða haldnir að loknum sam-
starfsdegi nokkurra barna- og ung-
lingakóra sem haldinn verður í
Skálholti. Kórarnir eru Barna- og
kammerkór Biskupstungna, undir
stjórn Hilmars Arnar Agnarsson-
ar, Barna- og stúlknakór Háteigs-
kirkju, stjórnandi Birna Björns-
dóttir, Barnakór Selfosskirkju,
stjórnandi Glúmur Gylfason,
Heimsljósin, fjölþjóðlegur kór
barna, stjórnandi Júlíana Rún
Indriðadóttir og Barnakór Sól-
vallaskóla á Selfossi, stjórnandi
hans er Elín Gunnlaugsdóttir.
Kórfélagar eru á aldrinum 6-16
ára og á samstarfsdeginum verður
lögð áhersla á samsöng kóranna og
tónlistarflutning.
Æskukórar í
Skálholtskirkju