Morgunblaðið - 01.05.2001, Blaðsíða 26

VIÐSKIPTI
26 ÞRIÐJUDAGUR 1. MAÍ 2001 MORGUNBLAÐIÐ
NÝR vefur á ensku um íslenskan
skuldabréfamarkað, www.bonds.is,
var opnaður af Geir H. Haarde
fjármálaráðherra í gær. Vefnum er
ætlað að veita fjárfestum aðgang
að upplýsingum um íslenskan
skuldabréfamarkað og efnahags-
mál. Á bak við vefinn standa
stærstu útgefendur ríkisverðbréfa
og öll fjármálafyrirtæki sem eru
viðurkenndir viðskiptavakar á
ríkisskuldabréfamarkaði sem og
Verðbréfaþing Íslands. Vefurinn
verður kynntur á næstu dögum
fyrir erlendum bönkum, verð-
bréfafyrirtækjum, fjárfestum og
viðskiptafjölmiðlum.
Aðalmarkmið vefjarins er, sam-
kvæmt fréttatilkynningu, að auð-
velda aðgang erlendra fjárfesta að
upplýsingum um íslenska skulda-
bréfamarkaðinn. Erlendir fjárfestar
hafa ekki verið virkir á íslenskum
verðbréfamarkaði til þessa þótt
áhugi hafi verið að aukast hratt upp
á síðkastið. Ein af meginforsendum
fyrir aukinni þátttöku erlendra
fjárfesta er að upplýsingar af mark-
aðnum séu þeim jafnaðgengilegar
og innlendum fjárfestum. „Nýjar
forsendur hafa skapast á íslensk-
um verðbréfamarkaði sem auka
áhuga erlendra aðila á íslenska
markaðnum og hafa mikilvægar
umbætur verið gerðar á umgjörð
markaðarins að undanförnu. Þar
má sérstaklega nefna tilkomu No-
rex, samstarfs Verðbréfaþings Ís-
lands við kauphallir á Norðurlönd-
um, rafræna skráningu verðbréfa
hjá Verðbréfaskráningu Íslands,
endurskipulagningu markflokka
ríkisverðbréfa og stækkun flokka í
húsbréfakerfinu, auk þess sem op-
inberir aðilar og fjármálafyrirtæki
hafa á undanförnum árum lagt sitt
af mörkum til að hraða þroska
markaðarins og kynna hann fyrir
erlendum fjárfestum,“ að því er
fram kemur í fréttatilkynningu.
Að baki www.bonds.is standa
Lánasýsla ríkisins, Íbúðalánasjóð-
ur og viðskiptavakar á skulda-
bréfamarkaði, það er Búnaðar-
banki Íslands, Landsbanki Íslands,
Íslandsbanki-FBA, Kaupþing,
Sparisjóðabankinn og Verðbréfa-
þing Íslands.
Aðgangur erlendra
fjárfesta auðveldaður
Morgunblaðið/Ásdís
Geir H. Haarde fjármálaráðherra opnaði www.bonds.is í gær.
VEFMIÐLARNIR visir.is og
leit.is verða ekki með í mæl-
ingu á notkun vefmiðla, sem
Verslunarráð Íslands og Mod-
ernus ehf. standa fyrir og birt
verður í fyrsta skipti í dag.
Alls taka 14 vefir þátt í þess-
ari fyrstu reglubundnu mæl-
ingu, en það eru: mbl.is, form-
.is, hugi.is, simaskra.is,
strik.is, femin.is, torg.is, net-
doktor.is, formula1.is, althingi-
.is, ruv.is, ha.is, rsk.is og skja-
varp.is.
Jens P. Jensen, fram-
kvæmdastjóri Modernus ehf.,
segir að þetta verkefni hafi
verið í undirbúningi í rúma 14
mánuði. Prufumælingar á hin-
um ýmsu þáttum er snerta
notkun þátttakenda hafi staðið
yfir frá því í desember síðast-
liðnum og vel hafi verið vand-
að til verka.
Birtur verður listi yfir
helstu stærðirnar í mælingun-
um á þriðjudögum á slóðinni
www.chamber.is.
14 vef-
miðlar í
reglu-
bundinni
mælingu
Áfram erf-
iðar rekstr-
arhorfur í
rækjuvinnslu
Fiskiðjusamlag
Húsavíkur hf.
TAP Fiskiðjusamlags Húsa-
víkur hf. fyrir reikningstíma-
bilið 1. september 2000 til 28.
febrúar 2001 nam 39,6 millj-
ónum króna, samanborið við
36,3 milljóna króna hagnað á
sama tímabili árið áður. Velta
félagsins nam 937 milljónum á
tímabilinu en 1.104 milljónum
árið áður. Þá lækkaði hagn-
aður fyrir fjármagnsliði milli
ára úr 64,9 milljónum í 41,1
milljón. Fjármagnsliðir voru
neikvæðir um 80,7 milljónir
samanborið við 10,1 milljón ár-
ið áður.
Eignir samkvæmt efnahags-
reikningi lækkuðu milli ára úr
1.565 milljónum króna í 1.403
milljónir. Eiginfjárhlutfall
hækkaði úr 25,0% í 25,5% en
veltufjárhlutfall lækkaði úr 0,8
í 0,7.
Í tilkynningu frá félaginu
segir að gert sé ráð fyrir
áframhaldandi erfiðum rekstr-
arhorfum í rækjuvinnslu og að
dregið hafi verið úr vinnslu í
eina vakt frá og með 1. mars
2001. Sjómannaverkfall skapi
einnig óvissu í nánustu fram-
tíð, auk þess sem hráefnisverð
sé almennt hátt.