Morgunblaðið - 08.11.2001, Síða 20

LANDIÐ
20 FIMMTUDAGUR 8. NÓVEMBER 2001 MORGUNBLAÐIÐ
SAUÐFJÁRSLÁTRUN lauk hjá
Sölufélagi A-Húnvetninga (SAH) í
þessari viku og var slátrað um 64.000
fjár, þar af um 62.000 dilkum. SAH
hefur aukið mjög hlut sinn á slát-
urmarkaðnum síðustu árin og er fyr-
irtækið að sögn Sigurðar Jóhannes-
sonar, framkvæmdastjóra SAH,
orðið nærststærst á landinu á þessu
sviði, aðeins Sláturfélag Suðurlands
slátrar fleiri kindum. Í fyrra var
slátrað um 52.000 kindum þannig að
aukningin er um 23% á milli ára. Á
síðastliðnum þremur árum hefur
sauðfjárslátrun tvöfaldast hjá SAH.
Meginhluti aukningarinnar er vegna
innleggs bænda úr öðrum héruðum
og viðbótin í haust er fyrst og fremst
af Ströndum og Vestfjörðum, að
sögn Sigurðar. Þeir aðilar sem sjá
um flutning sláturfjárins hafa end-
urnýjað bílaflotann til að mæta
lengri flutningsleiðum og getur hver
bíll flutt um 220 lömb í ferð. Sigurður
Jóhannesson sagði að þessi stærð
væri hagkvæm og flutningar hefðu
gengið vel því þessir bílar væru
snarir í snúningum og ættu auðvelt
með að athafna sig við mismunandi
aðstæður.
Meðalfallþungi dilka var um 15,1
kg og er það 0,6 kg minna en var í
fyrra.
Fyrir fimm árum var lagt í veru-
lega fjárfestingu í sláturhúsinu.
Húsnæðið var lagfært og sett upp
nýtt fláningskerfi. Í framhaldi af
breytingunni fékk SAH leyfi til að
flytja út kjöt til landa Evrópusam-
bandsins og hefur einnig fengið leyfi
til að slátra fyrir Bandaríkjamarkað.
Sigurður Jóhannesson sagði að vel
hefði gengið að manna sláturhúsið í
haust og vinna um 60 manns hjá
SAH í sláturtíð sem er helmingi
færra en fyrir fimmtán til tuttugu
árum. Starfsfólkið samanstendur af
„gamalgrónum kjarna“ og auk þess
vinna 16 útlendingar hjá SAH, mest
Danir og Svíar, sumt af því fólk sem
var líka í fyrra. Sigurður sagði það
óhugsandi að reka svona „vertíða-
vinnu“ í dag án vinnuafls frá útlönd-
um.
Reikna má með að um 900 tonn af
dilkakjöti falli til í sláturtíðinni hjá
SAH og hefur félagið þegar tryggt
sölu á meginhluta þess kjöts sem fer
á innanlandsmarkað. Félagið sjálft
rekur litla kjötvinnslu en leggur höf-
uðáherslu á að grófvinna kjötið.
Þekktasta varan sem Sölufélagið
framleiðir fyrir innanlandsmarkað-
inn er sviðasultan og fara vinsældir
hennar stöðugt vaxandi.
Sigurður sagði að verulegur
rekstrarbati hefði orðið í fyrra og
þakkar það einkum aukinni slátrun.
Hann hefur nokkrar áhyggjur af
minnkandi innanlandssölu dilkakjöts
sl. 12 mánuði en samdrátturinn nem-
ur 4,1%.
Sölufélag Austur-Húnvetninga
Morgunblaðið/Jón Sig.
Framkvæmdastjóri SAH, Sigurður Jóhannesson, og sláturhússtjórinn
Gísli Garðarsson segja að vel hafi gengið að manna sláturhúsið.
Sauðfjárslátrun
hefur tvöfaldast
á þremur árum
Blönduós
TALSVERÐ hálka myndaðist á
götum Ólafsvíkur um helgina og
margir bíleigendur voru ekki
búnir undir þennan óvænta vetur
og flestir illa útbúnir til aksturs.
Snjóað hafði yfir klakann og
lentu margir bíleigendur í tals-
verðum ógöngum er þeir óku um
götur bæjarins. Eins og þessi
mynd sýnir lenti þessi bíll utan
vegar á horni Mýrarholts og
Skálholts og er talsvert skemmd-
ur. Ökumaður slapp ómeiddur úr
þessari svaðilför.
Óhapp í hálkunni
Ólafsvík
NÝR skólastjóri tók við skólanum í
haust sem er Trausti Steinsson.
Hann flutti hingað í hreppinn frá
Hveragerði og var áður kennari í
Árborg, það er skólanum á Eyr-
arbakka og Stokkseyri, þá nýsam-
einaðir í sveitarfélagið Árborg.
Hinn nýi skólastjóri kemur með
fjölskyldu með sér í þessa fámennu
sveit konu og tvö ung börn.
Í viðtali við fréttaritara Morg-
unblaðsins sagði Trausti að honum
hefði þótt slæmt að geta ekki komið
fyrr enn seinnipart september og
sett skólann í haust vegna þess að
hann byrjaði í barneignarfríi strax
áður en skóli átti að byrja. „Og við
vildum láta barnið verða um mán-
aðar gamalt áður en við færum í
svona langt ferðalag en það var tek-
ið vel í þetta af skólanefnd hér í
sveitinni.“
Bjarnheiður Fossdal leiðbeinandi
setti skólann 30. ágúst í haust
ásamt Elfu Lilju Gísladóttur, tón-
menntakennara úr Reykjavík, sem
hefur kennt hér við skólann þessa
grein undanfarin ár.
Nemendur hafa aldrei verið færri
í skólanum en nú á þessu ári eða
fimm. Alltaf er heitur matur í há-
deginu fyrir börnin sem Hrefna
Þorvaldsdóttir matráðskona sér
um.
Þrír starfsmenn eru við skólann í
fullu starfi eða hlutastarfi.
Nýr skólastjóri við
Finnbogastaðaskóla
Ljósmynd/Jón G. Guðjónsson
Trausti, sonurinn Adam Freyr og kona Trausta, María Wójcik.
Árneshreppur
LEIKSÝNINGIN Fróðárundur var
sett á svið í þriðja sinn síðastliðinn
laugardag í félagsheimilinu Klifi í
Ólafsvík. Sýningin var öll hin lífleg-
asta og bar þess engin merki að leik-
arar hefðu tekið sér gott sumarfrí
eða frá því í maí sl. þegar frumsýnt
var. Ákveðið var að bjóða upp á tvær
aukasýningar nú í haust á verkinu og
verður hin síðari laugardaginn 10.
nóvember.
Leikritið Fróðárundur á uppruna
sinn í samnefndum atburðum úr
Eyrbyggju. Verkið er sett upp á
gamansaman hátt, kryddað fjörugri
tónlist úr smiðju Péturs Grétarsson-
ar. Sagan fær þó að halda sér í meg-
indráttum og áhorfandans er að
túlka dulúðina sem að baki liggur,
eins og bent er á í lokasöngnum: ,,En
ykkar ykkar forvitni er máski vakin,/
áhorfendur, er þar frammi sitjið,/
upp þið kveðið dóm, því best þið vit-
ið/ hvað þarna varð þá vetrardaga
langa,/ veiki, tálsýn, draugar, aftur-
ganga?“
Alls koma um 30 manns að upp-
setningu Fróðárundra og þar af eru
leikarar 12 talsins. Leikstjóri og höf-
undur verksins er Jón Hjartarson
sem er Snæfellingur að uppruna,
fæddur og uppalinn á Hellissandi.
Ljósmynd/Elín Una
Sýningin Fróðárundur var vel
heppnuð og hin líflegasta.
Fróðár-
undrin
gerast enn
Ólafsvík
MIKIL fólksfækkun hefur orðið í
Raufarhafnarhreppi á undanförnum
árum. Á þessu ári hefur fækkað um
50 manns fyrstu 9 mánuði ársins og
er íbúatalan því komin niður fyrir
300 manns. „Fækkun upp á 29% á
þremur árum segir allt sem segja
þarf,“ sagði Reynir Þorsteinsson
sveitarstjóri í samtali við Morgun-
blaðið um stöðu mála. Á sama tíma
hafa útsvarstekjur dregist saman
um 25%.
Reynir hefur sent erindi til þing-
manna Norðurlandskjördæmis
eystra og óskað eftir því að þeir hafi
milligöngu um fund með ráðamönn-
um hreppsins og ríkisstjórn Íslands.
Bréfið var sent til þingmanna fyrir
tæpum hálfum mánuði en að sögn
Reynis hefur enn ekkert svar borist.
„Það er þrennt sem við höfum
áhuga á að ræða við ráðamenn þjóð-
arinnar. Það eru samgöngumál, en
við erum búin að bíða í 22 ár eftir
úrbótum í samgöngumálum og nú
viljum við að eitthvað verði gert.
Dýpkun hafnarinnar er annað mál,
en við höfum misst af skipum inn til
löndunar vegna þess að þau komast
ekki hingað inn nema við sérstakar
aðstæður. Þá viljum við fá 10 þús-
und tonna byggðakvóta í loðnu. Við
sjáum engan mun á því að Vestfirð-
ingar fái þorsk og ýsu og að við
fáum byggðakvóta í loðnu.“
Ríkistryggð búseta á
höfuðborgarsvæðinu
Reynir sagðist ekki hafa einhlíta
skýringu á þessari fólksfækkun en
þær væru vafalaust eins margar og
fólkið sem hefði flutt í burtu. Hins
vegar hafi fólk ekki farið vegna þess
að það væri atvinnulaust. Atvinnu-
ástandið væri ágætt og að á þessu
tímabili sem fólk hefði flutt í burtu
hafi komið fólk frá Póllandi, Finn-
landi og Perú til þess að vinna í
frystihúsinu og nú séu þar yfir 20
erlendir starfsmenn í vinnu.
„Það er svo sem ekkert skrýtið að
fólk vilji flytja á höfuðborgarsvæðið
en þar er eina ríkistryggða búsetan í
landinu. Ef horft er yfir farinn veg
má sjá að allt sem sagt er og allt
sem gert er hefur miðað að því
halda fullum dampi á þessu svæði.
Finnst engum það skrýtið að í fyrra-
sumar hættu húseignir að seljast í
Reykjavík vegna þess að ávöxtunar-
krafa húsbréfa rauk upp í 20%? Þá
keypti ríkissjóður húsbréf fyrir 5
milljarða og hreinsaði þau út af
markaðnum. Þetta kallar fólk fyrir
sunnan hagstjórn en ef fer ein ein-
asta milljón út á land er það kallað
sjóðasukk.“
Austfirskar þúfur allt
í einu einhvers virði
Reynir sagði það einnig skrýtið að
flestir íbúar höfuðborgarsvæðisins
hefðu á því skoðun hvort byggja
ætti álver á Austurlandi. „Það er allt
vitlaust í fjölmiðlum og einhverjar
þúfur á austfirskum öræfum orðnar
einhvers virði. Hins vegar kemur
ekki hósti eða stuna varðandi hugs-
anlega stækkun álversins í Straums-
vík eða á Grundartanga.“
Reynir sagði það alveg ljóst að
ráðamenn þjóðarinnar yrðu að fara
gera upp hug sinn í málefnum lands-
byggðarinnar og taka alvöru póli-
tískar ákvarðanir. „Menn hafa ekki
hikað við að gera það til þess að
rétta hlutina við þarna suður í
Reykjavík.“
Raufarhafnarhreppur vill fund með ríkisstjórninni
Vilja 10 þúsund tonna
byggðakvóta í loðnu
Raufarhöfn