Morgunblaðið - 11.11.2001, Blaðsíða 64

MORGUNBLAÐIÐ, KRINGLUNNI 1, 103 REYKJAVÍK, SÍMI 569 1100, SÍMBRÉF 569 1181, PÓSTHÓLF 3040,
ÁSKRIFT-AFGREIÐSLA 569 1122, NETFANG: RITSTJ@MBL.IS, AKUREYRI: KAUPVANGSSTRÆTI 1 SUNNUDAGUR 11. NÓVEMBER 2001 VERÐ Í LAUSASÖLU 190 KR. MEÐ VSK.
V i ð s k i p t a h u g b ú n a ð u r
á h e i m s m æ l i k v a r ð a
Borgar túni 37
Sími 569 7700W W W. N Y H E R J I . I S
VEL gekk að bjarga 14 manna
áhöfn línubátsins Núps BA frá Pat-
reksfirði þegar hann strandaði rétt
utan við Vatneyri á Patreksfirði
snemma í gærmorgun. Vél bátsins
bilaði og rak hann á aðeins 10 mín-
útum upp í fjöru vestanmegin fjarð-
arins um einn km utan við bæinn.
Núpur er 255 tonn og var á línu-
veiðum. Hann var á leið til hafnar en
beið þess að sigla inn skammt utan
hafnarinnar þar til veður myndi
lægja. Klukkan 6.15 í gærmorgun
hafði Núpur samband við Tilkynn-
ingaskylduna og greindi frá vélarbil-
un og var þá haft samband við lög-
reglu. Tíu mínútum síðar tilkynnti
áhöfnin að skipið væri strandað og
voru björgunarsveitirnar Blakkur
frá Patreksfirði og Tálkni frá
Tálknafirði kallaðar út.
Hermann Guðjónsson í Blakki
stjórnaði aðgerðum á staðnum og
sagði hann sína menn hafa verið
komna á staðinn um kl. 7 með búnað
sinn. Björgunarmenn urðu að ganga
á staðinn, um einn km utan við bæ-
inn við svokallaðan Sjömannabana.
Lögreglan var þá komin á staðinn og
skipverjar á Núpi höfðu skotið línu í
land. Auk ljósa frá Núpi lýstu skip
úti á firðinum upp bæði á vettvangi
og leiðina milli strandstaðar og bæj-
arins.
Vel gekk að ná áhöfninni í land og
var aðgerðum lokið kl. 8.37. Fengu
skipverjar og björgunarmenn að-
hlynningu í húsakynnum Odda. Hátt
í 30 manns unnu að björgunarstörf-
unum en auk björgunarsveitar-
manna veittu áhafnir skipa sem lágu
í höfninni aðstoð sína.
Fulltrúar rannsóknarnefndar sjó-
slysa héldu áleiðis vestur í gær og
áttu skýrslutökur að verða síðdegis í
gær eða í dag.
Sigurður Viggósson, fram-
kvæmdastjóri Odda, sagði að reyna
hefði átt að ná skipinu út á flóði síð-
degis í gær en veður var þá að lægja.
Varðskip var á leið til Patreksfjarð-
ar en þar eru einnig stór loðnuskip
sem hugsanlega gátu reynt að ná
Núpi á flot. Hafði ekki verið ákveðið
með hvaða hætti staðið yrði að
björgun skipsins. Nokkuð braut á
því fyrst í gærmorgun en minna
þegar fjaraði. Sagði Sigurður að svo
virtist sem skemmdir væru ekki
miklar.
Rétt viðbrögð áhafnar
Björgunarsveitarmenn Slysa-
varnafélagsins Landsbjargar voru á
einu máli um að viðbrögð áhafnar
Núps hefðu verið til fyrirmyndar
enda hafði hún sótt námskeið hjá
Slysavarnaskóla sjómanna og gerð-
ar höfðu verið neyðaráætlanir um
borð í bátnum.
Morgunblaðið/Erlendur Gíslason
Slæmt veður var og töluvert brim þegar Núpur strandaði. Reyna átti að ná honum á flot á síðdegisflóði í gær.
Fjórtán manns bjargað
er Núpur BA strandaði
Varð vélarvana
skammt fyrir ut-
an Patreksfjarð-
arhöfn og tók
niðri við Sjö-
mannabana
Fundað í
sjúkraliða-
deilunni
ÁFRAM var fundað í deilu sjúkra-
liða og hins opinbera hjá ríkissátta-
semjara í gær en þriggja daga alls-
herjarverkfall sjúkraliða skellur á á
morgun náist ekki að semja fyrir
þann tíma.
Viðræður fóru fram milli samn-
inganefnda sjúkraliða og ríkisins
annars vegar og við samninganefnd
Reykjavíkurborgar hins vegar.
Þá var fundað í deilu flugumferð-
arstjóra og ríkisins hjá sáttasemjara
í gær. Næsti fundur í deilu tónlistar-
skólakennara og sveitarfélaga hefur
verið boðaður á miðvikudag.
TÆPLEGA 100 minkar hafa
verið veiddir í Mosfellsbæ í ár
og er það met, að sögn minka-
banans þar. Minkum tók að
fjölga mjög upp úr júlímánuði
og hefur verið mikið að gera við
minkaveiðina í allt haust.
Guðni Bjarnason hefur
stundað minkaveiðar um árabil
og starfar meðal annars sem
verktaki við minkaveiðar fyrir
Mosfellsbæ ásamt Guðmundi
Björnssyni, verkstjóra Mein-
dýravarna Reykjavíkur. Í ár
hefur Guðni veitt 96 minka inn-
an bæjarmarkanna.
„Ég stunda mest veiðar með
hundum, svo veiðum við í gildr-
ur og sitjum líka fyrir minknum.
Við leitum fyrir hreppinn í viku
á vorin og svo fer maður af stað
þegar síminn fer að hringja. Það
hefur verið ansi mikið af útköll-
um í haust,“ segir Guðni.
Hátt í 100
minkar
veiddir í
Mosfellsbæ
TOGARA Granda, Örfirisey, var í
gærmorgun bjargað frá því að reka
upp í Grænuhlíð við mynni Jökul-
fjarða norðan Ísafjarðardjúps. Bilun
varð í gír togarans aðfaranótt laug-
ardags þegar hann var við Stigahlíð
sunnan Ísafjarðardjúps.
Skipverjar settu út tvö ankeri en
þau slitnuðu og rak togarann því
hratt í átt að landi í vestanroki. Varð-
skipið Ægir og allmargir aðrir tog-
arar voru á þessum slóðum en illa
gekk að koma taug á Örfirisey þar til
skipverjum á öðrum togara Granda,
Snorra Sturlusyni, tókst það um kl.
7.30 í gærmorgun. Átti Örfirisey þá
aðeins eftir 1,4 sjómílur í Grænuhlíð.
„Það mátti ekki miklu muna enda
var vitlaust veður og haugasjór,“
sagði Þór Þórarinsson, stýrimaður á
Örfirisey, er Morgunblaðið ræddi við
hann en þá var skipið komið í var upp
undir Óshlíð og var þess beðið að
lægði til að hægt væri að draga það
áfram inn á Skutulsfjörð.
Rak yfir Ísafjarðardjúp
Stjórnstöð Landhelgisgæslunnar
fékk beiðni um aðstoð kl. 3.40 í fyrri-
nótt og fór varðskipið Ægir á vett-
vang. Bilun í gír Örfiriseyjar varð til
þess að vélin kúplaðist frá og skrúf-
an hætti að snúast. Togarinn var þá
staddur skammt undan Stigahlíð,
sunnanvert við Ísafjarðardjúp og á
leið í var eins og fjöldi togara á þess-
um slóðum.
Ofsaveður var og sýndu veður-
mælar skipanna hviður sem mæld-
ust allt að 55 m á sekúndu og rak Ör-
firisey því hratt undan
suðvestanrokinu norður yfir mynni
Ísafjarðardjúps. Varðskipsmenn
reyndu að koma vír í togarann en án
árangurs og um leið unnu vélstjórar
Örfiriseyjar að viðgerð sem ekki
tókst. Tvö ankeri Örfiriseyjar voru
sett út en þau héldu ekki og reyndu
skipverjar einnig að draga úr rekinu
með því að setja út hlera og síðar
trollið.
Bundnir fram á þegar þeir
reyndu að ná vírnum
Þór sagði að Snorri Sturluson
hefði komið eins nálægt Örfirisey og
þorandi var í sjóganginum, kannski
um 100 metra, og hefði línu verið
skotið til þeirra. Menn voru hafðir
frammá í böndum til að taka við vírn-
um og sagði Þór að létt hefði verið
yfir mönnum þegar skipið var komið
í tog.
Snorri Sturluson dró síðan Örfir-
isey yfir Ísafjarðardjúp. Sóttist ferð-
in hægt en örugglega og voru skipin
væntanleg til Ísafjarðar um kaffi-
leytið. Vélstjórum hafði þá tekist að
koma skrúfunni í gang til bráða-
birgða en fara varð með skipið til
hafnar til að fá fullnaðarviðgerð.
Skipstjóri Örfiriseyjar er Símon
Jónsson og skipstjóri á Snorra
Sturlusyni er Kristinn Gestsson.
Brynjólfur Bjarnason, forstjóri
Granda, sagði í samtali við Morgun-
blaðið að áhöfn og skip hefði verið í
bráðri hættu allt þar til tókst að
koma vírnum á milli skipanna.
Stýrimaðurinn á Örfirisey segir ekki hafa mátt miklu muna að skipið ræki upp í Grænuhlíð
Morgunblaðið/Halldór Sveinbjörnsson
Togarar Granda, Snorri Sturluson með Örfirisey í togi, nálgast Ísafjörð síðdegis í gær.
Taug um borð
í skipið á síð-
ustu stundu