Morgunblaðið - 06.10.2001, Page 17

SUÐURNES
MORGUNBLAÐIÐ LAUGARDAGUR 6. OKTÓBER 2001 17
„FYRST við höfum stækkað fyrir-
tækið svona mikið verðum við að
stíga skrefið til fulls, reyna að
kaupa kvóta til að tryggja hráefn-
isöflunina,“ segir Birgir Kristins-
son, framkvæmdastjóri Ný-Fisks
ehf. í Sandgerði. Margt er að gerast
hjá fyrirtækinu um þessar mundir,
fyrirhugað er að erlendur sam-
starfsaðili kaupi fjórðungshlut í því
og svo er það í viðræðum við norskt
útgerðarfélag um kaup á línubáti.
Ný-Fiskur leggur áherslu á
vinnslu og útflutning á ferskum
fiskflökum til Evrópu, einkum Belg-
íu. Þótt félagið sé nánast kvótalaust
hefur það náð góðum árangri á sínu
sviði, er nú orðið stærsta fisk-
vinnslufyrirtækið í Sandgerði,
stærsta ferskfiskvinnslufyrirtæki
landsins og einn af stærstu útflytj-
endum ferskra fiskafurða.
Samstarfið við
Pieters gengið vel
Rætur fyrirtækisins ná tólf ár aft-
ur í tímann en á árinu 1996 fékk það
núverandi nafn. Eigendur þess frá
upphafi eru Birgir og Einar Sveins-
son mágur hans og fjölskyldur
þeirra. Þeir vinna við fyrirtækið.
Báðir eru trésmiðir og fóru að reyna
fyrir sér í sjávarútvegi þegar lítið
var að gera hjá trésmiðum um miðj-
an níunda áratuginn.
Starfsemin var lítil fyrstu árin en
vendipunktur varð á árinu 1996
þegar þeir náðu langtímasamning-
um við belgíska stórfyrirtækið Piet-
ers um sölu á afurðum í Evrópu.
Samvinnan hefur gengið afar vel, að
sögn Birgis. Það ár fór veltan yfir
200 milljónir en hefur vaxið ár frá
ári og á þessu ári stefnir í það að
umsetningin verði um 1100 milljónir
kr. Starfsfólk við vinnsluna er orðið
um 60 talsins, auk 20 við útgerðina.
Til stendur að belgíska fyrirtækið
eignist fjórðungshlut í Ný-Fiski.
Birgir segir að það sé gert til að
tryggja enn frekar viðskiptahags-
muni fyrirtækisins til framtíðar.
Neyddir til að
auka útgerðina
Ný-Fiskur hefur byggt starfsemi
sína á hráefni sem keypt er á fisk-
mörkuðunum. Í upphafi þessa árs
keypti dótturfélag þess, Eyrarsund,
kvótalausan línubát frá Grindavík,
Kristin Lárusson, og hóf útgerð
hans. Byggist útgerðin á leigukvóta.
Auk þess á félagið trilluna Sindra
sem um þessar mundir er róið frá
Patreksfirði.
Birgir segir að framboð hráefnis
á fiskmörkuðunum hafi dregist
mjög saman en útgerð bátanna
haldið fyrirtækinu á floti. Hins veg-
ar hafi leiguverð kvóta hækkað á
stuttum tíma úr um 100–110 krónur
á kílóið af þorski í 130–150 krónur
og erfitt sé orðið að fá hann leigðan.
Segist Birgir telja að minnkandi
kvóti sé ástæðan og útgerðarfyrir-
tæki hafi minni möguleika á að
leigja frá sér. Þá séu þau hugsan-
lega að reyna að pressa upp kvóta-
verðið.
Hins vegar hefur verð á eignar-
kvóta haldist stöðugt að undanförnu
og raunar lækkað úr um 1100 þús-
und kr. tonnið í um 700 þúsund á
einu ári. Telur Birgir að það sé af-
leiðing þess að bankarnir hafi hætt
að fjármagna kvótakaup vegna
óvissunnar í sjávarútvegsmálum.
„Við þurfum 5–6 þúsund tonn af
hráefni á ári og erum með 60 manns
í vinnu. Við neyðumst til að fara
sjálfir út í útgerð og kvótakaup til
að láta þetta ganga,“ segir Birgir.
Það er niðurstaða stjórnenda fyr-
irtækisins að leita allra leiða til að
eignast kvóta.
Viðræður um kaup
á bátum frá Noregi
Birgir segist hafa verið að leita
fyrir sér um kaup á línubáti frá Nor-
egi. Þar séu margir bátar á lausu
vegna hagræðingar í kjölfar þess að
útgerðum var heimilað að flytja
kvóta á milli báta. Það mál hafi ekki
gengið upp og í staðinn verið teknar
upp samningaviðræður við Ervik
Havfiske um kaup á báti. Birgir
segir að samningar hafi upphaflega
snúist um kaup á einum línubáti en
norska fyrirtækið hafi viljað selja
þrjá hingað vegna þess að það var
að flytja kvóta af þeim yfir á einn
nýjan og þurft að koma eldri bát-
unum af norskri skipaskrá. Birgir
segir að samningar hafi ekki náðst
enda hafi hann ekkert að gera við
bátana nema hægt verði að tryggja
verkefni fyrir þá með hagkvæmri
fjármögnun kvótakaupa.
Norska fyrirtækið sendi eitt skip-
ið til Íslands þótt ekki hafi verið bú-
ið að ganga frá samningum við Ný-
Fisk og var stofnað um það sérstakt
félag, Útgerðarfélag Suðurnesja
ehf., sem Birgir segir að sé Ný-
Fiski óviðkomandi. Heitir skipið
Gunnar GK. Annað skip mun vera á
leiðinni til landsins. Birgir segir að
Norðmönnunum hafi legið á að
koma skipunum úr landi en þessar
ráðstafanir séu algerlega á þeirra
eigin ábyrgð. Aftur á móti hafi verið
gerður samningur um að Ný-Fiskur
kaupi aflann til bráðabirgða enda í
stöðugri hráefnisþörf.
Ákveðin tengsl eru á milli Ervik
Havfiske og Ný-Fisks ehf. Norska
útgerðarfélagið er í helmingseigu
norska fyrirtækisins Domstein sem
er annað tveggja norskra fyrir-
tækja sem keyptu Pieters í haust.
Birgir hafnar því algerlega að þessi
tengsl blandist inn í bátakaupin.
Hann segist eingöngu vera að vinna
að hagsmunum Ný-Fisks sem þurfi
að auka útgerð sína og kaupa kvóta
til þess að tryggja framtíð fyrirtæk-
isins. „Það eru allskonar kjaftasög-
ur í gangi. En mér er alveg sama
þótt menn kalli mig lepp eða hvað
annað ef ég get tryggt áframhald-
andi arðsemi fyrirtækisins. Við höf-
um byggt upp fyrirtækið á tólf ár-
um, síðustu sex árin í nánu
samstarfi við Belgana, og erum
komnir í góða stöðu. Ég held að
þessar sögur verði til vegna öfundar
manna sem ekki komast í sömu að-
stöðu og við,“ segir Birgir.
Áfram á þrjóskunni
Hann segir að oft hafi verið erfitt
á uppbyggingartímanum og þeir
tímar komið hjá þeim Einari að þeir
hafi verið að hugsa um að snúa sér
aftur að húsasmíðunum. En þetta
hafi tekist með þrjóskunni og með
því að trúa sjálfir statt og stöðugt á
fyrirtækið. Nú sé komið að nýjum
verkefnum, að byggja upp útgerð
með kaupum á bátum og kvóta, til
að tryggja hráefnisöflunina. Það
verði að gerast með sömu hugsjón-
inni og þrjóskunni.
Ný-Fiskur ehf. hyggur á kvótakaup og uppbyggingu
útgerðar til að tryggja hráefnisöflun
Verðum að stíga
skrefið til fulls
Morgunblaðið/Reynir Sveinsson
Birgir Kristinsson, framkvæmdastjóri Ný-Fisks ehf., er með mörg járn í
eldinum þessa dagana, hugar meðal annars að báta- og kvótakaupum.
Sandgerði
LÝSING við styttu Ólafs Thors í
Keflavík var formlega tekin í notk-
un í gærkvöldi. Davíð Oddsson, for-
maður Sjálfstæðisflokksins, kveikti
á ljósunum.
Stytta Áka Granz af Ólafi Thors,
fyrrverandi forsætisráðherra og
formanni Sjálfstæðisflokksins, var
reist í Keflavík í október 1975 en
Ólafur var sem kunnugt er lengi
þingmaður Gullbringu- og Kjós-
arsýslu og síðar Reykjanes-
kjördæmis. Styttan er á opnu svæði
við Hringbraut, aftan við skrifstofu
sýslumannsembættisins, en stað-
urinn er í daglegu tali nefndur
Fokkan vegna þess að að lögun lík-
ist hann þríhyrndu segli.
Vindillinn á sínum stað
Áki Granz er málarameistari og
segist hafa fengist við að gera
merki fyrir félög. Í tengslum við þá
iðju hafi sér dottið í hug að gera
einkennismerki Ólafs Thors, hægri
hönd hans með vindilinn. Þá hafi
hann gert höggmynd af höfði Ólafs
fyrir sýningu iðnaðarmanna. Það
leiddi til þess að sjálfstæðismenn á
Suðurnesjum fengu hann til að
gera höggmynd af Ólafi. Ekkja
hans, Ingibjörg Indriðadóttir
Thors, kom ásamt Kristjáni Al-
bertssyni vini þeirra hjóna til að
taka styttuna út en höfundurinn
hafði gert það að skilyrði fyrir því
að taka verkið að sér. Hann segir
að þau hafi verið ánægð með verkið
og hafi sér þótt vænt um það. Að
sjálfsögðu er vindillinn í hægri
hendi Ólafs.
Gerð var afsteypa af höggmynd-
inni í Englandi og hún síðan sett
upp í Keflavík. Segir Áki að sjálf-
stæðismenn hafi safnað fyrir kostn-
aðinum.
Áki segir að ekki hafi verið mikið
hugsað um styttuna, ekki fyrr en nú
að nokkrir ungir sjálfstæðismenn
hafi lagt stétt að henni og látið setja
lýsingu við hana. Segist Áki vera
ánægður með þetta framtak þeirra
og þann metnað að vilja standa fyr-
ir framkvæmdunum sjálfir enda sé
styttan eign sjálfstæðismanna en
ekki bæjarins.
Morgunblaðið/Hilmar Bragi Bárðar
Davíð Oddsson tendrar ljósin í gærkvöldi.
Kveikt á lýsingu við
styttu Ólafs Thors
Keflavík
Almannavarnanefnd Suðurnesja
utan Grindavíkur
Framkvæmdastjórastaða A.V.S. er laus til umsóknar. Um er
að ræða hlutastarf. Vinnuframlag er áætlað 165 klst. á ári.
Verkefni er að meginstofni: Reglulegt eftirlit með búnaði í eigu
nefndarinnar sem staðsettur er hjá stofnunum, björgunar- og
hjálparsveitum, einnig skráningar og skjalavistun.
Framkvæmdastjóri starfar í nánu sambandi við formann
nefndarinnar sem er yfirmaður viðkomandi.
Krafist er staðgóðrar menntunar í íslensku, ensku
og stærðfræði, einnig tölvukunnáttu. Mikil áhersla er lögð á
nákvæm og vönduð vinnubrögð.
Vakin er athygli á að starfið hentar jafnt konum sem körlum. Laun
eru skv. 131. launaflokki S.T.F.S. og Launanefndar sveitarfélaga.
Laus staða framkvæmdastjóra