Morgunblaðið - 08.03.2002, Blaðsíða 57

BRÉF TIL BLAÐSINS
MORGUNBLAÐIÐ FÖSTUDAGUR 8. MARS 2002 57
UM næstu helgi verða
góðir gestir í heimsókn
í Eyjum. Þrír prestar
Grafarvogskirkju, þau
sr. Vigfús Þór Árnason,
sr. Anna Sigríður Páls-
dóttir og sr. Bjarni Þór
Bjarnason verða með í
för og taka þátt í mess-
unni á sunnudags-
morgni kl. 11. Með þeim
kemur sóknarnefndin
og makar þeirra, kór
Grafarvogskirkju, org-
anistinn Hörður Braga-
son og unglingakór
kirkjunnar ásamt
stjórnanda Oddný J.
Þorsteinsdóttur. Þessi
fríði hópur mun taka
virkan þátt í helgihaldi
Landakirkju bæði að
morgni og kveldi sunnudagsins 10.
mars. Prestarnir fimm þjóna fyrir
altari en séra Bjarni Þór Bjarnason
mun predika. Kórar Grafarvogs og
Landakirkju munu syngjast á og
Litlir lærisveinar syngja ásamt ung-
lingakórnum. Í miðri messu ganga
börnin síðan ásamt barnakór yfir í
safnaðarheimilið og halda þar sinn
sunnudagaskóla.
Kórtónleikar kóranna kl. 18
Kórarnir verða með tónleika í
safnaðarheimilinu undir stjórn sinna
manna. Aðgangur er ókeypis og öll-
um heimill aðgangur. Flutt verður
bæði veraldleg og kirkjuleg tónlist.
Æðruleysismessa
í Landakirkju
Æðruleysismessur hafa farið sig-
urför um landið bæði sunnan heiða
og norðan. Í þessum messum er tón-
listarflutningur með léttara tagi en í
hefðbundnum messum, notast er við
sálmabókina að mestu en sálmarnir
örlítið djassaðir og poppaðir upp.
Þessar messur eiga að höfða sér-
staklega til þeirra sem nýta sér
stuðning AA-kerfisins og syst-
urfélaga þess. Þetta er útvíkkuð
mynd af því að ná bata með 12-
sporakerfi AA-samtakanna. Það er
farið með æðruleysisbænina í upp-
hafi stundar, AA-félagi les ritning-
arlestur og AA-félagi, Sigurður Ás-
mundsson, gefur sinn vitnisburð. Sr.
Anna Sigríður Pálsdóttir sem hefur
margoft leitt slíkar messur í Reykja-
vík mun flytja hugvekju. Að lokinni
almennri kirkjubæn verður kirkju-
gestum boðið til fyrirbænar. Þá er
gengið hljóðlega út úr kirkju, yfir í
safnaðarheimilið þar sem kaffisopi
bíður á könnunni. Sr. Bára Friðriks-
dóttir mun annast stundina ásamt
sr. Önnu S. Pálsdóttur. Prelátar
leika fyrir tónlist.
Bæjarbúar eru hvattir til að koma
í guðshús á sunnudaginn árla og
seint og njóta andlegrar veislu í góð-
um hóp.
Fimm sérar messa í Landakirkju
Landakirkja í Vestmannaeyjum.
Háteigskirkja. Samverustund eldri
borgara kl. 13 í umsjón Þórdísar
þjónustufulltrúa.
Laugarneskirkja. Morgunbænir kl.
6.45–7.05 alla virka daga nema
mánudaga. Mömmumorgunn kl. 10–
12 í
umsjá Hrundar Þórarinsdóttur
djákna. Kaffispjall fyrir mæður, góð
upplifun fyrir börn.
Kirkjuskólinn í Mýrdal. Samvera á
morgun, laugardag, kl. 11.15 í Vík-
urskóla.
Landakirkja. Kl. 14.30 helgistund á
Heilbrigðisstofnun Vestmannaeyja.
Lágafellskirkja. Kirkjukrakkafundur í
Varmárskóla kl. 13.15–14.30.
Boðunarkirkjan, Hlíðarsmára 9.
Samkomur alla laugardaga kl. 11–
12.30. Lofgjörð, barnasaga, prédik-
un og biblíufræðsla. Barna- og ung-
lingadeildir á laugardögum. Létt
hressing eftir samkomuna. Allir vel-
komnir. Biblíufræðsla alla virka daga
kl. 10, 13 og 22 á FM 105,5.
Sjöundadags aðventistar á Íslandi:
Aðventkirkjan, Ingólfsstræti: Biblíu-
fræðsla kl. 10. Guðsþjónusta kl. 11.
Ræðumaður Einar Valgeir Arason.
Biblíurannsókn og bænastund á
miðvikudagskvöldum kl. 20. Allir
hjartanlega velkomnir.
Safnaðarheimili aðventista, Blika-
braut 2, Keflavík: Biblíufræðsla kl.
10. Guðsþjónusta kl. 11. Ræðumað-
ur Björgvin Snorrason.
Safnaðarheimili aðventista, Gagn-
heiði 40, Selfossi: Biblíufræðsla kl.
10.15. Guðsþjónusta kl. 11.15.
Ræðumaður Gavin Anthony.
Samlestrar og bænastund á mánu-
dagskvöldum kl. 20. Allir hjartanlega
velkomnir.
Aðventkirkjan, Brekastíg 17, Vest-
mannaeyjum: Biblíufræðsla kl. 10.
Samlestrar og bænastund í safnað-
arheimilinu á fimmtudögum kl.
17.30. Allir hjartanlega velkomnir.
Loftsalurinn, Hólshrauni 3, Hafnar-
firði: Guðsþjónusta/biblíufræðsla
kl. 11. Ræðumaður Eric Guðmunds-
son. Biblíurannsókn/bænastund á
miðvikudagskvöldum kl. 20. Allir
hjartanlega velkomnir.
Safnaðarstarf
ÞÚ skrifar nokkuð fjálglega. Ákafi
þinn ber þig víða en því miður oftar út
af veginum en áfram veginn. Það er
auðvelt að koma
með gagnrýni, en
það er ekki auð-
velt að gera hana
málefnalega og
rökfasta. Maður
skapar sér virð-
ingu með vel
hugsuðum rökum
og sæmilegri
framkomu. Það
gerir maður hins
vegar ekki með frammíköllum, æs-
ingi, gífuryrðum eða áróðri í anda
kaldastríðsins. Upphrópanir, hálf-
sannleikur eða að ætla mótframboð-
um og samstarfsfólki í bæjarstjórn að
vinna markvisst að því að rústa bæj-
arfélögum og fjárhag þeirra er ekki
bara móðgun við fólkið í bænum,
heldur móðgun við almenna skyn-
semi. Þegar kalda stríðið geisaði var
svona áróðurstækni árangursrík
enda öllu stjórnað af lokuðum klíkum
og leppum þeirra, en engin stjórn-
sýslulög eða réttindalög þegnanna
virt.
Kæri mótframbjóðandi, þegar
myndað hefur verið samstarf um
meirihluta í bæjarfélagi, og ég held
sama hvar er, þá mæli ég með trúnaði
í því samstarfi. Slíkt hef ég reynt und-
anfarin 4 ár. Stundum hefur verið
tekist á, stundum ekki, en lausn er
fundin, því það er ábyrgð mín sem
kjörins bæjarfulltrúa að skapa jafn-
vægi og byggja upp bæinn okkar.
Þegar þú túlkar þetta sem veikleika,
þú mátt náttúrlega hafa þína skoðun,
en mitt álit er að trúnaður í samstarfi
sýni öflugan samhentan meirihluta.
Kæri mótframbjóðandi, það er full-
ur einhugur um afgreiðslu mikils
meirihluta allra mála í bæjarráði og
bæjarstjórn. Unnið er að fjölda mála í
fullu samstarfi allra flokka í bæjar-
stjórn, hins vegar gerist það iðulega
að flokkur í minnihluta situr hjá við
afgreiðslu mála, það er þeirra aðferð
til að segja eitthvað, en þú átt kannski
eftir að skýra fyrir mér af hverju slík-
ur flokkur sem hefur tekið þátt í að
vinna að máli svo vikum og mánuðum
skiptir beitir slíkum aðferðum þegar
að afgreiðslu kemur.
Kæri mótframbjóðandi, það sem
kjósendur vilja fá að vita er hvaða
stefnu þú hefur. Þeir vita að þú finnur
að flestu því sem hinir flokkarnir
gera, það eru engar fréttir. En það
væru fréttir að komast að því hvað
þitt framboð ætlar að gera. Fulltrúar
þíns framboðs í bæjarstjórn undan-
farin 4 ár hafa lítið sagt og enn minna
gert, komið með bókanir, en oftar en
ekki verið á móti, af því bara! Fram-
boð þíns fólks hefur verið lítið áber-
andi allt kjörtímabilið. Hvers vegna
er það? Nú á að ryðjast fram og slá í
allar áttir, en varla byggir það upp
samfélagið sem við eigum öll, eða eyk-
ur samheldni samfélagsins.
Kæri mótframbjóðandi, eitt að lok-
um. Saga okkar bæjar og reynsla mín
undanfarin 4 ár í bæjarstjórn sýnir að
enginn einn flokkur á að fara með
stjórn okkar bæjar. Raunverulegt
lýðræði og aðhald skapast í samstarfi.
Ég mæli á móti einræði og með lýð-
ræði. Ég mæli á móti aurkasti en með
málefnalegri kosningabaráttu. Sýn-
um kjósendum og mótframboðum
virðingu. Við erum í vinnu hjá kjós-
endum og verðum að geta starfað
saman eftir kosningar samfélagi okk-
ar til framdráttar, þannig vinnum við
öll.
ÞORSTEINN NJÁLSSON,
læknir, oddviti Framsóknarflokks-
ins í bæjarstjórn Hafnarfjarðar, for-
maður bæjarráðs Hafnarfjarðar.
Kæri mótframbjóðandi
Frá Þorsteini Njálssyni:
Þorsteinn
Njálsson
KIRKJUSTARF