Morgunblaðið - 26.08.2001, Blaðsíða 14

14 SUNNUDAGUR 26. ÁGÚST 2001 MORGUNBLAÐIÐ
FIMM stór bandarísk kvikmyndaver hafa
tekið höndum saman um að setja á stofn
dreifikerfi fyrir afurðir sínar á Netinu.
Kerfið, sem byggt er á hugbúnaði frá
Sony, mun virka eins og nettengd mynd-
bandaleiga þar sem viðskiptavinir geta
horft á kvikmyndir að eigin vali gegn
gjaldi. Þetta er tilraun kvikmyndaver-
anna til að sporna gegn ólöglegri dreif-
ingu kvikmynda á Netinu, en forrit svip-
uð tónlistardreififorritinu Napster hafa
verið notuð í þeim tilgangi.
„Ég held að meirihluti neytenda geri
sér grein fyrir mikilvægi þess að bera
virðingu fyrir höfundarétti og fái þeir
tækifæri til að greiða fyrir að sækja
myndir á Netið muni þeir nýta sér það,“
segir Yair Landau, forstjóri þeirrar deild-
ar Sony sem sér um stafræna skemmtun.
„Ég hef það á tilfinningunni að allir sem
starfa í kvikmyndaiðnaðinum vilji upplifa
þann dag er maður getur horft á hvaða
mynd sem er, hvenær sem er.“
Sjálfseyðing eftir sólarhring
Kvikmyndaverin sem um ræðir eru
MGM, Paramount Pictures, Sony Pict-
ures, Warner Brothers og Universal Pict-
ures. Athygli vekur að hvorki Disney-
kvikmyndaverið né Twentieth Century
Fox tekur þátt í samstarfinu, en bæði
verin hafa tilkynnt áætlanir um að koma
á netdreifikerfi upp á eigin spýtur.
Sony-fyrirtækið stóð á bak við sam-
vinnuna, en talsmenn þess hafa sagst
vera að vinna að slíku kerfi frá því
snemma á þessu ári. Ástæðan fyrir töf-
inni sem orðið hefur er sú að forsvars-
menn Sony vildu sannfæra sem flest kvik-
myndaver um að taka þátt í þessu með
þeim. Samningaviðræðurnar tóku lengri
tíma en áætlað var vegna þess að hvert
kvikmyndaver kom með eigin kröfur og
efasemdir um öryggi og hagkvæmni.
Fyrstu hundrað kvikmyndirnar verða
komnar á Netið um áramótin og verður
um að ræða blöndu af eldri myndum og
nýjum. Það verður undir hverju kvik-
myndaveri komið hvaða myndir verða
settar á Netið og hvað þær munu kosta.
Ver sem ekki eru aðilar að samstarfsfyr-
irtækinu munu einnig geta sett kvik-
myndir á vefsíðuna.
Venjuleg kvikmynd er um það bil 500
megabæt að stærð og er því ljóst að að-
eins þeir sem hafa sæmilega hraða net-
tengingu geta nýtt sér þessa nýju þjón-
ustu. Kvikmyndin mun haldast á harða
drifi tölvu þeirrar sem henni er hlaðið á,
en mun eyða sjálfri sér 24 klst. eftir að á
hana hefur verið horft. Neytandinn mun
geta horft eins oft og hann vill á kvik-
myndina meðan þessi sólarhringur líður
og verður hægt að hraðspóla fram og til
baka og stöðva kvikmyndina um stund
eins og hægt er á venjulegu myndbands-
tæki.
Kvikmyndirnar verða settar á Netið
eftir að hafa verið gefnar út á mynd-
bandsspólum og DVD-diskum. „Við ætlum
okkur ekki að grafa undan mynd-
bandamarkaðinum, sem gefur okkur mik-
ið í aðra hönd,“ segir Landau.
Öruggur hugbúnaður
Þetta er ekki í fyrsta skipti sem áhorf-
endur munu geta pantað einstakar mynd-
ir, en slík þjónusta hefur tíðkast á kap-
alrásum vestanhafs um nokkurn tíma. Né
er þetta í fyrsta skipti sem boðið er upp á
kvikmyndir á Netinu, en þetta er í fyrsta
skipti sem stóru kvikmyndaverin taka
þátt í dreifingu kvikmynda um Netið.
Fyrirtækin hafa hingað til verið hikandi
að setja afurðir sínar á Netið af ótta við
að auðvelt muni reynast að afrita þær og
dreifa þeim ólöglega, en hugbúnaður
Sony á að gera slíka glæpastarfsemi ill-
mögulega. Mörg stórfyrirtæki í tónlistar-
iðnaði hafa háð harða baráttu fyrir
bandarískum dómstólum við netfyr-
irtækið Napster, sem gefur út samnefnt
forrit sem notað er til að dreifa tónlist án
þess að höfundar eða útgefendur fái
nokkuð fyrir sinn snúð. Kvikmyndaiðn-
aðurinn hefur hins vegar átt auðveldara
með að stjórna dreifingu kvikmynda á
Netinu og því er þessi yfirlýsing risanna
fimm talin merki um að öryggi vefsíð-
unnar sé tryggt.
Netbíó
Fimm stór kvikmyndaver tilkynna
nýjung á sviði kvikmyndadreifingar
Ef til vill verður hægt að nálgast kvik-
myndir Ritu Hayworth á Netinu í fram-
tíðinni.
EFNAHAGSVANDI Argentínu
hefur verið fyrirferðarmikill í fjöl-
miðlum á undanliðnum mánuðum.
Argentínumenn hafa nú loks fengið
þann stuðning, sem þeir fóru fram á
því Alþjóðgjaldeyrissjóðurinn ákvað
á miðvikudag að koma landsmönn-
um til hjálpar með átta milljarða
dollara viðbótarframlagi. Sú aðstoð
gerir að verkum að aukinnar bjart-
sýni gætir nú í Argentínu og raunar
um gjörvalla Suður-Ameríku enda
óttuðust margir að fyrirsjáanlegt
hrun argentínska efnahagsins
myndi hafa geigvænlegar afleiðing-
ar í för með sér um álfuna alla. Erf-
iðleikarnir hafa kallað fram ákveðna
endurskoðun en það endurmat er
engan veginn bundið við efnahags-
lífið; yfirvöld dómsmála, þingmenn
og fjölmiðlar huga nú í vaxandi mæli
að mistökum fortíðarinnar og þá
ekki síst þeirri alltumlykjandi spill-
ingu, sem löngum hefur einkennt
samfélag Argentínumanna.
Athyglin beinist einkum að
„pitsu- og kampavínsárunum“ en
þannig vísa menn í Argentínu gjarn-
an til forsetatíðar Carlos Menem.
Og ávirðingarnar skortir ekki; ólög-
leg vopnasala og peningaþvætti eru
á meðal þeirra mála, sem dómstólar
hafa nú til skoðunar. Raunar hafa
núverandi valdhafar ekki sloppið.
Traustar heimildir eru fyrir því að
nöfn þeirra Fernando de la Rúa, nú-
verandi forseta, og Domingo Cavallo
fjármálaráðherra hafi verið nefnd í
samhengi rannsóknar á peninga-
þvætti.
Og ekki mega gleymast mann-
réttindabrotin, ódæðisverkin og
hryllingurinn, sem dómstólar hafa
enn til umfjöllunar 18 árum eftir að
bundinn var endi á einræði herfor-
ingja í Argentínu.
Tengdur eiturlyfjahringjum?
Nú líkt og svo oft áður er það
Carlos Menem, fyrrverandi forseti,
sem er einkum í sviðsljósinu. Men-
em, sem er annálaður fyrir heldur
óhaminn lífsstíl, hefur nú verið
bendlaður við peningaþvætti á
Spáni. Í 1.500 blaðsíðna skýrslu,
sem unnin var á vegum þings Arg-
entínu, er að finna sannanir í þá
veru að „valdamestu stjórnmála-
menn landsins“ hafi tengst hringj-
um eiturlyfjasala í Mexikó og Kól-
umbíu, að sögn þingkonunnar Elisu
Carrio, sem stýrði rannsókninni en
hún tilheyrir stjórnarandstöðu-
flokknum Union Civica Radical,
UCR.
Menem er nú í stofufangelsi á
meðan rannsökuð er meint hlutdeild
hans í ólöglegri vopnasölu til Króa-
tíu og Ecuador á síðasta áratug. Þá
er hann og sakaður um að hafa
dregið sér fé. Fyrir yfirvöldum í
Sviss liggur nú beiðni frá argent-
ínsku ríkisstjórninni þar sem farið
er fram á upplýsingar um banka-
reikninga, sem Menem kunni að
eiga þar í landi.
Verði hann fundinn sekur kann
hann að eiga allt að tíu ár í vændum
innan fangelsismúra.
Forsetinn fyrrverandi hefur
brugðist hinn versti við ásökunum
þessum og boðað að hann hyggist
bjóða sig fram að nýju í forsetakosn-
ingunum árið 2003. Menem er enn
nokkuð vinsæll meðal alþýðu manna
enda býr maðurinn yfir persónutöfr-
um og ótvíræðum hæfileikum til að
ná til fjöldans. Í engu er þó hægt að
bera stöðu hans saman við þær
miklu vinsældir, sem hann naut í
forsetatíð sinni á árunum 1989–
1999.
Pitsur og kampavín
Menem var á sínum tíma lofaður
mjög fyrir að hafa snúið við argent-
ínskum efnahagsmálum, sem lengi
höfðu einkennst af stöðnun, mis-
skiptingu og spillingu. Nú er hann á
hinn bóginn gerður ábyrgur fyrir
kreppunni, sem staðið hefur á þriðja
ár. Forsetinn fyrrverandi er vændur
um að hafa í engu brugðist við að-
steðjandi vanda. Maðurinn hafi enda
verið upptekinn við annað; hann hafi
tamið sér hóflausan lífsstíl og
skemmt sér „konunglega“ á meðan
efnahagurinn sigldi markvisst í
Drauga-
gangur í
Argentínu
Boðað var á miðvikudag að Alþjóðagjald-
eyrissjóðurinn væri tilbúinn að leggja sitt af
mörkum til að afstýra algjöru hruni efna-
hags Argentínu. Ásgeir Sverrisson segir
landsmenn ekki einvörðungu lifa í skugga
efnahagsvandans; gömul spillingarmál og
glæpaverk séu enn óútkljáð.
Reuters
Carlos Menem, fyrrverandi Argentínuforseti, lætur ásakanir um spillingu, vanhæfni og hóglífi á valdaferli sín-
um sem vind um eyru þjóta. Menem hefur boðað að hann hyggist bjóða sig fram til forseta á ný og fyrir
skemmstu gekk hann í hjónaband í þriðja skiptið er hann kvæntist Ceciliu Bolocco, sem er frá Chile og hefur
m.a. það til brunns að bera að hafa verið kjörin Ungfrú heimur.
Reuters
Efnahagsþrengingum og atvinnuleysi mótmælt í miðborg Buenos Aires.