Morgunblaðið - 05.11.2002, Blaðsíða 1

Beckham
býst til varnar
Komið upp um áform um
að ræna Victoriu Erlent
ZHU Rongji, forsætisráðherra Kína, og leiðtogar
Samtaka Suðaustur-Asíuríkja (ASEAN) undirrituðu í
gær sögulegan samning um að koma á stærsta frí-
verslunarsvæði heims. Íbúar landanna eru 1,7 millj-
arðar og viðskiptin milli þeirra
nema 1,2 billjónum dollara á ári.
Afnema á nær alla tolla á vörur
og höft á þjónustu og fjárfesting-
ar.
Stefnt er að því að svæðið nái til
Kína og sex ASEAN-ríkja – Brún-
ei, Malasíu, Indónesíu, Filippseyja,
Singapúr og Taílands – árið 2010.
Fátækustu ríkin í samtökunum –
Kambódía, Laos, Burma og Víet-
nam – bætast við árið 2015.
Leiðtogar Kína, Japans og Suður-Kóreu sam-
þykktu í gær að kanna möguleikann á fríverslun milli
ríkjanna þriggja. Á leiðtogafundinum var einnig sam-
þykkt tillaga um að kanna hvort ríkin þrjú ættu að
mynda fríverslunarsvæði með ASEAN-löndunum tíu.
Fríverslun
fyrir 1,7 millj-
arða manna
Kína og tíu önnur Asíuríki
semja um afnám tolla
Zhu Rongji
Phnom Penh. AFP, AP.
SEX meintir félagar í hryðjuverkasamtökunum al-
Qaeda biðu bana þegar sprenging varð í bíl þeirra í
austurhluta Jemens í gær. Bandaríska sjónvarpið
CNN hafði eftir embættismönnum í Washington að
Bandaríkjamenn hefðu gert flugskeytaárás á bílinn.
CNN segir þetta fyrstu árás Bandaríkjamanna á
liðsmenn al-Qaeda utan Afganistans. Einn mannanna
sex er sagður hafa skipulagt sprengjuárás á banda-
ríska herskipið Cole í Jemen árið 2000.
Heimildarmennirnir sögðu að ómönnuð flugvél
leyniþjónustunnar CIA hefði skotið flugskeyti á bílinn.
Meintir al-Qaeda-
liðar vegnir í Jemen
♦ ♦ ♦
PALESTÍNUMAÐUR varð tveimur Ísraelum og sjálf-
um sér að bana í sprengjutilræði í verslanamiðstöð í
ísraelska bænum Kfar Saba í gær.
Um 30 manns særðust, þar af nokkrir alvarlega.
Talsmaður lögreglunnar sagði að öryggisvörður, sem
stöðvaði tilræðismanninn við inngang verslanamið-
stöðvarinnar, hefði látið lífið.
Átta Palestínumenn biðu bana í árásum ísraelskra
hermanna í gær og fyrrakvöld. Einn þeirra, Hamed
Sadr, var á meðal forystumanna Hamas-samtakanna.
Sadr lét lífið þegar sprenging varð í bíl hans í bæn-
um Nablus. Palestínumenn segja að í bílnum hafi verið
sprengja sem ísraelskir hermenn hafi sprengt með
fjarstýringu.
AP
Særð kona flutt á sjúkrahús eftir sprengjutilræði
Palestínumanns í verslanamiðstöð í Ísrael í gær.
Mannskæð
sprengjutilræði
Kfar Saba. AFP.
Ævintýri á
Abbey Road
Emilíana tók upp hringadróttins-
lagið í hljóðveri Bítlanna Fólk
Úr fiskinum
í fótbolta
Magnús Gylfason þjálfar
Eyjamenn í knattspyrnu Íþróttir
STOFNAÐ 1913 259. TBL. 90. ÁRG. ÞRIÐJUDAGUR 5. NÓVEMBER 2002 mbl.is
MARGIR þurftu frá að hverfa á
fjölmennum baráttufundi til
varnar Þjórsárverum, sem hald-
inn var í Austurbæjarbíói í gær-
kvöldi. Forsvarsmenn Áhuga-
hóps um verndun Þjórsárvera
telja að um 900 manns hafi
mætt á staðinn en þar af hafi á
milli 150 og 200 manns ekki
komist að. Hvert sæti var skipað
auk þess sem gestir settust þar
sem rými og hugarflug leyfðu.
Tilfinningahiti var í mörgum
fundargestum, sem luku fund-
inum á því að syngja „Ísland
ögrum skorið“ undir forystu
Árnesingakórsins.
Heiðursgestur fundarins var
Falcon Scott en á fundinum var
sýnt úr kvikmynd föður hans,
Sir Peters Scott, er var tekin í
Þjórsárverum árið 1951. Scott
sagðist ætla að faðir sinn myndi
vera skelfingu lostinn ef hann
vissi af þessum fyrirætlunum.
„Við höfum verið gæslumenn
Þjórsárvera vestan ár og þekkj-
um töfra og gjafir þessa af-
skekkta svæðis og sækjum enn
þangað styrk, frið og ævintýri,“
sagði Sigþrúður Jónsdóttir, ein
af forsvarsmönnum áhugahóps-
ins, sem ættuð er úr Gnúpverja-
hreppi.
„Þjórsárver eru ein af nátt-
úruperlum Íslendinga en þau
eru einnig hluti af menningar-
arfleifð okkar heimamanna.“
Morgunblaðið/Kristinn
Húsfyllir og tilfinningahiti
Upp undir þúsund manns á bar-
áttufundi til varnar Þjórsárverum

Ráðamenn/30
SÆNSKI byggingarrisinn Skanska AS hef-
ur hætt við þátttöku í útboði vegna virkj-
unarframkvæmda á Austurlandi. Til stóð að
Ístak, Skanska, Phil & Søn og norska fyr-
irtækið Veidekke legðu sameiginlega fram
tilboð í stíflugerðina en Ístak, Skanska, Phil
& Søn og Vinci Construction Grands Proj-
ects frá Frakklandi í aðrennslisgöngin en
opna á tilboðin í þessar framkvæmdir 29.
nóvember.
Skanska, sem velti um 1.570 milljörðum ís-
lenskra króna í fyrra, var ábyrgðaraðili
vegna sameiginlegs tilboðs hópanna en tals-
menn Skanska vilja alls ekkert gefa upp um
ástæður þess að fyrirtækið hefur hætt við
þátttöku. Skanska hefur komið að fjölmörg-
um verkefnum hér á landi og þá oft í sam-
vinnu við Ístak, s.s. Hrauneyjarfossvirkjun,
Sultartangavirkjun, Blönduvirkjun, Hval-
fjarðar- og Vestfjarðagöngum.
Íslenskir aðalverktakar bjóða í verkið með
NCC International AS frá Svíþjóð og Hoch-
tief Construction AG frá Þýskalandi. Upp-
haflega voru fimm fyrirtæki/fyrirtækjahópar
valin í forvali Landsvirkjunar en þýskt verk-
takafyrirtæki hefur áður dregið sig til baka.
Talið er að kostnaður vegna virkjunar og
ganga nemi gróflega um 60% af kostnaði
Landsvirkjunar við Kárahnjúkavirkjun sem
er áætlaður 95 milljarðar þannig að útboðið
er hugsanlega upp á 50 til 70 milljarða. Peter
Gimbe, yfirmaður upplýsingasviðs Skanska í
Svíþjóð, staðfesti í samtali við Morgunblaðið
að Skanska yrði ekki með: „Jú, það er rétt að
við höfum ákveðið að taka ekki þátt í tilboðs-
gerð vegna fyrirhugaðra virkjanafram-
kvæmda á Íslandi. Það liggur nú fyrir að
Skanska mun ekki leggja fram tilboð í þær
framkvæmdir,“ segir Gimbe.
Aðspurður hvort umhverfissjónarmið hafi
ráðið úrslitum um þessa ákvörðun, segir
Gimbe að Skanska vilji ekki tjá sig um ástæð-
ur þess að það hættir við. „Við bjóðum í mörg
verk á hverjum tíma en stundum bjóðum við
ekki í verk og við gefum ekki upp ástæður
þess þegar við ákveðum að bjóða ekki eða
hætta við að bjóða.“
Páll Sigurjónsson, framkvæmdastjóri Ís-
taks, vill ekki tjá sig um brotthvarf Skanska,
sem fór fyrir þeim fyrirtækjahópi sem Ístak
var þáttakandi í og segir það reglu að stjórn-
endur Ístaks tjái sig ekki um útboð sem
standi yfir en hann staðfestir þó að Ístak sé
enn að vinna að tilboðinu.
Þorsteinn Hilmarsson hjá Landsvirkjun
segir að þótt Skanska hafi hætt við þátttöku
breyti það ekki afstöðu Landsvirkjunar til
verktakahópsins sem Ístak er í. „Það væri
t.d. ekki andstætt útboðsreglum ef þeir
fengju annan aðila til liðs við sig í stað
Skanska. Jafnvel þótt fram fari forval vita
menn í raun ekki fyrr en á lokaskiladegi
hvort allir þeir sem hugðust gera tilboð gera
það svo þegar upp er staðið,“ segir Þor-
steinn.
Skanska hættir þátt-
töku í Kárahnjúkum
Fór fyrir tilboðshópi
sem Ístak á aðild að
♦ ♦ ♦