Morgunblaðið - 08.03.2002, Blaðsíða 31

LISTIR
MORGUNBLAÐIÐ FÖSTUDAGUR 8. MARS 2002 31
býður þér á kynningarkvöld á Grand Hótel Reykjavík,
Sigtúni 38, Reykjavík.
Ferðamálaskrifstofa
ríkisstjórnar Ísraels
Kynningin verður haldin fimmtudaginn 14. mars nk. kl. 18.00
Komið og skemmtið ykkur með okkur á þessu sérstaka kvöldi, þar
sem við munum fara í stutta skoðunarferð um landið.
Aðgangur ókeypis
LEIKFÉLAG Mosfellssveitar
gerir það ekki endasleppt við börnin í
sinni sveit. Samkvæmt leikskrá er
það stefna félagsins að sýna hið
minnsta eitt barnaleikrit á hverju
starfsári. Þetta er auðvitað til fyrir-
myndar, sérstaklega ef litið er til þess
að öflugt námskeiðahald fyrir börn
hefur verið fastur liður í starfseminni
um nokkurt skeið, og leikstjóri Fríðu
og dýrsins, Bjarney Lúðvíksdóttir,
verið þar framarlega í flokki.
Sagan um stúlkuna Fríðu og prins-
inn sem hnepptur var í álög fyrir
hroka sinn en frelsast þegar hann
hefur tekið út tilætlaðan tilfinninga-
þroska hefur farið nokkuð krókóttan
veg að leiksviðinu að þessu sinni. Víð-
fræg teiknimyndarútfærsla Disney-
fabrikkunnar hefur verið tekin og
færð upp á svið. Nú hefur undirrit-
aður ekki séð teiknimyndina og því
ekki dómbær um hvort miklu eða litlu
hefur verið hnikað til við þessa síð-
ustu aðlögun.
Hvort heldur sem er verður að
segjast að handrit það sem liggur
sýningunni til grundvallar er nokkuð
gallað verk. Sögunni vindur hægt
fram, sumir atburðir illa undirbyggð-
ir og óþarflega miklum tíma er eytt í
hliðaratburði á kostnað meginefnis-
ins. Þannig eru til að mynda manna-
siðakennsla dýrsins og samdráttur
þess og Fríðu afgreidd í fljótheitum,
en miklu púðri og tíma eytt í vind-
belginn Gaston, vonbiðil Fríðu, og
uppátæki hans. Eins virðist tíma-
rammi sögunnar skolast illa til undir
lokin og ruglar áhorfendur í ríminu,
að minnsta kosti undirritaðan.
Það mæðir því mikið á leikhópnum
og leikstjóranum að skemmta áhorf-
endum með þennan rýra efnivið.
Bjarney hefur lagt upp með nokkuð
ýkjulegan leikstíl, sem nýtist sumum
leikaranna ágætlega til að skapa kát-
legar persónur. Einna lengst komast
Pétur Ragnar Pétursson og Bragi
Dór Hafþórsson sem Gaston og vika-
piltur hans. Þá ná Halldór Halldórs-
son og Vaka Ágústsdóttir góðum tök-
um á göldruðum innanstokksmunum
á heimili dýrsins. Í heild hefði sýn-
ingin þó grætt á skýrari heildarsvip,
bæði hvað varðar leikstíl og umgjörð.
Tónlistin er afar vel af hendi leyst,
bæði undirleikur og söngur, sem var
öruggur og fallegur.
Mest mæðir að sjálfsögðu á titil-
persónunum. Guðbjörg Pálsdóttir
hefur mikinn sviðsþokka og er sann-
færandi Fríða, auk þess sem hún fer
fremst í flokki söngkrafta. Hjalti
Stefán Kristjánsson er dýrið og fer
mikinn í flottu gervi. Hann líður þó
persóna mest fyrir leikgerðina, og
eins fékk hann litla hjálp frá mótleik-
urum sínum í að skapa ógn og skelf-
ingu. Það virðist raunar líka hlaupið í
og úr með það í handritinu, hvort allir
hræðast hann eður ei. Hápunkturinn,
þegar álögunum er létt á síðustu
stundu, var síðan afar vel útfærður,
bæði hugmyndalega hjá Bjarneyju
og leiklega af þeim Hjalta og Guð-
björgu.
Fríða og dýrið hjá Leikfélagi Mos-
fellssveitar er viðamikið og flókið við-
fangsefni sem líður fyrir gallað hand-
rit. Þó má hafa skemmtun af, sakir
kraftmikils leiks og fallegs söngs.
Gamalt ævintýr
á nýlegum belg
LEIKLIST
Leikfélag Mosfellssveitar
Byggt á teiknimynd Disney. Leikstjóri:
Bjarney Lúðvíksdóttir. Tónlistarstjóri:
Birgir Örn Tryggvason. Bæjarleikhúsinu í
Mosfellssveit 2. mars 2002.
FRÍÐA OG DÝRIÐ
Þorgeir Tryggvason
ÞEIR eru ófáir, nemendur Mynd-
lista- og handíðaskólans sáluga, sem
horfið hafa út af landakortinu, ef svo
má að orði komast, brauðstritið og
lífsbaráttan hafa tekið sinn toll.
Margir snúið sér að kennslu, sem iðu-
lega var líka menntunargrunnur
þeirra, þótt ekki væri jafnaðarlega
ætlunin að helga sig uppeldisstörfum.
Oftar en ekki var prófið einungis ör-
yggisventill ef annað brygðist og
þannig er jafnvel Guðmundur Erró
útskrifaður frá teiknikennaradeild í
MHÍ! Svo annað mál að aðrir, sem
ekki höfðu hinn minnsta áhuga á
kennarafaginu, urðu að hlaupa í það
án áunninna réttinda og dagaði uppi,
meður því að orkan dugði ekki til
frekari athafna, mynd- og hand-
mennt er kröfuhart fag til miðlunar ef
vel á að vera.
Þórey Eyþórsdóttir, sem útskrif-
aðist úr vefnaðarkennaradeild MHÍ
1965 og handavinnukennaradeild
Kennaraskóla Íslands 1969, hefur þá
sérstöðu að hafa jafnt heima og er-
lendis menntað sig í spreng sem
handavinnu- og textílkennari. Mun
leit að skólaðri kennara í þessum fög-
um, að viðbættri kennslufræði og sál-
fræðiráðgjöf. Þessa viðbótarmenntun
sótti hún til Bergen og skilst mér að
Norðmenn hafi svo aðallega notið víð-
tækrar þekkingar hennar.
Ekki veit ég hvenær Þórey fluttist
heim til Íslands, en það mun meira en
áratugur síðan ég sá hana innanbúð-
ar í listhúsinu AllraHanda í Grófar-
gili, og á líkum tíma mun hún hafa
verið farin að sinna skapandi verk-
efnum sem hafa undið upp á sig. Á
tímabilinu hefur hún sett upp nokkr-
ar sýningar, helst norðan heiða, einn-
ig í Noregi þar sem hún starfaði um
hríð, svo og í Jónshúsi í Kaupmanna-
höfn, en þar í borg bætti hún í ár við
sig einni menntunargráðunni til við-
bótar í uppeldisfræðum.
Sýningin í Ráðhúsi Reykjavíkur er
hins vegar hin fyrsta á höfuðborgar-
svæðinu og er vel staðið að ytri frá-
gangi hennar, nema upplýsingar í
skrá hefðu að ósekju mátt vera aðeins
skilvirkari og öll ártöl vantar á mynd-
verkin. Er einkum bagalegt fyrir þá
sök að gesturinn á fyrir vikið erfitt
með að átta sig á þróunarferlinu,
einkum vegna þess hve margra grasa
kennir í útfærslu þeirra. Þór-
ey hneigist nefnilega bæði til
sígildra vinnubragða og nær
hreinnar hugmyndafræði,
sem er nýr áfangi í listsköpun
hennar, svo og samruna þess-
ara póla, jafnvel í formi fönd-
urs og kits (kitsch).
Þegar best lætur nær Þór-
ey athyglisverðum árangri og
má hér einkum nefna verkin
Sumargangan (23), sem unnið
er í blandaðri tækni og ber
bæði í sér þroskað litaskyn og
tilfinningu fyrir hryni, Ísland
rís úr sæ (8), sem er hreinn
myndvefnaður sem ber í sér
afar samræmt litaspil og loks
Hvers vegna ekki (6), blönduð
tækni, harðangurssaumur,
prjón og hekl, sem er á hug-
myndafræðilegu nótunum.
Styrkur sýningarinnar er víð-
tæk þekking á handverkinu
og fjölbreytni í vinnubrögð-
um, helstur fingurbrjótur
upphengingin, sem er full-
brotin og samhengislaus. Þá
er hrjúft og kalt sýningarrým-
ið ekki heppilegasti staðurinn
fyrir myndverk af þessu tagi,
en sumt hefði þó líkast til notið
sín vel í gömlu húsakynnum
Nýlistasafnsins.
Þá ber að nefna, að Þórey hefur
hengt upp mikinn fjölda vatns- og
olíulita í húsakynnum kaffigallerísins
svonefnda við Hafnarstræti (Horn-
inu). Framtakið staðfestir helst að
farsælast sé fyrir listakonuna að
halda sig innan ramma vef- og textíla
þar sem menntunargrundvöllur
hennar liggur.
Frá þræði til heildar
MYNDLIST
Ráðhús Reykjavíkur
Opið alla daga á afgreiðslutíma Ráðhúss-
ins. Til 10. mars. Aðgangur ókeypis.
VEFIR/TEXTÍLAR
ÞÓREY EYÞÓRSDÓTTIR
Bragi Ásgeirsson
Hvers vegna ekki, harðangurssaumur,
prjón, hekl.