Morgunblaðið - 08.03.2002, Blaðsíða 12

FRÉTTIR
12 FÖSTUDAGUR 8. MARS 2002 MORGUNBLAÐIÐ
SAMÞYKKT var á Búnaðarþingi í
gær að beina því til Alþingis að lækka
búnaðargjald úr 2,55% í 2%. Ari
Teitsson, formaður Bændasamtak-
anna, segir að þessari lækkun verði
mætt með þrennum hætti, þ.e. með
hækkun vaxta Lánasjóðs landbúnað-
arins, skerðingu á tryggingavernd
Bjargráðasjóðs og með aðhaldi í
rekstri Bændasamtakanna. Ari sagði
að lækkunin þýddi að gjaldtaka af
bændum lækkaði um 100 milljónir
miðað við eitt ár.
Búnaðargjald er í dag 2,55%, en
það skiptist í fimm hluta, þ.e. til
Bændasamtakanna, búnaðarsam-
banda, búgreinafélaga, Bjargráða-
sjóðs og Lánasjóðs landbúnaðarins.
Skiptar skoðanir voru á Búnaðar-
þingi um hvað ætti að ganga langt í
því að lækka gjaldið. Meirihluti fé-
lagsmálanefndar þingsins lagði til að
gjaldið yrði 1,95%, en minnihlutinn
lagði til að það yrði 2,05%. Í um-
ræðum á þinginu kom fram tillaga um
að gjaldið yrði 2% og var hún sam-
þykkt með 34 atkvæðum gegn 6.
Vextir Lánasjóðs
landbúnaðarins hækka
Þeir sem vildu ganga skemur bentu
sérstaklega á að fjárhagur búnaðar-
sambandanna, einkum minni sam-
banda, væri slæmur. Fram kom á
þinginu að héraðsráðunautar hefðu
eins og fleiri fengið verulegar launa-
hækkanir og lífeyrisskuldbindingar
hvíldu þungt á fjárhag þeirra. Niður-
staðan varð sú að gera minni breyt-
ingar á framlögum til búnaðarsam-
banda en upphaflega var ráðgert.
„Við munum mæta þessari lækkun
með þrennum hætti. Það verður að
hækka eitthvað vexti hjá Lánasjóði
landbúnaðarins á móti þeirri lækkun
sem sjóðurinn tekur á sig. Það verður
að minnka tryggingavernd hjá Bjarg-
ráðasjóði hjá nokkrum búgreinum.
Einnig er starfsfé Bændasamtakanna
rýrt nokkuð þannig að annaðhvort
verðum við að fara betur með peninga
eða draga úr starfsemi, nema að ein-
hverjar aðrar tekjur komi til,“ sagði
Ari Teitsson þegar hann var spurður
hvernig brugðist yrði við lækkun bún-
aðargjalds.
Stærstur hluti lækkunarinnar er
tekinn af hlut Lánasjóðs landbúnað-
arins, en 1,15 prósentustig af búnað-
argjaldinu hefur verið varið til að nið-
urgreiða vexti sjóðsins. Gerð var
tillaga um að þetta hlutfall færi niður í
0,85% hjá kúabændum sem standa
undir um 47% af öllum tekjum sem
innheimtar eru með búnaðargjaldi.
Ari sagði að líklega yrðu vextir á
niðurgreiddum lánum Lánasjóðs
landbúnaðarins hækkaðir um 0,6–
0,7%, en vextirnir eru 3,43% í dag.
Þessi vaxtalækkun kæmi að öllum lík-
indum ekki til framkvæmda fyrr en á
næsta ári, að því gefnu að Alþingi féll-
ist á að gera þær breytingar á lögum
sem búnaðarþing færi fram á.
Ari sagði að á síðustu árum væri
búið að draga mikið saman á skrif-
stofu Bændasamtakanna. M.a. hefði
starfsfólki fækkað. Sú lækkun búnað-
argjaldsins sem gerð hefði verið til-
laga um þýddi að tekjur Bændasam-
takanna rýrnuðu um 18 milljónir.
Í erindi sem stjórn Bændasamtak-
anna lagði fyrir Búnaðarþing um
lækkun búnaðargjalds segir m.a. að
eign Bændasamtakanna í Hótel Sögu
geti á næstu árum skilað bændum
einhverjum arði og það geti því komið
á móti minni tekjum af búnaðargjaldi.
„Þarna gætu komið tekjur á móti.
Það veltur hins vegar á því að við
náum að selja hótelið fyrir eitthvað
verulega meira en skuldum. Það virð-
ast ekki vera neitt tiltakanlega góðir
tímar til að selja hótel núna. Aðstæð-
ur breyttust mikið eftir 11. septem-
ber. Það er eins spurning hvort að við
getum tekið eitthvað út úr rekstri
þess, en það er háð því hvernig geng-
ur í ferðaþjónustunni á næstunni,“
sagði Ari.
Ari sagði að Hótel Saga væri búið
að vera til sölu í u.þ.b. hálft ár, en ekki
hefði tekist að selja það.
Skattkerfinu verði
beitt til byggðajöfnunar
Á Búnaðarþingi urðu einnig miklar
umræður um byggðamál. Ari sagði að
í ályktun Búnaðarþings væri að
mörgu leyti verið að taka undir þær
áherslur sem komið hefðu fram í
byggðaáætlun sem ríkisstjórnin lagði
nýlega fram.
Í tillögunnni er m.a. lagt til að leitað
verði leiða til að beita skattkerfinu
þannig að það hvetji einstaklinga og
fyrirtæki til að setjast að í dreifbýli.
Hvatt er til þess að námskostnaður
við framhaldsskóla verði jafnaður enn
frekar með hækkun dreifbýlisstyrkja.
Í tillögunni er talað um að Lánasjóði
íslenskra námsmanna verði gert
kleift að lækka endurgreiðsluhlutfall
lána hjá því fólki sem hefur störf að
námi loknu utan höfuðborgarsvæðis-
ins. Skorað er á stjórnvöld að ganga
enn lengra í því að jafna upphitunar-
kostnað húsnæðis. Þá er hvatt til þess
að gerðar verði úrbætur á gagna-
flutningskerfi Landssímans þannig
að möguleikar og kostnaður verði
sambærilegur um allt land.
Búnaðarþing samþykkti í gær að óska eftir því við Alþingi að búnaðargjald yrði lækkað
Gjaldtaka á
bændum lækkar
um 100 milljónir
Morgunblaðið/Ásdís
Rögnvaldur Ólafsson, bóndi í Flugumýrarhvammi í Skagafirði, og Gunnar Sæmundsson, bóndi í Hrútatungu í
V-Húnavatnssýslu, fylgdust vel með umræðum á Búnaðarþingi, en því lauk í gær.
Ríkið komi að
uppbyggingu í
Laugardal
AÐ MATI Steinunnar Valdísar Ósk-
arsdóttur, borgarfulltrúa Reykjavík-
urlistans, væri eðlilegt að ríkið kæmi
að kostnaði við við gerð 50 metra yf-
irbyggðrar sundlaugar í Laugardal
þar sem um er að ræða mannvirki
sem mun nýtast landsmönnum öllum.
Kom þetta fram í máli borgarfulltrú-
ans á borgarstjórnarfundi í gær.
Steinunn sagði að í lok mars árið 1998
hafi borgarstjóri, forsvarsmenn ÍTR,
ÍSÍ og Sundsambandsins ritað
menntamálaráðherra bréf þar sem
óskað var eftir viðræðum um að ráðu-
neytið tæki þátt í kostnaði við bygg-
ingu laugarinnar. Var í bréfinu vísað í
íþróttalög þar sem kemur fram að
sögn Steinunnar að menntamálaráðu-
neyti sé heimilt að eiga aðild að samn-
ingum um stofnun og starfsemi
íþróttamiðstöðva í samvinnu við sveit-
arfélög og íþróttasamtök enda miðist
þjónusta stöðvanna við landið allt.
Taldi Steinunn að fordæmi hafi verið
gefið fyrir þessu samstarfi ríkis og
sveitarfélaga þegar íþróttasjóður rík-
isins tók þátt í uppbyggingu vetrar-
íþróttamiðstöðvar á Akureyri.
Steinunn segir að enn hafi ekkert
svar borist við bréfinu.
SAMKVÆMT drögum að
nýrri samþykkt um friðun
trjáa í Reykjavík sem lögð
var fyrir borgarstjórn í gær,
má ekki fella tré innan borg-
armarkanna sem eru hærri
en 8 metrar eða eldri en 60
ára nema með leyfi garð-
yrkjustjóra. Eldri samþykkt
kveður á um að bannað sé að
fella tré sem eru hærri en
4–6 metrar og eldri en 40
ára.
Kjartan Magnússon, borg-
arfulltrúi Sjálfstæðisflokks-
ins, kom fram með þá hug-
mynd að afnema reglurnar
með öllu og fela borg-
urunum sjálfum að velja þau
tré sem skuli standa og
hvernig þeirra eigin garðar
líti út. Taldi hann að höfða
ætti til fegurðarskyns og
ábyrgðartilfinningar íbú-
anna frekar en að hafa reglur sem
þessar. Sagði hann að almennt færi
fólk ekki eftir samþykktinni og að í
langflestum tilvikum væri gefið
grænt ljós á að fella tré þegar um
slíkt leyfi væri sótt. „Það er ekki eins
og allir myndu rjúka út í garð með
hjólsagir og axir ef reglurnar yrðu
afnumdar,“ sagði borgarfulltrúinn,
en bætti við að hann fagnaði þeirri
rýmkun reglnanna sem drög að
nýrri samþykkt fælu í sér. Sagði
hann borgina orðna mjög gróna og
grisjunar væri orðið þörf víða í eldri
hverfum. Benti hann á að vissulega
væru til dýrgripir meðal trjáa í
borginni, en garðyrkjustjóri ætti
frekar að fá heimild til að friða sér-
staklega þau tré.
Ingibjörg Sólrún benti á að 8
metra hátt tré væri á stærð við
þriggja hæða hús og lægri tré mætti
fella samkvæmt drögunum að sam-
þykktinni. Sagði hún að trjágróð-
urinn skipti miklu máli fyrir borg-
armyndina og að með því að afnema
reglurnar væri sú hætta fyrir hendi
að mistök myndu eiga sér stað sem
ekki væri hægt að taka aftur.
Málinu var vísað aftur til umfjöll-
unar hjá borgarráði að tillögu borg-
arstjóra.
Vill afnema regl-
ur um friðun trjáa
Hér sést Jónas Freyr Harðarson garð-
yrkjufræðingur grisja tré við Hring-
braut. Þau eru öll innan friðunarmarka
af myndinni að dæma.
Trén hluti af
borgarmynd-
inni, segir
borgarstjóri
Morgunblaðið/Kristinn
ÞRIGGJA herbergja íbúð í Yrsu-
felli stórskemmdist í bruna í gær
en engin meiðsl urðu á fólki.
Slökkvilið höfuðborgarsvæðisins
fékk tilkynningu um brunann kl.
14.07 og sendi fjölmennt lið á vett-
vang.
Talið er að kviknað hafi í út frá
eldavél og ljóst að eldur hefur
kraumað lengi. Enginn var í íbúð-
inni þegar slökkviliðið kom á vett-
vang. Gríðarlega mikill og svartur
reykur fyllti íbúðina og urðu
skemmdir einkum af völdum hans.
Slökkviliðsmenn slökktu glóð í eld-
húsinnréttingu og reykræstu íbúð-
ina að því loknu. Varðstjóri slökkvi-
liðsins sagði gríðarlega miklar
skemmdir hafa hlotist af völdum
reyksins.
Íbúð stór-
skemmdist
í bruna
Morgunblaðið/Golli
FINNBOGI Sigurðsson
var kjörinn formaður
Félags grunnskólakenn-
ara á aðalfundi félagsins
í gær en hann tekur við
formennsku af Guðrúnu
Ebbu Ólafsdóttur sem
ekki gaf kost á sér
áfram. Finnbogi, sem
áður var varaformaður,
hlaut 48 atkvæði en hinn
frambjóðandinn, Agla
Ástbjörnsdóttir, fékk 42
atkvæði. Í aðalstjórn
voru kjörin þau Björk
Helle Lassen, Fjóla
Höskuldsdóttir, Guðrún
Snorradóttir og Sesselja
G. Sigurðardóttir.
Finnbogi segir að
þetta sé í fyrsta sinn
sem kosið er beint um
formann enda félagið
ungt. „Þetta starf
leggst vel í mig en það
er raunar fátt í starf-
seminni sem ætti að
koma mér á óvart enda
starfaði ég fyrir hjá
samtökunum.“ Að-
spurður segist Finn-
bogi hafa starfað í
stjórn Félags grunn-
skólakennara og átt
þátt í að móta starfið
og hann muni halda
áfram á þeirri braut
sem mörkuð hafi verið.
Félag grunnskólakennara
Finnbogi Sigurðsson
Finnbogi Sigurðsson
kjörinn formaður