Morgunblaðið - 08.03.2002, Blaðsíða 24

ERLENT
24 FÖSTUDAGUR 8. MARS 2002 MORGUNBLAÐIÐ
hreinlætistæki
Heimilisdagar
Ver› á›ur 27.885 kr.
Ver› nú 22.295 kr.
Ver› 29.835 kr.
Sími 525 3000 • www.husa.is
Ver› á›ur 2.140 kr.
Ver› nú 1.695 kr.
Ver› á›ur 64.768 kr.
Ver› nú 51.795 kr.
Ver› á›ur 37.295 kr.
gólfefni
málning
ljós
Blöndunartæki
10-40%
afsláttur
Salerni á vegg
Silgranit hornvaskur
Sturtuhaus
FYRIR rúmum 20 árum náðu sósíal-
istar völdum í Grikklandi og hétu því
að breyta stjórnmálakerfi, sem þeir
sögðu einkennast af hroka, spillingu,
ábyrgðarleysi og klíkuskap valdhafa.
Nú standa þeir frammi fyrir sams
konar ásökunum og gangtruflana
verður vart í þessari miklu stjórn-
málavél, sem stjórnað hefur Grikk-
landi í 18 af síðustu 20 árum.
Hneykslum og spillingarmálum
hefur bókstaflega rignt yfir gríska
Sósíalistaflokkinn og leiðtoga hans,
Kostas Simitis forsætisráðherra.
Ásakanirnar eru fjölbreytilegar, allt
frá ólöglegri veðmálastarfsemi til
njósna og dularfullra samninga, sem
nokkrir af ríkustu mönnum þjóðar-
innar hafa tengst.
Sósíalistar sæta einnig harðri
gagnrýni fyrir að hafa klúðrað með
afgerandi hætti undirbúningi fyrir
Ólympíuleikana árið 2004.
„Óþefur hefur lagst yfir stjórn-
málalífið í landinu,“ sagði Kostis
Stephanopoulos, forseti Grikklands,
á dögunum en hann hefur lítil sem
engin formleg völd.
Skoðanakannanir gefa til kynna
að fólkið í landinu sé sama sinnis; í
nýlegum könnunum hafa meira en
80% aðspurðra lýst þeirri skoðun
sinni að pólitísk spilling sé almenn í
Grikklandi. Því er jafnvel spáð að at-
burðarásin á Ítalíu kunni að endur-
taka sig í Grikklandi og þá vísað til
þess hvernig ítalska stjórnmálastétt-
in var felld af stalli sínum á síðasta
áratug þegar dómskerfið þar í landi
lét loksins til skarar skríða gegn
spillingunni. Alltjent hefur upphaf
hreinsunarinnar á Grikklandi reynst
svipað; á Ítalíu hófst þessi atburða-
rás einnig með takmörkuðum rann-
sóknum, sem síðan hlóðu utan á sig
og urðu að risastórum snjóbolta sem
valtaði yfir gjörvallt valdakerfið.
„Stóra spilakassamálið“
Í febrúar sýndi einkarekin sjón-
varpsstöð myndskeið af þingmanni
Sósíalistaflokksins þar sem hann var
að stunda fjárhættuspil í óskráðum
spilakassa. Maðurinn var formaður
þingnefndar, sem skipuð hafði verið
til að ráðast gegn ólöglegri veðmála-
starfsemi í landinu.
Málið hlóð utan á sig því í ljós kom
að spilakassinn var aðeins einn af
mörg þúsund, sem reknir voru víða
en höfðu verið „dulbúnir“ þannig að
þeir líktust hefðbundnum tölvu-
leikjakössum. Sósíalistar voru vænd-
ir um að hafa leitt málið hjá sér þótt
þeim hefði verið fullkunnugt um það.
Örvænting greip um sig innan rík-
isstjórnarinnar og tilkynnt var að
stjórnvöld hygðust leggja til að allir
tölvuleikjakassar – líka þeir, sem
ætlaðir eru börnum og unglingum –
yrðu bannaðir á almannafæri. Þá
skipaði Simitis ráðherrum að skila
skýrslum þar sem þeir tíunduðu
hvar þeir teldu að spillingu væri
helst að finna í ráðuneytum sínum.
Spilakassamálið reyndist hins
vegar stormur í vatnsglasi miðað við
næsta hneykslið, sem reið yfir. Hafin
var rannsókn á umsvifum Sókrates-
ar Kokkalis, sem er helsti síma- og
fjarskiptakóngur Grikkja. Á meðal
þess, sem tekið var til skoðunar,
voru upplýsingar þess efnis að
Kokkalis tengdist fyrrum leyniþjón-
ustu A-Þýskalands og að hann hefði
tekið að sér að koma ólöglegum pen-
ingagreiðslum til grískra sósíalista
og annarra stjórnmálaflokka. Fyrir-
tæki í eigu Kokkalis hafa verið
helstu birgjar ríkissímafélagsins og
sósíalistar hafa verið nátengdir
Kokkalis og fyrirtækjum hans.
Kokkalis, sem er einnig eigandi
Olympiakos Piraeus-knattspyrnu-
félagsins, hefur neitað þessum ásök-
unum. Nú bíða menn þess að sak-
sóknarar taki ákvörðun um hvort
birta eigi kærur á hendur honum eða
hvort málið verði látið niður falla.
Sambandsleysi
Fram til þessa hafa stjórnvöld
sagt að ásakanir um hneyksli og
spillingu megi einkum rekja til
stjórnlausra, óháðra fjölmiðla, hægri
manna, sem hyggist steypa lýðræð-
inu, og „myrkraafla“, sem hafi ein-
sett sér að koma stjórninni frá. Sós-
íalistar hafa hins vegar ekki nafn-
greint þá, sem að baki standa.
„Mennirnir, sem stjórnað hafa
landinu síðustu 20 árin, reyna nú að
villa um fyrir þjóðinni. Þeir eru að
reyna að gára vatnið,“ sagði Kostas
Karamanlis, leiðtogi Nýs lýðræðis,
helsta stjórnarandstöðuflokksins,
sem var við stjórnvölinn 1990–1993.
Þingkosningar eiga hins vegar
ekki að fara fram í Grikklandi fyrr
en í apríl 2004 og ólíklegt er talið að
sósíalistum verði þröngvað til að
efna til þeirra fyrr, til þess er þing-
styrkur þeirra of mikill. En meira að
segja dyggustu flokkshestar eru
teknir að þvo hendur sínar af fram-
göngu stjórnarinnar. „Landinu er
illa stjórnað. Raunar er landinu alls
ekki stjórnað,“ sagði Þeódóros
Pangalos, fyrrum utanríkisráðherra
sósíalista, sem áður var náinn ráð-
gjafi Simitis forsætisráðherra. Nú
líkir hann stjórn hans við lénsveldi
þar sem foringinn skilji alls ekki
hagsmuni og sjónarmið venjulegs
fólks og þarfnist „kraftaverks“ til að
sigrast á vandanum.
„Óþefur liggur yfir
stjórnmálalífinu“
Hneyksli og spill-
ingarmál grafa
undan stjórn
grískra sósíalista
Reuters
Sókrates Kokkalis fagnar sigri Olympiakos í grísku knattspyrnunni en
hann er eigandi liðsins. Hann leikur stórt hlutverk í spillingarmálunum.
Aþenu. Associated Press.
ROBERT Ray, sérskipaður sak-
sóknari í málum Bills Clintons,
segist hafa haft „nægar sannanir“
til að lögsækja forsetann fyrrver-
andi fyrir meinsæri og telur líklegt
að hann hefði verið dæmdur sekur
ef komið hefði til lögsóknar eftir
að hann lét af embætti.
Þetta kemur fram í skýrslu sem
Ray birti í fyrradag. Hann ákvað
að lögsækja ekki Clinton í ljósi
fjársekta og annarra refsinga sem
forsetinn fyrrverandi hefur sætt.
Clinton samþykkti meðal annars
að greiða andvirði 2,5 milljóna
króna í sekt og að hann yrði svipt-
ur lögmannsréttindum í fimm ár.
Ray sagði í fyrra að hann kynni
að lögsækja Clinton fyrir að bera
ljúgvitni og leggja stein í götu
réttvísinnar í tengslum við rann-
sókn á kynferðislegu sambandi
hans við Monicu Lewinsky, starfs-
stúlku í Hvíta húsinu. Ray til-
kynnti hins vegar 19. janúar í
fyrra, síðasta dag kjörtímabils
Clintons, að ekki kæmi til lög-
sóknar.
Ray sakaður um lögbrot
Demókratar gagnrýndu í gær þá
staðhæfingu Rays að Clinton hefði
líklega verið sakfelldur ef hann
hefði verið lögsóttur. Þeir vitnuðu
til lagabreytingar frá 1994 um
störf sérskipaðra saksóknara og
sögðu að þeir ættu „að einbeita sér
að staðreyndunum og sönnunar-
gögnunum og forðast órökstuddar
yfirlýsingar um hugsanlega niður-
stöðu þegar ekki kemur til
ákæru“. „Ég tel að Ray hafi brotið
lögin frá 1994 þar sem segir að
sérskipaðir saksóknarar eigi ekki
að nota lokaskýrsluna sem tæki-
færi til að taka afstöðu til málefn-
anna,“ sagði Jennifer Palmieri,
fyrrverandi talsmaður Clintons.
Ray tók við rannsókninni á mál-
um Clintons af Kenneth Starr.
Hún stóð í tæp sjö ár og kostaði
andvirði sjö milljarða króna.
Skýrsla um rannsókn Lewinsky-málsins
Telur að Clint-
on hefði verið
sakfelldur
Washington. AFP, AP.
Demókratar
hafna Condit
BANDARÍSKI þingmaðurinn Gary
Condit galt afhroð í forkosningum
demókrata í Kaliforníu á þriðjudag
vegna þingkosninga í nóvember. Er
ósigurinn rakinn til sambands hans
við Chöndru Levy, stúlku sem hvarf í
Washington fyrir tæpu ári.
Er þetta í fyrsta sinn sem Condit
bíður ósigur í kosningum í þrjátíu ár.
Hann átti sæti í fulltrúadeild Banda-
ríkjaþings í sjö kjörtímabil.
Condit fékk 37% atkvæðanna og
Dennis Cardoza, fyrrverandi aðstoð-
armaður hans, fékk 55,3%.
Condit er ekki grunaður um aðild að
hvarfi Levy en hann reyndi að leyna
sambandi sínu við hana og mörgum
kjósendum ofbauð framkoma hans.
Linda Sanchez, 32 ára demókrati,
sigraði í forkosningum í öðru kjör-
dæmi í Kaliforníu, en systir hennar,
Loretta Sanchez, á sæti í fulltrúa-
deildinni. Nái þær kjöri verða þær
fyrstu systurnar á Bandaríkjaþingi.