Morgunblaðið - 08.03.2002, Blaðsíða 10

FRÉTTIR
10 FÖSTUDAGUR 8. MARS 2002 MORGUNBLAÐIÐ
JÓHANNA Sigurðardóttir, þing-
maður Samfylkingarinnar, spurðist
fyrir um það á Alþingi í gær til
hvaða mótvægisaðgerða í efnahags-
málum ríkis-
stjórnin hygðist
grípa ef til stór-
iðjuframkvæmda
á Austurlandi
kæmi. Davíð
Oddsson for-
sætisráðherra
svaraði því til að
þegar sæi fyrir
endann á því
ákvörðunarferli
sem varðaði stór-
iðjuframkvæmdir fyrir austan
hefðu menn tíma og tök til þess að
stuðla að því að jafnvægi næðist
með því m.a. að hafa áhrif á aðrar
framkvæmdir ríkissjóðs.
„En við skulum vera klár á því að
þessar framkvæmdir fyrir austan
eru enn ekki í hendi. Það hafa ekki
verið undirritaðir neinir samningar
ennþá. Fyrr en það er gert er ekki
ástæða og efni til þess að grípa til
mótvægisaðgerða,“ sagði hann.
Í máli Jóhönnu, sem og annarra
stjórnarandstæðinga sem til máls
tóku, komu hins vegar fram
áhyggjur af því að stóriðjufram-
kvæmdir fyrir austan gætu haft
miklar vaxtahækkanir í för með
sér. Slíkar
hækkanir hefðu
óhagstæðar af-
leiðingar fyrir
atvinnulífið og
heimilin í land-
inu. Við þessu
sagði Davíð: „Ég
legg á það
áherslu að um
leið og menn sjá
fyrir endann á
því ákvörðunar-
ferli sem varðar virkjun fyrir aust-
an hafa menn tíma og tök til þess
að stuðla að því að jafnvægi náist
með því að hafa áhrif á aðrar fram-
kvæmdir ríkissjóðs og einnig með
því að beina því til einkaaðila,
stórra fjárfestingaraðila og annarra
slíkra aðila að þeir með sama hætti
hefðu aðgát á þeim tíma sem slík
framkvæmd stæði yfir.“ Bætti hann
því við að það væri enda í þágu
allra annarra að vera „ekki að
spenna upp atvinnulífið meðan á
slíkum stórframkvæmdum stæði“.
Áhyggjur af
vaxtahækkunum
vegna stóriðju-
framkvæmda
ALLS greindust 196 einstaklingar
með einhverfu eða skyldar raskanir
á tímabilinu 1992 til 2001. Þar af 54 á
tímabilinu 1992 til 1996 og 142 á
tímabilinu 1997 til 2001. Þetta kemur
fram í skriflegu svari félagsmálaráð-
herra, Páls Péturssonar, við fyrir-
spurn Jóhönnu Sigurðardóttur,
þingmanns Samfylkingarinnar.
Er í svarinu vísað í upplýsingar
frá Greiningar- og ráðgjafarstöð rík-
isins. Þar segir ennfremur:
„Hópur sá sem hér um ræðir [þ.e.
hinir fyrrnefndu 196 einstaklingar]
skiptist í fjóra mismunandi flokka,
þ.e. þá sem eru ýmist með það sem
kallað er dæmigerð einhverfa,
ódæmigerð einhverfa, Asperger-
heilkenni eða aðrar gagntækar
þroskaraskanir. Í þessum hópi voru
100 (51%) með dæmigerða einhverfu
sem er alvarlegasta stigið á svoköll-
uðu einhverfuprófi ... Þeir sem voru
ekki með dæmigerða einhverfu voru
42 (21,2%) ... Af þeim sem þá eru eft-
ir voru 15 (7,1%) með Asperger-heil-
kenni og 40 (20%) með svokallaðar
aðrar gagntækar þroskaraskanir.
Þeir einstaklingar sem hér um ræðir
fæddust á árunum 1981-2000. Aldur
við greiningu var frá því að vera inn-
an tveggja ára og fram á efri ung-
lingsár. Drengir eru fleiri en stúlkur
eða um fjórir á móti einni stúlku.“
196 greindir frá 1992
Einhverfa eða skyldar raskanir
SIGRÍÐUR Anna
Þórðardóttir, for-
maður þingflokks
Sjálfstæðisflokks-
ins, tekur við for-
mennsku í utan-
ríkismálanefnd
Alþingis af Tóm-
asi Inga Olrich
mennta-
málaráðherra.
Gunnar I. Birg-
isson tekur við formennsku í
menntamálanefnd af Sigríði Önnu.
Þetta var ákveðið á þingflokks-
fundi sjálfstæðismanna á miðviku-
dag. Greint var frá því í upphafi
þingfundar á Alþingi í gær að Sig-
ríður Anna færi í utanríkis-
málanefnd í stað Tómasar. Þá var
greint frá því að Einar Oddur
Kristjánsson tæki sæti Tómasar í
heilbrigðis- og trygginganefnd
þingsins og að Ásta Möller tæki
sæti Tómasar í fjárlaganefnd þings-
ins. Sigríður Anna, sem verið hefur
formaður
mennta-
málanefndar
þingsins, mun
láta af þeim
störfum. Í stað
hennar verður
Gunnar I. Birg-
isson formaður
nefndarinnar en
skýrt var frá því
í upphafi þing-
fundar í gær að Gunnar I. Birgisson
tæki sæti Sigríðar Önnu í mennta-
málanefnd.
Þingflokkur Sjálfstæðisflokksins
hefur auk þess ákveðið að Árni R.
Árnason þingmaður verði aðal-
maður í Íslandsdeild Nató-þings í
stað Tómasar Inga en hann var áð-
ur varamaður. Í stað hans sem
varamanns verður Gunnar I. Birg-
isson. Þá verður Kjartan Ólafsson
þingmaður varamaður í Íslands-
deild Evrópuráðsþingsins í stað
Tómasar Inga.
Sigríður Anna formaður
utanríkismálanefndar
Sigríður Anna
Þórðardóttir
Gunnar I.
Birgisson
ÞINGFUNDUR hefst kl. 10.30 í dag
og m.a. mun iðnaðarráðherra
kynna frumvarp um stofnun hluta-
félags um Rafmagnsveitur ríkisins,
félagsmálaráðherra flytja munn-
lega skýrslu um stöðu jafnrétt-
ismála. Þá verður og fyrsta um-
ræða um frumvörp viðskipta-
ráðherra um einkahlutafélög og
hlutafélög.
TALIÐ er að um 75 þúsund hestar séu til í landinu og
er meirihluti þeirra aldrei tekinn á hús. Útigangs-
hrossin eru því fóðruð úti, en samkvæmt reglugerð
ber eigendum þeirra að sjá til þess að þau fái nægt
fóður og hafi skjól í vondum veðrum. Þessir tveir
sunnlensku hestar létu hvorki kulda né ljósmyndara
trufla sig. Þeir kepptust við að éta tugguna sem hent
var til þeirra.
Morgunblaðið/Sigurður Sigmundsson
Kalt hjá útigangshrossunum
AÐ undirlagi BHM og SÍNE hefur
verið settur á fót samráðshópur 15
samtaka með það að markmiði að
leita leiða til þess að létta endur-
greiðslubyrði námslána frá Lána-
sjóði íslenskra námsmanna.
Í fréttatilkynningu BHM segir að
dæmigerður lánþegi í dag endur-
greiði námslán hraðar en gert var
ráð fyrir þegar gildandi lög um LÍN
voru sett. Árleg endurgreiðslubyrði
skjólstæðinga LÍN nemur að jafnaði
ráðstöfunartekjum eins mánaðar.
Telja samtökin það mikið áhyggju-
efni hvað endurgreiðslan er hröð og
íþyngjandi fyrir lántakendur, sem
eru gjarnan að byggja upp fjöl-
skyldu, eignast börn og koma sér
upp húsnæði á sama tíma og endur-
greiðslubyrðin er hvað þyngst. Ætl-
unin er að meta hvað það myndi
kosta ríkið að ívilna endurgreiðend-
um námslána og þá um leið hvaða
áhrif ívilnun hefði fyrir endurgreið-
endur sem eru um 26 þúsund talsins.
Skjólstæðingar LÍN, þ.e. lánþegar
og endurgreiðendur, eru hins vegar
um 34 þúsund talsins.
Fimm leiðir hafa komið til tals
innan samráðshópsins:
1. Að greiðslur af námslánum
yrðu frádráttarbærar frá skatt
stofni.
2. Að tekjutengt hlutfall endur-
greiðslu verði lækkað.
3. Að auka sveigjanleika í endur-
greiðslum, t.d. hefja endur-
greiðslur síðar.
4. Að miða hlutfall endurgreiðslu
við nettótekjur í stað brúttótekna.
5. Að afnema verðtryggingu
lánanna.
Leitað leiða til að
létta endurgreiðslu-
byrði námslána
Á ÖÐRU ÞINGI Kennarasambands
Íslands sem fram fer í dag og á
morgun verður spurningin „er
kennsla aðlaðandi ævistarf?“ meðal
annars tekin til umfjöllunar í pall-
borðsumræðum. Starf kennarans
verður því í brennidepli á þinginu,
segir í frétt frá sambandinu, og yf-
irskrift þess er einmitt „er kennsla
aðlaðandi ævistarf“. Hefst þingið á
því að Ólafur Proppé, rektor Kenn-
araháskóla Íslands, flytur erindi um
efni yfirskriftar þingsins.
„Þetta málefni er tekið fyrir í þeim
tilgangi að lyfta sér aðeins upp og fá
nýja sýn á það sem við erum annars
að fást við á þinginu, sem eru laga-
breytingar og stefnumörkun næstu
þriggja ára hvað varðar kjaramál,
skólamál, innra starf og félagsmál,“
segir Eiríkur Jónsson, formaður
Kennarasambands Íslands. Þá verð-
ur einnig rætt um á þinginu hvaða
leiðum megi beita til að laða ungt
fólk í kennaranám og kennara með
réttindi til starfa í skólunum.
Þátttakendur í pallborðsumræð-
um sem fram fara á laugardag, verða
Björn Bjarnason, fyrrverandi
menntamálaráðherra, Ingibjörg Sól-
rún Gísladóttir borgarstjóri, Hafdís
Ingvarsdóttir, lektor við Háskóla Ís-
lands, Ólafur Proppé, rektor Kenn-
araháskóla Íslands, Vilhjálmur Þ.
Vilhjálmsson, formaður Sambands
íslenskra sveitarfélaga, og Þorsteinn
Gunnarsson, rektor Háskólans á Ak-
ureyri. Þingið fer fram í Borgartúni
6 og hefst kl. 9. Kjörnir fulltrúar hafa
atkvæðisrétt á þinginu sem er opið
til áheyrnar öðrum félagsmönnum
sambandsins.
Þing Kennarasambands Íslands hefst í dag
Ræða um hvort kennslan
sé aðlaðandi ævistarf
FRAMBOÐSLISTI sjálfstæðis-
félaganna í Hafnarfirði, fyrir bæjar-
stjórnarkosningarnar í vor, liggur
nú fyrir. Tillaga kjörnefndar um
framboðslistann var samþykkt ein-
róma á fulltrúaráðsfundi sjálfstæð-
isfélaganna 6. mars sl. Framboðslist-
inn er þannig skipaður:
Magnús Gunnarsson bæjarstjóri,
Valgerður Sigurðardóttir forseti
bæjarstjórnar, Haraldur Þór Ólason
framkvæmdastjóri, Steinunn Guðna-
dóttir bæjarfulltrúi, Gissur Guð-
mundsson bæjarfulltrúi og rann-
sóknarlögreglumaður, Leifur S.
Garðarsson aðstoðarskólastjóri, Al-
mar Grímsson lyfjafræðingur, Helga
R. Stefánsdóttir húsmóðir, Vilborg
Gunnarsdóttir tannsmíðameistari,
Páll Pálsson framkvæmdastjóri, Sig-
ríður Sigurðardóttir arkitekt, Ragn-
hildur Guðmundsdóttir háskóla-
nemi, Sigurlín Sveinbjarnardóttir
aðstoðarskólastjóri, Magnús Sig-
urðsson verktaki, Sigurður Freyr
Árnason sölustjóri, Guðrún I. Gunn-
laugsdóttir hjúkrunarfræðingur,
Ragnar Sigurðsson nemi, Bergur
Már Sigurðsson slökkviliðsmaður og
ökukennari, Árni Sverrisson fram-
kvæmdastjóri, Ágúst Sindri Karls-
son lögmaður, Guðlaug Karlsdóttir
húsmóðir, Þorgils Óttar Mathiesen
framkvæmdastjóri.
Sjálfstæðisflokkurinn hefur nú
fimm menn af ellefu í bæjarstjórn og
leiðir þar meirihlutasamstarf með
Framsóknarflokki, segir í fréttatil-
kynningu.
Framboðs-
listi Sjálf-
stæðis-
flokksins í
Hafnarfirði
HELMINGUR fyrirtækja innan
Samtaka atvinnulífsins hyggst fjár-
festa minna í ár en á síðasta ári, en um
17% fyrirtækja hafa hug á að auka
fjárfestingar sínar. Þriðjungur fyrir-
tækja ætlar að fjárfesta álíka mikið
og árið á undan. Þetta eru niðurstöð-
ur skoðanakönnunar sem Samtök at-
vinnulífsins gerðu í kringum mánaða-
mótin febrúar/mars. Samdrátturinn
er meiri á höfuðborgarsvæðinu en á
landsbyggðinni og af einstökum
greinum er hann mestur í ferðaþjón-
ustu en minnstur í sjávarútvegi.
Fram kemur í frétt frá SA að af
einstökum atvinnugreinum er mest
um að dregið sé úr fjárfestingum í
ferðaþjónustu en einna minnstur
virðist samdrátturinn vera í sjávar-
útvegi. Afkoma hefur verið slæm í
ferðaþjónustu undanfarin ár. Góð af-
koma í sjávarútvegi vegna lágs gengis
krónunnar virðist aftur á móti vera
meginskýringin á því að menn hygg-
ist síður halda að sér höndum í fjár-
festingum þar en í öðrum greinum.
Helmingur fyrirtækja hyggst
draga úr fjárfestingum