Morgunblaðið - 08.03.2003, Qupperneq 25

LANDIÐ
MORGUNBLAÐIÐ LAUGARDAGUR 8. MARS 2003 25
SJÁVARÚTVEGSRÁÐHERRA,
Árni M. Mathiesen, hélt fund í
Stykkishólmi síðasta miðvikudags-
kvöld til að ræða þá stöðu sem hugs-
anlega blasir við ef skelveiðar verða
bannaðar í Breiðafirði.
Vífill Karlsson, viðskiptafræðing-
ur hjá Atvinnuráðgjöf Vesturlands,
kynnti fyrst skýrslu sem hann hefur
tekið saman fyrir bæjarstjórn
Stykkishólms um efnahagsleg áhrif
á samfélagið ef til stöðvunar kemur
á veiðum og vinnslu á hörpudiski.
Í skýrslunni kemur fram að út-
flutningsverðmæti hörpudisksins í
Stykkishólmi er 755 m. kr á ári.
Hann telur að efnahagslegt tap
Stykkishólms af hruni hörpudisks-
veiða og vinnslu í Stykkishólmi
verði á bilinu 614–660 m. kr. ár
hvert. Það mun vera um 550 þúsund
krónur á hvern íbúa sveitarfélagins.
Þess má geta að framtaldar launa-
tekjur í Stykkishólmi árið 2000 voru
um 1.500 kr. á hvern íbúa. Því getur
hér verið um að ræða 25–30% skerð-
ingu tekna í sveitarfélaginu.
Leita þarf orsakanna
Árni M. Mathiesen hefði getað
hugsað sér ánægjulegra tilefni til
funda með Hólmurum. Hann hafði
greinilega kynnt sér aðstæður vel
og eins horfur. Hann ræddi þær
rannsóknir sem Hafrannsóknastof-
un hefur staðið fyrir og mun fara af
stað með. Hann taldi ástæður þess
að skelin er að drepast ekki liggja
fyrir og lagði áherslu á nauðsyn
þess að leita orsakanna.
Árni sagðist gera sér grein fyrir
hvað alvarleg áhrif það hefði fyrir
bæjarfélagið ef skelveiðum yrði
hætt. Bætur kæmu í þorskígildum
fyrir skerðingu á skelkvótanum, það
liggur ljóst fyrir, en hvernig og
hvort hægt væri að bæta tap
vinnslnanna er annað mál. Hann lof-
aði að leggja sitt af mörkum til að
aðstoða bæjarbúa á meðan verið er
að byggja upp hörpudisksstofninn
að nýju. Hann benti á verkefnið
„Aukið verðmæti sjávarfangs“ sem
nýlega var sett á stofn og hefur
verkefninu verið tryggður tekju-
stofn.
Hann fór yfir stöðu sjávarútvegs-
ins og þann ramma sem hann býr
við. Ástand fiskistofna hefur sveifl-
ast til og frá, en um þessar mundir
er ástandið frekar jákvætt. Árni
sagði að botninum í þorskveiðum
væri náð og nú væri leiðin upp á við,
það hefði hann lesið út úr gögnum
Hafrannsóknastofnunar síðasta
sumar.
Líflegar umræður og fyrirspurnir
spunnust að loknum framsöguerind-
um og voru fundarmenn ánægðir
með svör ráðherra.
Mikið tekjutap verði
skelveiðar bannaðar
Stykkishólmur
Morgunblaðið/Gunnlaugur Árnason
Árni M. Mathiesen og Vífill Karlsson höfðu framsögu á fundinum.
Sjávarútvegs-
ráðherra fundar
með Hólmurum
SKÁKÁHUGI hefur aukist mjög
síðustu misseri hér á landi og skák
er meira í umræðunni en verið hef-
ur um árabil. Á Hornafirði gætir
þessa einnig, ekki síst eftir að
Harpa Ingólfsdóttir Norðurlands-
meistari í skák gerðist kennari við
Heppuskóla og hóf að kynna skák-
listina fyrir nemendum sínum.
Skákin á þó dýpri rætur á Höfn því
þróttmikið taflfélag starfaði á
staðnum um árabil með Sigurð Örn
Hannesson framarlega í flokki.
Í vikunni hafa ungir skákmenn
setið að tafli í Nýheimum og notið
leiðsagnar Sigurðar. Þetta eru sex
til átta ára nemendur í Nesjaskóla
sem fengu að kynnast leyndar-
dómum skáklistarinnar í opinni
viku í skólanum. Hefðbundið skóla-
starf var brotið upp og árgöngum
blandað saman. Nemendurnir feng-
ust við ýmis verkefni eins og vefn-
að, bakstur, dans og fleira. Í Nesja-
skóla eru 110 börn í sjö bekkjar-
deildum frá 1. til 3. bekkjar. Skól-
inn er 8 kílómetra frá Höfn og er
nemendunum ekið til og frá skóla.
Lærðu að
tefla í
Nýheimum
Hornafjörður
Sunna Valsdóttir og Kristín Eva
Eyjólfsdóttir, nemendur í Nesja-
skóla, að tafli í Nýheimum. Í baksýn
eru Sævar Gíslason og Guðmundur
Kristján Sigurðsson.
Morgunblaðið/Sigurður Mar