Morgunblaðið - 05.11.2002, Blaðsíða 26

LISTIR
26 ÞRIÐJUDAGUR 5. NÓVEMBER 2002 MORGUNBLAÐIÐ
(Bíldudalur)
Vetraráætlun Íslandsflugs
1. nóv. 2002 til 29. mars 2003
Vestmannaeyjar Til Frá
Brottför Koma Brottför Koma
mán-fös 07:30 08:00 08:15 08:45
þri-sun 12:00 12:30 12:45 13:15
daglega 16:45 17:15 17:30 18:00
Bókað hjá umboðsmanni í síma 481 3300 eða á
www.islandsflug.is og/eða hjá Flugfélagi Íslands í síma 570 3030.
Sauðárkrókur Til Frá
Brottför Koma Brottför Koma
mán/mið/fös 09:15 09:55 10:15 10:55
mán-fös/sun 18:30 19:10 19:30 20:10
Rútuferðir til Siglufjarðar í tengslum við flugið.
Bókað hjá Íslandsflugi í síma 453 6888 eða á www.islandsflug.is
og/eða hjá Flugfélagi Íslands í síma 570 3030.
Vesturbyggð Til Frá
Brottför Koma Brottför Koma
þri/fim 09:45 10:25 10:50 11:30
mán/mið/fös 11:30 12:10 12:35 13:15
sun 14:15 14:55 15:20 16:00
Rútuferðir til Patreksfjarðar og Tálknafjarðar í tengslum við flugið.
Bókað hjá Íslandsflugi í síma 456 2152 eða á www.islandsflug.is
og/eða hjá Flugfélagi Íslands í síma 570 3030.
Gjögur Til Frá
Brottför Koma Brottför Koma
mán/fim 14:00 14:50 15:15 16:05
Bókað hjá Íslandsflugi í síma 453 6888 eða www.islandsflug.is
og/eða hjá Flugfélagi Íslands í síma 570 3030.
Hornafjörður Til Frá
Brottför Koma Brottför Koma
Mán/mið-fim 08:15 09:15 09:45 10:45
Fös/sun 13:45 14:45 15:15 16:15
Mán/mið-fim 17:15 18:15 18:45 19:45
Bókað hjá umboðsmanni í síma 478 1250 eða á
www.islandsflug.is og/eða hjá Flugfélagi Íslands í síma 570 3030.
Farþega- og vöruafgreiðsla
í Reykjavík er hjá Flugfélagi Íslands.
RÉGIS Boyer, prófessor em-
erítus við Sorbonne-háskóla í
París, heldur fyrirlestur í Þjóð-
arbókhlöðu kl. 16.30 í dag, í boði
heimspekideildar Háskóla Ís-
lands og Stofnunar Vigdísar
Finnbogadóttur. Í fyrirlestrinum
fjallar hann um byggingarlist
Halldórs Laxness í Sjálfstæðu
fólki, en Boyer hefur nýlokið við
að þýða bókina. Boyer les fyrir á
frönsku; íslensku ágripi af fyr-
irlestrinum verður dreift til
áheyrenda, en umræður veða
þýddar jafnóðum á íslensku.
„Í fyrirlestrinum ætla ég að
tala um uppbyggingu skáldsög-
unnar Sjálfstæðs fólks og hvern-
ig hún lýsir sérkennum Laxness
sem höfundar,“ segir Régis Boy-
er. „Ég ætla að gera tæknilega
og nákvæma stúdíu á því hvernig
Laxness byggir þessa óvenjulegu
sögu.“ Aðspurður um það hvort
þau einkenni í uppbyggingu sem
hann finnur í Sjálfstæðu fólki eigi
við um þær aðrar sögur Laxness
sem hann hefur þýtt segir Boyer
svo vera. Hann ætli þó að ein-
beita sér að greiningunni á Sjálf-
stæðu fólki, en gera einnig sam-
anburð, til dæmis við Heimsljós
og Íslandsklukkuna. En hvert
hefur þessi rannsókn leitt hann?
„Ég kemst að þeirri niðurstöðu
að aðferð Laxness við að byggja
söguna upp sé músíkölsk, ef svo
má segja. Hann byggir hana upp
eins og tónskáld byggir upp sin-
fóníu, eða það sem við Frakkar
köllum symphonie concertante.
Það eru tvö eða þrjú höfuðstef
sem Laxness þróar á þann hátt
sem tónskáld gerir í klassískri
sinfóníu.“
Régis Boyer var sendikennari
á Íslandi á sjöunda áratug síð-
ustu aldar. Að sögn Torfa Tul-
inius, dósents í frönsku við Há-
skóla Íslands, hreifst Boyer strax
af landinu og bókmenntunum og
nam hér við fótskör Einars Ólafs
Sveinssonar og Sigurðar Nordal.
Boyer skrifaði doktorsritgerð
sína um Sturlungu og trúarlíf á
Íslandi á 12. og 13. öld. Árið 1970
hóf hann störf við Sorbonne-
háskóla í París og byggði þar upp
öfluga norrænudeild. Að auki
hefur hann verið afkastamikill
þýðandi, hefur þýtt stóran hluta
fornsagnanna, auk Landnáma-
bókar og flestra Eddukvæða, og
hefur skrifað fjöldann allan af
bókum um íslenskar miðaldabók-
menntir. Þá hefur Régis Boyer
þýtt fjölda skáldverka sam-
tímaskálda: Halldórs Laxness,
Gunnars Gunnarssonar, Sigurðar
Pálssonar, Álfrúnar Gunnlaugs-
dóttur, Steinunnar Sigurð-
ardóttur, Stefáns Harðar Gríms-
sonar, Thors Vilhjálmssonar,
Einars Braga, Péturs Gunn-
arssonar, Svövu Jakobsdóttur og
fleiri. Af bókum Laxness hefur
hann þýtt Íslandsklukkuna,
Kristnihald undir Jökli, Heims-
ljós, Gerplu og nú síðast Sjálf-
stætt fólk, sem verður til umfjöll-
unar á fyrirlestri hans í dag, en
sú þýðing kemur út í Frakklandi
á næstunni. Torfi Tulinius segir
að Régis Boyer hafi komið ís-
lenskum skáldskap á kortið hjá
frönskum bókmenntaunnendum
og verið ötull við að koma honum
á framfæri.
Sinfónískt
Sjálfstætt fólk
Morgunblaðið/KristinnRégis Boyer
ÚR fórum lands nefnist sýning
Gunnsteins Gíslasonar á lágmyndum
úr viði og járni sem þessa dagana
stendur yfir í Listhúsi Ófeigs. En
Gunnsteinn, sem nam frjálsa mynd-
list við Myndlista- og handíðaskóla Ís-
lands á sjöunda áratugnum og síðar
veggmyndagerð við Listaháskóla Ed-
inborgar, vinnur aðallega á sviði
veggskreytinga í múrristu og járn.
Í verkum þeim sem Gunnsteinn
sýnir nú í Listhúsi Ófeigs er það járn-
ið sem orðið hefur fyrir valinu sem
efniviður listamannsins, er beygir það
og sveigir að vild. En auk þess má
einnig sjá slípaða og unna viðarfláka í
nokkrum verkanna.
Gunnsteinn stillir stærð flestra
verka sinna í hóf á sýningunni og
hentar það vel rýminu, þar sem litlar,
einfaldar lágmyndir listamannsins ná
að njóta sín öðrum verkum fremur.
Það eru líka þessi smæstu verk, sem
og veggmyndirnar Uppblástur I, II
og Fjallið eina, sem búa yfir hvað
mestum styrk, en í þessum verkum
lætur listamaðurinn járnið eitt um
fígúratíva mótun landslagsins og það
er einmitt sá einfaldleiki sem styrkur
verkanna byggist á. Stærri verkin
myndu vissulega að ósekju njóta sín
betur í stærra rými, en Uppblástur I
nær engu að síður að kalla fram víð-
áttumikinn sjóndeildarhring þar sem
strá og strá á stangli á sér litla von
gegn miskunnarleysi vindsins, líkt og
einfaldar og stílíseraðar línur kalla
fram blómum vaxna hlíð í Blóma-
brekku.
Þótt þessi einfalda formmyndun sé
almennt ríkjandi í verkum Gunn-
steins skilar hún sér ekki jafn vel í
þeim verkum þar sem viðurinn er not-
aður jafnhliða járninu. Slípaðir, unnir
viðarflekarnir í verkum á borð við
Bungu og Dranga ná þar einfaldlega
ekki að skila myndtúlkun sinni jafn
vel og mjúkt og flæðandi járnið þótt
tilraunin sé óneitanlega skemmtileg.
Morgunblaðið/Jim Smart
Uppblástur I eftir Gunnstein Gíslason í Listhúsi Ófeigs.
Landið í lágmynd
MYNDLIST
Listhús Ófeigs
Sýningin er opin á afgreiðslutíma versl-
unarinnar, frá kl. 10–18 mánudaga til
föstudaga og frá kl. 10–16 laugardaga.
Henni lýkur 6. nóvember.
GUNNSTEINN GÍSLASON –
ÚR FÓRUM LANDS
Anna Sigríður Einarsdóttir
Handritin er rit-
gerðasafn gefið út
í tilefni af sam-
nefndri sýningu
sem nýlega var
opnuð í Þjóð-
menningarhúsinu.
Ritstjórar eru Gísli
Sigurðsson og Vé-
steinn Ólason.
Þar eru prentaðar sextán ritgerðir eftir
fjórtán höfunda um þau efni sem
fjallað er um á sýningunni. Ritgerð-
irnar eru þó sjálfstæðar og hægt að
njóta þeirra án tillits til þess hvort
menn hafa séð sýninguna.
Bókin er alþýðlega samin og grein-
arnar fjalla á aðgengilegan hátt um rit-
menningu Íslendinga og sögu ís-
lenskra handrita.
Bókin er prýdd fjölda litmynda,
flestar eru úr handritum en allar varpa
ljósi á þá sögu sem sögð er í bókinni.
Útgefendur eru höfundar greina og
Stofnun Árna Magnússonar á Íslandi.
Dreifingu annast Háskólaútgáfan.
Bókin er 200 bls., prentuð í Odda.
Verð: 3.500 kr.
Fornrit
Á lífsins leið V er
gefin út til styrktar
Barnaspítala
Hringsins og for-
varnastarfi IOGT
meðal barna.
Fjöldi kunnra Ís-
lendinga segir frá
minnisstæðum at-
vikum og fólki
sem ekki gleymist. Meðal sagna eru
Björgun úr sjávarháska, Furðulegir
draumar, Gamli maðurinn á kvist-
inum, Landlaus á brúnni, Senjóra Val-
ero, skáksnillingur og góður drengur.
Útgefandi er Stoð og styrkur. Bókin
er 208 bls., prentuð í Odda. Dreifing:
Æskan ehf. Verð: 4.180 kr.
Frásagnir
Íslensk fjallasala
& fleiri sögur
nefnist fyrsta bók
Arnar Bárðar
Jónssonar og
kemur út í kjölfar
smásögunnar Ís-
lensk fjallasala hf.
Bókin inniheldur
smásögur sem
mynda þó eina heild og eru því ígildi
skáldsögu.
Sögurnar eru dæmisögur sem ger-
ast í heimi sem er líkur okkar um
margt en þar hefur þó ýmislegt farið á
annan veg. Hér er fjallað um sölu Esj-
unnar til útlanda, fyrirtækið Tárabót
sem uppgötvar áður óþekkta auðlind í
tárum Íslendinga og æviferil hins
klónaða klækjarefs Adólfs Hilm-
arssonar.
Rithöfundurinn Einar Kárason segir
m.a. um söguna Íslensk fjallasala:
„Ég vil óska þessum höfundi til ham-
ingju með það að hafa slegið okkur
öllum hinum við sem erum að þræla
við þetta daga og nætur með þessum
stórkostlegu viðbrögðum … það ger-
ist ekki oft að bæði veraldleg og and-
leg máttarvöld landsins þurfi að láta
hendur skipta þegar ein smásaga er
birt.“
Örn Bárður er pestur við Neskirkju.
Útgefandi er Bókaútgáfan Ormur.
Bókin er 113 bls., prentuð í Odda.
Smásagnasafn
Sagan af furðu-
fugli er eftir Sjón
með myndskreyt-
ingum Daða Guð-
björnssonar.
Í kynningu segir
m.a.:
„Hvað er það
sem gerir furðu-
fuglinn svona
furðulegan? Er það goggurinn, fæt-
urnir eða stélið? Hausinn eða
kannski augun? Nú er um að gera að
fylgjast vel með, því fyrr en varir ger-
ast undur og stórmerki.“
Útgefandi er Mál og menning. Bók-
in er 24 bls., prentuð í Danmörku.
Verð: 1.990 kr.
Börn