Morgunblaðið - 08.03.2002, Blaðsíða 30

LISTIR/KVIKMYNDIR
30 FÖSTUDAGUR 8. MARS 2002 MORGUNBLAÐIÐ
SAM Dawson eignast
stúlkubarn með unnustu
sinni, en stuttu síðar slítur
hún sambandinu og skilur
hann eftir einan með barn-
ið. Sam nær til að byrja
með góðu sambandi við
dóttur sína Lucy, en þegar
hún er um það bil sjö ára
gömul og nýbyrjuð í skóla,
er hún allt í einu orðin
mun þroskaðri andlega en
faðirinn sem verður þó
ekki til að eyðileggja samband þeirra
feðginanna. Hinsvegar haga atvikin
því þannig að samband þeirra nær at-
hygli félagsráðgjafa í bænum sem
berst fyrir því að Lucy verði tekin frá
föður sínum og fundinn staður hjá
fósturforeldrum. Sam fær ekki að
hitta dóttur sína nema endrum og
sinnum og þá undir eftirliti og sættir
pabbinn sig illa við þá tilhögun. Á vegi
hans verður lögfræðingurinn Rita
Harrison, sem leikinn er af Michelle
Pfeiffer. Hún beitir ýmsum ráðum til
að hann fái dóttur sína aftur til sín og
er sá vegur ýmsum þyrnum stráður.
Sean Penn, sem tilnefndur hefur
verið til Óskarsverðlauna fyrir hlut-
verk sitt í myndinni, fer með hlutverk
Sams Dawsons, sem greindur hefur
verið mjög svo misþroska einstak-
lingur. Hann hefur andlegan þroska á
við sjö ára barn, en hefur mjög ein-
beittan vilja til að berjast fyrir dóttur
sinni með aðstoð Ritu. Í fljótu bragði
virðast þau eiga lítið sameiginlegt, en
í reynd er það ekki svo.
New Line Cinema sendir frá sér
myndina og er hún í leikstjórn Jessie
Nelson eftir handriti hennar sjálfrar
og Kristine Johnson. Nelson er jafn-
framt framleiðandi myndarinnar
ásamt Edward Zwick, Marshall
Herskovitz og Richard Solomon.
Þetta er áhrifarík og tilfinninga-
tengd mynd um ást, foreldrahlut-
verkið og fjölskyldutengsl, segir leik-
stjórinn Jessie Nelson. „Ég hef mjög
lengi verið mjög upptekin af því hvað
gerir fjölskyldu að fjölskyldu og
hvernig fólki tekst að búa til fjöl-
skyldur við óhefðbundnar aðstæður.
Ég tel að allir foreldrar, hvort sem
þeir eru þroskaheftir á einhvern hátt
eða ekki, eigi það sammerkt að finna
stundum fyrir því að þeir höndli ekki
foreldrahlutverkið. Þroskaheftir for-
eldrar geta látið okkur í té einstaka
myndlíkingu. Þegar öllu er á botninn
hvolft erum við öll að reyna að kom-
ast áfram í þessum heimi og hvort
sem við erum þroskaheft eða ekki,
þurfum við öll á einhvers konar að-
stoð að halda.“
Leikarar: Sean Penn (Dead Man Walk-
ing, The Thin Red Line, The Game, Up at
the Villa); Michelle Pfeiffer (Scarface,
Up Close & Personal, One Fine Day,
What lies Beneath); Dakota Fanning
(Tomcats, ER, CSI, The Practice); Doug
Hutchison (The Green Mile, A Time to
Kill, Batman & Robin); Stanley DeSantis
(The Man Who Wasn’t There, Clock-
watchers, Rush Hour). Leikstjóri: Jessie
Nelson.
Misþroska faðir
í forræðisdeilu
Sambíóin á Snorrabraut og
Álfabakka frumsýna I am
Sam með Sean Penn, Mich-
elle Pfeiffer, Dakota Fann-
ing, Doug Hutchison og
Stanley DeSantis.
Sean Penn og Dakota Fanning í hlutverk-
um sínum í kvikmyndinni I am Sam.
EITT hundrað úrvalshermenn ráð-
ast inn í Sómalíu til að handtaka tvo
herforingja, sem svikið hafa mál-
staðinn, í spennumyndinni Black
Hawk Down, sem frumsýnd verður í
dag. Fyrr en varir eru þeir lentir í
lífshættu í stríði við her Sómalíu og
verða með einhverjum ráðum að
bjarga lífi sínu. Black Hawk Down
fjallar um sannsögulega atburði,
sem áttu sér stað í Sómalíu í október
árið 1993 þegar nítján bandarískir
hermenn féllu fyrir hendi heima-
manna, en borgarastríð stóð þá sem
hæst í landinu. Þessir atburðir urðu
til þess að marka ákveðin tímamót í
utanríkisstefnu Bandaríkjanna, en
eftir þetta kallaði Bandaríkjastjórn
herlið sitt frá Sómalíu og hefur æ
síðan verið treg til að hætta lífi her-
manna sinna í fjarlægum löndum.
Bretinn Ridley Scott, sem meðal
annars leikstýrði tveimur eftirminni-
legum myndum á síðustu tveimur ár-
um, Gladiator og Hannibal, leikstýr-
ir þessarri nýju stríðsmynd, sem
byggð er á bók eftir Mark Bowden.
Eftir Scott liggja auk þess fjölmarg-
ar aðrar myndir, en segja má að fer-
ill hans hafi hafist fyrir alvöru árið
1977 með The Duellist með þeim
Keith Carradine, Harvey Keitel og
Albert Finney í aðalhlutverkum. Í
kjölfarið fylgdi geimmyndin Alien,
sem frumsýnd var 1979 og gat af sér
þrjár framhaldsmyndir. Alien varð
ekki til að skemma feril Ridley
Scotts, en hann tók sér þrjú ár í að
gera næstu mynd sína, Blade Runn-
er, sem frumsýnd var 1982, með
Harrison Ford í broddi fylkingar. Þá
leikstýrði Scott einnig Legend með
Tom Cruise og Tim Curry árið 1985,
Someone to Watch over Me með
Tom Berenger og Mimi Rogers árið
1987, Black Rain með Michael
Douglas árið 1989 og Thelma and
Louise með Geena Davis og Susan
Sarandon árið 1991.
Til gamans má geta þess að Ridley
Scott á sér bróður í sama fagi. Sá er
Tony Scott.
Leikarar: Eric Bana (Chopper, The
Nugget, The Hulk); Ewan McGregor
(Rogue Trader, Star Wars, Trainspott-
ing); Josh Hartnett (Pearl Harbor, The
Faculty, Blow Dry, Town and Country);
Tom Sizemore (Saving Private Ryan,
Bringing out the Dead, Play it to the
Bone, Heat); Sam Shepard (Resur-
rection, Raggedy Man, The Right Stuff,
Defenseless). Leikstjóri: Ridley Scott.
Stríðsátök
í Sómalíu
Laugarásbíó, Smárabíó, Regnboginn og
Borgarbíó á Akureyri frumsýna Black
Hawk Down með Eric Bana, Ewan
McGregor, Josh Hartnett, Tom Sizemore
og Sam Shepard.
Úr Black Hawk Down.
Í GAMANMYNDINNI Snow Dogs
fer Óskarsverðlaunahafinn Cuba
Gooding yngri með
hlutverk Ted Brooks,
sem er tannlæknir í
Miami í sólarfylkinu
Flórída. Einn daginn
kemst hann að því að
hans hefur verið getið
í erfðaskrá einni í
vetrarfylkinu Alaska
svo hann ákveður að
taka sér ferð á hend-
ur til að innheimta
allan auðinn, sem
hann telur að bíði sín
handan hornsins. Þeg-
ar á áfangastað er
komið, uppgötvar
hann að draumar
hans um auð fara rak-
leiðis í hundana í
orðsins fyllstu merk-
ingu því í stað þess að
fá peninga í hendur, eins og hann
hafði gert ráð fyrir, situr hann
uppi með heilt lið af skaðlegum
sleðahundum. Og til að gera vont
verra verður hinn viðskotailli kjaft-
askur Thunder Jack, sem leikinn
er af James Coburn, á veginum og
gerir Ted lífið leitt. Jack rennir
hýru auga til hundanna og vill fá
þá fyrir sjálfan sig. Jack hvetur
Ted til að hraða sér til baka til
hlýrri staða, en þegar líf Teds fer
að snúast um hundana, heitir hann
sjálfum sér því að ekkert skuli
koma í veg fyrir það að hann læri
almennilega á hundasleðann.
Walt Disney Pictures sendir frá
sér myndina, sem er í leikstjórn
Brian Levant og það eru hvorki
fleiri né færri en sjö Síberíu-eskim-
óahundar sem fara með allstór
hlutverk. Framleiðandinn Jordan
Kerner segist lengi hafa átt sér
þann draum að vinna með Levant
leikstjóra, en auðvitað hafi allir
þessir hundar getað verið martröð
hvaða leikstjóra sem er. „Ég hef
fylgst vel með Levant sem leik-
stjóra, allt frá því að hann leik-
stýrði Beethoven og síðan hef ég
séð hann gera frábærar gaman-
myndir. Í þessari mynd, sem ann-
ars hefur sterkan frásagnargrunn,
kemur tilfinning hans fyrir gam-
anleik vel fram.“
Leikstjórinn segist hinsvegar
hafa fallið fyrir söguþræði mynd-
arinnar vegna þess að vonda menn
og skúrka hafi ekki verið þar að
finna. „Myndin er um heiðvirt fólk,
sem er að reyna að finna sér rými í
þessum heimi. Það er gömul hefð,
sérstaklega í breskri kvikmynda-
gerð, sem ég hef haft sérstakt yndi
af. Það eru sögur um
fólk, sem lendir á
ókunnum stöðum,
venjulega í litlum
bæjarsamfélögum,
þar sem íbúarnir
virka bæði undarlegir
og sérvitrir, en verða
til þess að breyta lífs-
sýn gestsins að miklu
leyti. Mig hefur alltaf
langað til að gera svo-
leiðis mynd,“ segir
Levant, sem leik-
stýrði m.a. The
Flintstones og Jingle
All the Way. Hand-
ritsgerðin var í hönd-
um Jim Kouf og
Tommy Swerdlow &
Michael Goldberg og
Mark Gibson & Philip
Halprin.
Leikarar: Cuba Gooding yngri (Men of
Honor, Pearl Harbor, As Good as it
Gets, Instinct); James Coburn (The
Magnificent Seven, The Great Escape,
The Iron Cross, Major Dundee);
Joanna Bacalso (Bedazzled, Dude
where’s my car); Nichelle Nichols
(The Supernaturals, Cleopatra); Sisqó
(Get Over It, Unleash the Dragon); M.
Emmet Walsh (Blade Runner, Straight
Time, Slapshot); Graham Greene
(Dances with Wolves, Green Mile,
Maverick).Leikstjóri: Brian Levant.
Á hundasleða í Alaska
Sambíóin frumsýna Snow Dogs með
Cuba Gooding yngri, James Coburn,
Joanna Bacalso, Nichelle Nichols,
Sisqó, M. Emmet Walsh og Graham
Greene.
Cuba Gooding Jr. og Graham Green í Snow Dogs.
KVIKMYNDAHÁTÍÐ hefst í Regn-
boganum á morgun og ber yfirskrift-
ina Franskir bíódagar, stendur hún
yfir til 17. mars. Að hátíðinni standa
Góðar stundir, Skífan og Regnbog-
inn í samvinnu við franska sendiráð-
ið og Alliance Francaise. Heiðurs-
gestur hátíðarinnar verður franski
leikstjórinn Zavier Beauvois sem er
leikstjóri kvikmyndarinnar Selon
Matthieu eða Hefnd Matthieusar,
sem er ein fimm mynda hátíðarinnar
og jafnframt frumsýningamyndin.
Sýning hennar hefst kl. 16.30 á laug-
ardag, en allar myndirnar eru fram-
leiddar á síðustu tveimur árum.
Hefnd Matthieusar
Með helstu hlutverk í myndinni
fara Benoit Magimel, Nathalie
Baye, Antoine Chappey og Fred
Ulysse.
Söguþráðurinn er á þá leið að fjöl-
skyldufaðir er rekinn úr fyrirtæk-
inu, sem hann hefur alla tíð unnið
hjá, fyrir þær sakir að reykja í
vinnutímanum. Eftir að sonur hans
hefur reynt að fá stjórn fyrirtæk-
isins til að ráða hann aftur, deyr fað-
irinn í hörmulegu slysi. Sonurinn
heldur því fram að faðir sinn hafi
ekki séð neina aðra leið en að stytta
sér aldur og ákveður að hefna hans
með því að refsa forstjóranum með
því að tæla konuna hans og lítil-
lækka hann, en svo fer að hann finn-
ur sig eftir allt saman í ófyrirsjáan-
legum aðstæðum. Hefnd
Matthieusar keppti um Gulljónið í
Feneyjum árið 2000.
Um ástina
Kvikmyndin De L’Amor eða Um
ástina í leikstjórn Jean-Francois
Richet fjallar um unga stúlku, sem
vinnur í verksmiðju við að sauma
saman kodda. Hún ákveður einn dag
að hætta í vinnunni og opna eigin
veitingastað. Hún er gripin glóðvolg
við að stela undirfötum en neitar
allri sök svo hún er sett í yfirheyrslu
hjá lögreglunni. Í ótrúlegri fram-
vindu sögunnar stendur stúlkan
frammi fyrir erfiðustu ákvörðun í lífi
sínu. Með helstu hlutverk fara Virg-
inie Ledoyen, Yazid Ait, Mar So-
dupe, Stomy Bugsy, Jean-Francois
Stevenin, Bruno Putzulu og Karim
Attia.
Helgarfrí
Kvikmyndin 15 Aout eða Helg-
arfrí er í leikstjórn Patrick Aless-
andrin og fjallar um konur þriggja
vina sem ásamt börnum sínum leigja
hús yfir helgi. Þegar vinirnir koma
svo á staðinn eru konurnar horfnar
og börnin sofandi í herbergjunum og
það eina sem þær hafa skilið eftir sig
eru skilaboð um að þær eigi skilið al-
mennilegt frí. Ísskápurinn er meira
að segja tómur. Þeir átta sig á að
þetta er ekkert frí og kaldhæðnis-
lega verða börnin fullorðnari en
pabbarnir við þessar kringumstæð-
ur og þeir skilja ekkert í því af
hverju konurnar fóru. Helstu hlut-
verk eru í höndum
Richard Berry,
Charles Berling,
Jean-Pierre Darr-
oussin, Mélanie
Thierry og Ludmila
Mikail.
Skápurinn
Fjórða kvikmynd-
in á hátíðinni, Le
Placard eða Skápur-
inn, segir frá
Francois Pignon,
sem er að missa
vinnuna en nágranni
hans kemur með
ódauðlega hugmynd
um hvernig hægt er
að koma í veg fyrir
það. Hann dreifir
slúðri um að
Francois sé sam-
kynhneigður þannig
að stjórnin þorir
ekki að reka hann af
ótta við lögsókn. Að
sjálfsögðu fer allt úr
böndunum og þá
sérstaklega líf
Francois og ann-
arra í kringum
hann. Gérard Depardieu fer með að-
alhlutverkið í þessari farsakenndu
gamanmynd, auk Daniel Auteuil og
Thierry Lhermitte. Framleiðsla var
í höndum Francis Veber.
Dulið sakleysi
Í fimmtu myndinni sem ber heitið
Comedie de l’Innocence eða Dulið
sakleysi er níu ára drengur í aðal-
hlutverkinu. Hann býr í foreldrahús-
um og dag einn krefst hann þess að
fá að hitta raunverulega móður sína.
Móðirin, sem drengurinn hefur búið
hjá hingað til bregst engan veginn
við þessari beiðni ungviðisins, en
þegar síðar hún hittir aðra konu,
sem drengurinn segir að sé móðir
sín, renna á hana tvær grímur.
Raoul Ruiz er leikstjóri þessarar
frönsku spennumyndar, en með
helstu hlutverk fara Isabelle Hupp-
ert, Jeanne Balibar, Charles Berl-
ing, Nils Hugon, Edith Scob, Denis
Podalydes og Laure de Clermont-
Tonnerre. Mynd þessi keppti um
Gullljónið í Feneyjum fyrir tveimur
árum.
Franskir
bíódagar
í Regn-
boganum
Úr frönsku kvikmyndinni Hefnd Matthieusar.