Morgunblaðið - 08.03.2002, Blaðsíða 18

Í ÁR eru liðin 50 ár frá því Sjúkra-
húsið á Akranesi tók til starfa og
verður þess minnst með ýmsum hætti
á afmælisárinu. Skipuð hefur verið af-
mælisnefnd SHA og í henni sitja nú-
verandi og fyrrverandi starfsmenn.
Nefndin hefur unnið að frágangi
fjölbreytilegrar dagskrár fyrir af-
mælisárið. Hinn formlegi afmælis-
dagur er 4. júní og gert er ráð fyrir
sérstöku hátíðahaldi um það leyti. Þá
kemur út 50 ára afmælisrit SHA auk
þess sem fagnað verður á ýmsan ann-
an hátt í tilefni þessara tímamóta. Allt
þetta ár verður afmælisins svo reglu-
lega minnst, t.d. er ráðgert að bjóða
til ýmiskonar fræðslu um heilbrigð-
ismál í hverjum mánuði, bæði á veg-
um fagfólks stofnunarinnar og einnig
frá gestafyrirlesurum.
Starfsmenn hyggjast standa fyrir
sérstakri heilsueflingu á árinu og
hvetja almenning til þátttöku á því
sviði. Þá munu fagstéttir einnig
kynna sín störf sérstaklega og stefnt
er að því að bjóða til opins húss á
árinu og kynna þar almenningi hin
fjölbreytilegu störf sem unnin eru í
húsinu.
Starfsmenn munu taka virkan þátt
í tveimur guðsþjónustum á árinu, vor
og haust og biskup Íslands heimsækir
stofnunina 24. apríl og verður með
helgistund í kapellu sjúkrahússins. Þá
er ákveðið að á árinu muni starfs-
menn planta út trjám í reit sem þeir
hafa fengið úthlutað í nágrenni bæj-
arins og hyggjast sjá til þess að reit-
urinn vaxi og dafni í framtíðinni.
Listkynningar
mánaðarlega
Mánaðarlega mun verða sett upp
listsýning í húsakynnum SHA þar
sem ýmsum listamönnum frá Akra-
nesi verður boðið að sýna verk sín og
hefur sá fyrsti riðið á vaðið, en það er
fulltrúi starfsmanna, Brynja Jó-
hannsdóttir.
Brynja er fædd á Akranesi 1. des-
ember 1956 og er glerlistarmaður
samhliða starfi sínu sem sjúkraliði á
sjúkrahúsinu. Hún hefur sótt nám-
skeið hjá Listgler í Kópavogi og síðar
námskeið í glerbræðslu hjá Jónasi
Braga. Brynja var listamaður mán-
aðarins hjá Íslandsbanka í maí 2001.
Fleiri fylgja í kjölfarið og má nefna
Hrönn Eggertsdóttur, Bjarna Þór
Bjarnason og Guttorm Jónsson. Sýn-
ingahaldi á afmælisárinu hyggjast svo
starfsmenn sjálfir ljúka í desember
með samsýningu eigin listmuna í
Kirkjuhvoli.
Fjölmargt fleira verður á döfinni á
vegum starfsmanna sjúkrahússins og
heilsugæslustöðvarinnar í tilefni af-
mælisins en það verður nánar kynnt
almenningi þegar nær dregur atburð-
um.
Sjúkrahúsið á Akranesi 50 ára
Morgunblaðið/Jón Á. Gunnlaugsson
Glerlistarkonan Brynja Jó-
hannsdóttir setur upp fyrstu
listsýningu afmælisársins.
Brynja er starfandi sjúkraliði á
Sjúkrahúsinu á Akranesi.
Akranes
LANDIÐ
18 FÖSTUDAGUR 8. MARS 2002 MORGUNBLAÐIÐ
Draumur
kaffiunnenda!
Veitum faglega ráðgjöf um val á kaffivélum.
Fjölbreytt úrval í mörgum litum og gerðum.
SAECO er stærsti framleiðandi
expresso-kaffivéla á Ítalíu.
Expresso-
Cappuccino
kaffivélar
Verð frá kr.
14.915 stgr.
NEMENDUR Grunnskólans á
Reyðarfirði og félagar í Leikfélagi
Reyðarfjarðar réðust ekki á garð-
inn þar sem hann er lægstur þegar
kom að vali á leikverki þessa árs.
Leikfélagið ákvað í örlæti sínu að
leyfa elstu bekkjum grunnskólans
að spreyta sig og varð leikritið
1001 fyrir valinu. Allir nemendur í
7.–10. bekk taka þátt í sýningunni
og er þá ekki verið að tala um að
helmingurinn leiki og hinn saumi
búninga, heldur hefur allur hóp-
urinn hlutverk í sýningunni og
margir fleira en eitt. Leikgerðin af
þessum þekktu ævintýrum er ný,
gerð af bresku leikhúskonunni
Dominic Cooke.
Ólafur Haraldsson sá um íslenska
þýðingu en Helga Vala Helgadóttir
var ráðin til að leikstýra þessum
fjölbreytta og fjölhæfa 35 manna
leikhóp. Sögurnar í verkinu eru
fimm auk meginsögunnar um fólkið
í Höllinni sem segir og hlustar á
ævintýrin. Þarna kynnumst við Ali
Baba og ræningjunum 40, Konunni
sem neitaði að borða, Litla betl-
aranum og öfundsjúku systrunum
svo eitthvað sé nefnt.
Æfingar hafa staðið yfir síðan
um mánaðamót jan.–febr. og eru
krakkarnir og allir aðstandendur
sýningarinnar að uppskera núna
um helgina þegar frumsýnt verður
í Félagslundi. Áætlað er að sýn-
ingar verði fjórar, en að þeim lokn-
um munu krakkarnir takast á við
næstu verkefni eins og upplestr-
arkeppni, skíðamót og próflestur.
Krakkarnir í 1001 nótt
Morgunblaðið/Hallfríður Bjarnadóttir
Allir nemendur í 7.–10. bekk grunnskólans taka þátt í sýningunni.
Reyðarfjörður
STÓRA upplestrarkeppnin hófst í
Þorlákshöfn á þriðjudaginn, 5. mars.
Þar kepptu fimm skólar af Suðvest-
urlandi en vegna mikillar þátttöku
varð að skipta keppninni á Suður-
landi í þrennt. Skólarnir sem kepptu
voru, Barnaskóli Eyrarbakka og
Stokkseyrar, Grunnskóli Hvera-
gerðis, Grunnskólinn í Þorlákshöfn
og Sandvíkur- og Sólvallaskóli frá
Selfossi. Keppendur voru fjórtán og
voru þeir valdir úr 7. bekkjum sinna
skóla. Keppendur lásu í 1. hluta kafla
úr Heimsljósi eftir Halldór Kiljan
Laxness, í 2. hluta voru lesin ljóð eft-
ir Ingibjörgu Haraldsdóttur og í 3.
hluta lásu keppendur ljóð að eigin
vali.
Sigurvegari varð Ólafur Tryggvi
Pálsson, Sandvíkurskóla, í öðru sæti
varð Fjóla Dögg Sigurðardóttir
einnig úr Sandvíkurskóla og í þriðja
sæti varð Darri Hilmarsson, Barna-
skóla Eyrarbakka og Stokkseyrar.
Sparisjóður Suðurlands veitti sigur-
vegurunum peningaverðlaun og af-
henti Pétur Hjaltason sparisjóðs-
stjóri þau. Auk þess fengu allir
keppendur bókagjöf. Skemmtiatriði
komu frá Grunnskóla Þorlákshafnar
og Sólvallaskóla. Kjörís, Mjólkurbú
Flóamanna og Skólaskrifstofa Suð-
urlands sáu um veitingar í hléi.
Baldur Sigurðssonar, dósent við
Kennaraháskóla Íslands, sem er
upphafsmaður keppninnar, segir að
þetta sé í sjötta sinn sem þessi
keppni fer fram hér á landi og hefur
keppendum stöðugt fjölgað, nú taka
145 skólar á landinu þátt í keppninni
en það eru um 95 % og er það met-
þátttaka. Baldur sagði að í ár hefðu
Austfirðingar komið inn og nú væri
hringnum lokað en fyrsta keppnin
fór fram í Hafnarfirði.
Ellefu manna nefnd sér um und-
irbúning keppninnar á landsvísu og
fara nefndarmenn víða um land og
aðstoða þá sem eru að hefja keppni,
síðan þjálfast kennarar, öll þessi
vinna er unnin í sjálfboðavinnu.
Baldur sagði að það væri gaman að
fylgjast með breyttum vinnubrögð-
um og framförum hjá þeim sem oft-
ast hafa tekið þátt í keppninni, þessi
þjálfun í framkomu og vönduðum
upplestri skilaði sér bæði til yngri og
eldri nemenda og kennarar ættu
hrós skilið fyrir sitt framlag.
Hringnum lokað í upp-
lestrarkeppninni
Morgunblaðið/Jón H. Sigurmundsson
Aftari röð: Rósa M. Guðnadóttir, kennari Barnaskóla Eyrarbakka og
Stokkseyrar, Eyvindur Erlendsson, sem sat í dómnefnd, Heiðdís Þor-
steinsdóttir, kennari Sandvíkurskóla, Hannes Stefánsson, í dómnefnd,
Heiðrún Kristjánsdóttir, í dómnefnd, og Baldur Sigurðsson, formaður
dómnefndar. Fremri röð: Darri Hilmarsson, Barnaskóla Eyrarbakka og
Stokkseyrar, í þriðja sæti, Ólafur Tryggvi Pálsson, Sandvíkurskóla, í
fyrsta sæti, og Fjóla Dögg Sigurðardóttir, í öðru sæti.
Þorlákshöfn
KRÓNAN opnar nýja verslun í
miðbæ Selfoss, beint á móti Ölfus-
árbrú, í dag, föstudag. Þessi nýja
verslun Krónunnar er sú þriðja í
röðinni sem opnuð er á jafn-
mörgum vikum. Í síðustu viku var
opnuð ný verslun í Hafnarfirði og
vikunni þar á undan í Vestmanna-
eyjum. Síðan er áformað að opna
enn eina nýja verslun í næstu viku á
Höfn í Hornafirði.
„Viðtökur fólks við þessum nýju
verslunum okkar hafa verið fram-
úrskarandi góðar, þannig að við er-
um mjög ánægðir,“ sagði Sigurjón
Bjarnason, framkvæmdastjóri
Krónunnar, en starfsfólk hans hef-
ur lagt nótt við dag í vinnu við að
breyta nýja húsnæðinu á Selfossi og
koma Krónunni þar fyrir.
Krónan á Selfossi var áður neð-
arlega við Eyraveg. Nýja verslunin
er í mun stærra húsnæði, þar sem
verslunin 11–11 var áður. „Með
stærra húsnæði hér á Selfossi get-
um við auðvitað aukið vöruvalið
verulega og það má segja að við
séum með þessu að svara ákveðnu
kalli viðskiptavina okkar sem hafa
kallað eftir meira vöruvali og
stærra húsnæði,“ sagði Sigurjón
Bjarnason. Hann sagði einnig að
núna, fyrstu helgina sem opið væri,
yrði boðið upp á mörg mjög góð til-
boð í Krónunni. „Við eigum von á
góðum viðtökum fólks og mikilli
umferð til okkar hérna í miðbæn-
um,“ sagði Sigurjón.
Krónan opnar nýja verslun
Morgunblaðið/Sig. Jóns.
Sigurjón Bjarnason framkvæmdastjóri ásamt nokkrum starfsstúlkum.
Selfoss