Morgunblaðið - 15.03.2002, Qupperneq 6

FRÉTTIR
6 FÖSTUDAGUR 15. MARS 2002 MORGUNBLAÐIÐ
UMHVERFISRÁÐHERRA, Siv
Friðleifsdóttir, hefur staðfest úr-
skurð Skipulagsstofnunar um mat á
umhverfisáhrifum álvers og raf-
skautaverksmiðju í Reyðarfirði. Er
það niðurstaða ráðuneytisins að um-
hverfisáhrifunum hafi verið lýst á
fullnægjandi hátt í matsskýrslu
framkvæmdaraðila og úrskurði
Skipulagsstofnunar frá því í ágúst
sl.
Stofnunin féllst á byggingu allt að
420 þúsund tonna álvers og 233 þús-
und tonna rafskautaverksmiðju með
tveimur skilyrðum. Tvær kærur
bárust ráðuneytinu vegna úrskurð-
arins, önnur frá Náttúruverndar-
samtökum Íslands og hin frá Nátt-
úruverndarsamtökum Austurlands,
NAUST. Kæruatriðin lutu einkum
að því að fyrirhugað álver og raf-
skautaverksmiðja muni hafa í för
með sér mikla mengun á stóru
svæði og að við mengunarvarnir
hafi ekki verið gerð krafa um bestu
fáanlegu tækni.
Í tilkynningu frá umhverfisráðu-
neytinu segir að ekkert hafi komið
fram um umhverfisáhrif af völdum
mengunar á loftgæði eða lífríki sjáv-
ar sem gefi tilefni til að leggjast
gegn framkvæmdinni. Telur ráðu-
neytið að fyrirliggjandi veðurgögn
séu fullnægjandi til að gera var-
færna loftmengunarspá fyrir fyrir-
hugaða framkvæmd og ákvarða
mörk þynningarsvæðis. Nauðsyn-
legt sé hins vegar að fylgjast með
styrk brennisteinsdíoxíðs í and-
rúmslofti innan sem utan þynning-
arsvæðis og sannreyna þannig hvort
loftmengunarspá gangi eftir.
„Að mati ráðuneytisins uppfyllir
Reyðarál ákvæði íslenskra laga og
reglugerða og alþjóðlegra viðmið-
ana um notkun bestu fáanlegrar
tækni í álveri og rafskautaverk-
smiðju í Reyðarfirði. Helstu um-
hverfisáhrif verksmiðjunnar tengj-
ast mengun vegna starfseminnar og
ber að tryggja í starfsleyfi, sem nú
er í vinnslu hjá Hollustuvernd rík-
isins, að uppfyllt verði öll skilyrði
laga og reglna um losunarmörk,“
segir ennfremur í tilkynningu frá
umhverfisráðuneytinu.
Mat á umhverfisáhrifum álvers og rafskautaverksmiðju í Reyðarfirði
Umhverfisráðherra staðfestir
úrskurð Skipulagsstofnunar
FLOKKARNIR, sem standa að
framboði Reykjavíkurlistans til
borgarstjórnarkosninganna í vor,
samþykktu listann formlega á fund-
um sínum í gærkvöldi. Listann skipa
eftirtaldir einstaklingar:
1. Árni Þór Sigurðsson varaborg-
arfulltrúi.
2. Alfreð Þorsteinsson borg-
arfulltrúi.
3. Stefán Jón Hafstein útgáfustjóri.
4. Steinunn V. Óskarsdóttir borg-
arfulltrúi.
5. Anna Kristinsdóttir stjórnmála-
fræðinemi.
6. Björk Vilhelmsdóttir
félagsráðgjafi.
7. Dagur B. Eggertsson læknir.
8. Ingibjörg Sólrún Gísladóttir
borgarstjóri.
9. Helgi Hjörvar borgarfulltrúi.
10. Marsibil Sæmundsdóttir fram-
kvæmdastjóri.
11. Kolbeinn Óttarsson Proppé
sagnfræðingur.
12. Jóna Hrönn Bolladóttir miðborg-
arprestur.
13. Steinunn Birna Ragnarsdóttir
píanóleikari.
14. Þorlákur Björnsson hagfræð-
ingur.
15. Sigrún Elsa Smáradóttir mark-
aðsstjóri.
16. Jóhannes Bárðarson, gullsmiður
og bankastarfsmaður.
17. Katrín Jakobsdóttir íslensku-
fræðingur.
18. Stefán Jóhann Stefánsson
hagfræðingur.
19. Sigrún J. Pétursdóttir, fyrrum
ráðskona.
20. Felix Bergsson leikari.
21. Guðný Hildur Magnúsdóttir fé-
lagsfræðingur.
22. Friðrik Þór Friðriksson kvik-
myndagerðarmaður.
23. Jakob H. Magnússon veit-
ingamaður.
24. Óskar Dýrmundur Ólafsson for-
stöðumaður.
25. Helena Ólafsdóttir, kennari og
knattspyrnuþjálfari.
26. Jóhannes Sigursveinsson múr-
ari.
27. Sigurður Bessason, formaður
Eflingar.
28. Adda Bára Sigfúsdóttir, fyrrum
borgarfulltrúi.
29. Sigrún Magnúsdóttir borg-
arfulltrúi.
30. Gylfi Þ. Gíslason, fyrrum ráð-
herra.
Framboðslisti Reykja-
víkurlistans kynntur
Morgunblaðið/Kristinn
Nokkrir frambjóðenda Reykjavíkurlistans eftir að listinn var staðfestur, f.v.: Ingibjörg Sólrún Gísladóttir, Árni
Þór Sigurðsson, Kolbeinn Óttarsson Proppé, Steinunn Birna Ragnarsdóttir og Steinunn V. Óskarsdóttir.
Norskir
brjóstdropar
uppseldir
UNNIÐ er nú dag og nótt hjá Lyfj-
um og heilsu að framleiðslu norskra
brjóstdropa þar sem lyfið er uppselt
hjá Lyfjaverslun Íslands. Þessir
brjóstdropar eru slímlosandi og
þykja duga vel gegn kvefi og fleiri
kvillum. Að sögn Ingólfs Garðars-
sonar, markaðsstjóra Lyfja og
heilsu, fékk fyrirtækið vísbendingu
um skort á norskum brjóstdropum
síðari hluta þriðjudags og er stefnt
að því að afhenda þrjú þúsund glös
til dreifingar á föstudag svo lyfið
ætti að fást á ný eftir helgi.
„Skorturinn er háður flensunni
sem hefur verið að ganga og ég held
að þetta sé í fyrsta skipti í áratugi
sem skortur af þessu tagi kemur
upp. Það segir sína sögu um hversu
skæð flensan er,“ segir Ingólfur.
„Við brugðumst þannig við skortin-
um að við jukum framleiðslu okkar
og fjölguðum starfsfólki svo nú er
unnið dag og nótt við framleiðsluna.“
ÆTTINGJAR Ásgeirs Ásgeirs-
sonar, fyrrverandi forseta Íslands
og forseta sameinaðs Alþingis, af-
hentu í gær Alþingi brjóstmynd
af Ásgeiri að gjöf.
Brjóstmyndina gerði Nína Sæ-
mundsson myndlistarkona í
kringum 1960. Friðrik Ólafsson,
skrifstofustjóri Alþingis, segir að
brjóstmyndinni verði fundinn
staður við hæfi í húsakynnum
þingsins.
Ásgeir Ásgeirsson var alþing-
ismaður frá 1923 til 1952. Á þeim
tíma var hann forseti sameinaðs
Alþingis 1930 til 1931, fjár-
málaráðherra 1931 til 1932 og
forsætis- og fjármálaráðherra
1932 til 1934.
Ásgeir var forseti Íslands frá
1952 til 1968.
Afhentu
brjóstmynd
af Ásgeiri
Ásgeirssyni
Morgunblaðið/Sverrir
Ásgeir Thoroddsen, barnabarn Ásgeirs Ásgeirssonar, fyrrv. forseta og forseta sameinaðs Alþingis, afhenti
brjóstmyndina. Á myndinni eru einnig Vala Thoroddsen, dóttir Ásgeirs, og Halldór Blöndal, forseti Alþingis.
Fram-
kvæmd um-
ferðarmála
verði mark-
vissari
KOMIÐ verður á fót Umferðar-
stofnun sem annast á stjórnsýslu á
sviði umferðarmála, m.a. skráningu
ökutækja, annast ökupróf, leyfisveit-
ingar og fræðslu verði lagafrumvarp
vegna breytinga á umferðarlögum
samþykkt á Alþingi. Umferðarstofn-
un heyrir undir dómsmálaráðherra
sem skipa skal framkvæmdastjóra
til fimm ára í senn.
Meginefni lagafrumvarpsins er að
koma á heildstæðu skipulagi á
stjórnsýslu umferðarmála með því
að sameina verkefni Skráningarstof-
unnar hf. og Umferðarráðs, svo og
ýmis verkefni dómsmálaráðuneytis-
ins og fela þau Umferðarstofnun,
segir m.a. í greinargerð með frum-
varpinu. Með þessu eigi að tryggja
markvissa framkvæmd umferðarör-
yggismála í samræmi við yfirlýsta
stefnu stjórnvalda. Þá segir að með
því að sameina Skráningarstofuna
hf. og Umferðarráð náist m.a. fram
að þá starfi þeir innan sömu stofn-
unar sem vinna eiga að reglum um
gerð og búnað ökutækja, skráningu
bíla, umferðarfræðslu og umferðar-
öryggi. Með því nýtist sérþekking
starfsmanna betur. Bent er og á í
greinargerðinni að starfshópur um
umferðaröryggisáætlun stjórnvalda
hafi lagt til að stjórnsýsla umferð-
aröryggismála verði gerð skýrari og
sé frumvarpið skref í þá átt.
Ráðgert að sameina
Skráningarstofuna hf.
og Umferðarráð
♦ ♦ ♦
♦ ♦ ♦
Stálu 120
Coca Cola-
flöskum
ÞRÍR piltar á aldrinum 15–16 ára
hafa játað innbrot í Brauðhornið í
Grafarholti í fyrrinótt. Spenntu þeir
upp hurð og höfðu 120 Coca Cola-
flöskur á brott með sér í bifreið sem
einn þeirra ók.
Vaktmaður Securitas gat gefið
lögreglu upplýsingar um bifreiðina
sem leiddu til þess að piltarnir voru
handteknir. Samkvæmt upplýsing-
um frá lögreglunni voru piltarnir
vistaðir fram undir kvöld og teknar
af þeim skýrslur. Þeir hafa m.a. verið
spurðir um aðild að fleiri afbrotum í
Grafarvogi. Málið var unnið í sam-
vinnu við barnaverndaryfirvöld.