Morgunblaðið - 26.08.2001, Side 57

FÓLK Í FRÉTTUM
MORGUNBLAÐIÐ SUNNUDAGUR 26. ÁGÚST 2001 57
Í KVÖLD kl. 21.30 hefjast tónleikar í
kjallara skemmtistaðarins Ozio þar
sem djasskvartettinn Dúett Plús leik-
ur með djasssöngkonuna Þóru Grétu
Þórisdóttur í fararbroddi. Henni til
fulltingis eru ungir en reyndir djass-
leikarar, þeir Þorgeir Jónsson bassa-
leikari, Andrés Örn Gunnlaugsson
gítarleikari og Birgir Baldursson
trommuleikari.
Lög í okkar búningi
Það verður að segjast að nafn sveit-
arinnar er fullfrumlegt fyrir kvartett.
„Nafnið er þannig komið til að við
Andrés Örn gítarleikari höfum verið
að spila dúett saman í tvö, þrjú ár, en
síðasta sumar fengum við þá Þorgeir
og Birgi til liðs við okkur og þá bætt-
ist við dúettinn eins og nafnið segir til
um,“ útskýrir söngkonan.
„Við ætlum að leika djassstandarda
í kvöld sem við höfum verið að setja í
okkar búning og þar förum við svolít-
ið vítt og breitt,“ segir Þóra Gréta.
„Það læðast inn ballöður en lögin ná
líka alla leið yfir í fönkið, þannig að
dagskráin verður mjög fjölbreytt.
Við höfum líka verið að leika okkur
að íslenskum þjóðlögum og erum með
að minnsta kosti tvö þeirra á dag-
skránni. Andrés Örn hefur útsett þau
og við höfum leikið þau í sumar, og
það hefur komið vel út. Við héldum
nokkra tónleika á Mývatni, bæði á
kaffihúsinu og í kirkjunni, og síðan á
Stykkishólmi. Það var mjög gaman,
en okkur langaði samt að enda sum-
arið í bænum því Andrés er að fara út
eftir helgi.“
Þóra segir þetta því síðasta séns
fyrir fólk að sjá og heyra Dúett Plús í
sumar, og lofar að kvöldið verði
skemmtilegt.
Dúett Plús spilar á Ozio
Þorgeir, Andrés Örn, Þóra Gréta og Birgir eru Dúett Plús.
Förum vítt og breitt
Geisladiskahulstur
aðeins 500 kr.
NETVERSLUN Á mbl.is