Morgunblaðið - 08.03.2003, Side 35

LISTIR
MORGUNBLAÐIÐ LAUGARDAGUR 8. MARS 2003 35
DAVÍÐ Oddsson forsætisráðherra opnar í dag kl.
15 myndlistarsýningu í Galleríi Fold við Rauð-
arárstíg. Sýningin ber yfirskriftina Að mínu skapi,
og það er einmitt forsætisráð-
herrann sem hefur séð um val
á verkum á sýninguna. Þar
verða verk eftir Braga Ás-
geirsson, Daða Guðbjörnsson,
Erró, Jónas Braga Jónasson,
Karólínu Lárusdóttur, Kjartan
Guðjónsson, Kristínu Gunn-
laugsdóttur, Pétur Gaut Svav-
arsson, Sigrúnu Eldjárn og
Steinunni Marteinsdóttur.
„Þetta eru bæði yngri og eldri málarar, karlar og
konur á öllum aldri, allt núlifandi málarar sem hafa
verið frískir, áhugaverðir og ólíkir í senn, og mér
fannst það góð blanda,“ segir Davíð Oddsson um
val sitt. Davíð er þekktur að ritstörfum sínum og
bókmenntaáhuga en hvað um myndlistina? „Ég hef
áhuga á myndlist en sem teiknari er ég mjög ná-
lægt núllinu á skalanum núll til tíu. Mér er mjög
minnisstæð saga sem ég áttaði mig ekki á hvað
væri í raun djúp og merkileg fyrr en löngu, löngu
seinna. Ég var í Gagnfræðaskóla Vesturbæjar á
teikninámskeiði. Jóhann Briem, sá mikli málari var
að kenna okkur að teikna. Ég var þarna að teikna
eitthvað og hann stóð fyrir ofan mig, dálítið feitur
og mikill og horfði á mín verk og sagði svo – frekar
við sjálfan sig en mig: Að hugsa sér að maður eins
og ég skuli kenna manni eins og yður. Mörgum ár-
um seinna áttaði ég mig á því hvað það var djúp
sorg í þessu; að þessi mikli listamaður skyldi þurfa
að vinna fyrir brauði sínu með því að kenna manni
eins og mér, hæfileikalausum á þessu sviði. Þetta
situr lengi í mér, en ég hef engu að síður verið aðdá-
andi Jóhanns Briem lengi. Svona var þetta, og segir
í raun heilmikið því Jóhann var varfærinn maður og
hefði ekki sagt þetta nema af því að honum þótti
það hryllilegt.“ Davíð kveðst sækja myndlistarsýn-
ingar þótt það takist ekki eins oft og skyldi vegna
anna á öðrum sviðum. „Ég sat í stjórn Kjarvals-
staða á sínum tíma og fékk þá smjörþefinn af
þessu,“ segir Davíð Oddsson.
Davíð Oddsson forsætisráðherra velur verk á sýningu í Galleríi Fold
Að hugsa sér að maður eins og ég
skuli kenna manni eins og yður
Davíð Oddsson
Morgunblaðið/Halldór Kolbeins
Í gær var lögð síðasta hönd á undirbúning sýningarinnar Að mínu skapi.
FIMM nemendur Tónlistarskólans
í Reykjavík ljúka burtfarar- og
einleikaraprófum frá skólanum í
vor, með tónleikum í Salnum.
Tónleikaröð nemendanna hefst í
dag með tvennum tónleikum. Em-
ilía Rós Sigfúsdóttir leikur kl. 14
og Sturlaugur Jón Björnsson kl.
17.
Emilía segir undirbúning tón-
leikanna hafa gengið mjög vel, en
meðleikari hennar verður Guð-
ríður St. Sigurðardóttir píanóleik-
ari. „Nú er líka orðið stutt til
stefnu, þannig að það væri slæmt
ef allt væri ekki orðið tilbúið.
Annars finnst mér ég aldrei nógu
tilbúin – það er alltaf hægt að
gera betur. Maður verður bara að
átta sig á því að þetta er ekki út-
skrift fyrir lífstíð, – ekki gott
heldur að vera of strangur við
sjálfan sig. Ég á vonandi eftir að
læra meira og gera meira í líf-
inu.“ Emilía leikur partítu eftir
Bach, sem upphaflega var samin
fyrir lútu, aríuna Meine Seele
hört im Sehen eftir Händel, og
þar syngur Sigríður Ósk Krist-
jánsdóttir með þeim Guðríði og
Morceau de concours eftir Gabr-
iel Fauré. „Það er verk sem hefur
fylgt mér í gegnum tíðina og eitt
af mínum uppáhaldsverkum. Það
er lítið og sætt, en erfitt að spila
það fallega.“ Hún leikur einnig
Sónatínu eftir Henri Dutilleux og
Orange Dawn eftir enska tón-
skáldið Ian Clark. „Clark samdi
þetta á þeim tíma þegar hann var
mesta að semja tónlist við nátt-
úrulífsmyndir frá Afríku. Ég
heyrði verkið fyrst í sumar, þegar
ég var á námskeiði úti í Englandi,
og flautuleikarinn sem lék það
verður kennarinn minn næsta vet-
ur. Þetta er alveg yndislegt verk,
svolítið glansnúmer sem mér
finnst gaman að fá að spila.“ Þá
leikur Emilía annað verk með
söngkonu, Töfraflautuna úr Sheh-
erazade eftir Ravel, og loks Són-
ötu eftir Othar Taktakishvili. „Ég
mátti sjálf koma með hugmyndir
að verkum fyrir þessa próf-
tónleika og valdi enska verkið,
sónötuna eftir Taktakishvili og
verkið eftir Dutilleaux. Kenn-
arinn minn Bernharður Wilkinson
stakk svo upp á Bach og ég varð
ástfangin af því verki um leið og
ég fór að spila það, og hann stakk
líka upp á því að tæki eitthvað
með söngkonu, og ég hef alls ekki
séð eftir því. Ég hef lítið verið í
kammermúsík og ekkert spilað
með söngvurum, en þetta hefur
verið frábær reynsla og ég er
ánægð með prógrammið.“
Ætti að vera næsta skref
Emilía fór í inntökupróf í Trin-
ity-tónlistarskólann í London fyr-
ir jól, og komst inn, þannig að
stefnan verður tekin í áframhald-
andi nám. „Mig langaði að komast
til þessa kennara sem ég sagði
þér frá, ég sótti ekki um að kom-
ast neitt annað, – ég vissi alveg
að þetta ætti að verða næsta
skref hjá mér. Hann samþykkti að
verða kennarinn minn, þannig að
þetta gekk upp.“
Tónleikar Sturlaugs Jóns
Björnssonar hefjast kl. 17 og
meðleikari hans verður Hrefna
Eggertsdóttir.
„Ég ætla að spila norskt ein-
leiksverk, Horn-Lokk eftir Sigurd
Berge og Kvintett
fyrir horn og strengi
eftir Mozart með að-
stoð nemenda úr
strengjadeild skólans.
Þá flyt ég verk fyrir
horn og píanó eftir
franska tónskáldið
Eugene Bozza – það
er svona glansnúmer,
og loks Sónötu eftir
Hindemith.“ Stur-
laugur segist hafa
verið búinn að vinna
í öllum verkunum áð-
ur, þegar kom að því
að velja verk á tón-
leikana. „Þegar að
því kom var bara að
púsla saman dagskrá sem yrði
skemmtileg, bæði fyrir áheyr-
endur að hlusta á og mig að
spila.“ Sturlaugur stefnir á nám í
Boston næsta vetur, og bíður
svara frá nokkrum skólum. „Ég
fór út fyrir jól, hitti kennara og
námsráðgjafa og þetta lítur allt
vel út, – svörin koma bara ekki
fyrr en í apríl. Ég er að leita svo-
lítið eftir hornleiksstílnum í Bost-
on, – mér líkar hann mjög vel.
Þetta hentar mér líka vegna þess
að ég á stóra fjölskyldu þar, –
móðir mín er amerísk.“
Suðupottur fyrir aðra tónlist
Sturlaugur segir að í dag sé
ekki eins mikill munur á spilaað-
ferðum og spilatóni eftir heims-
svæðum og var hér áður fyrr.
„Boston-svæðið sker sig þó svolít-
ið úr. Það er eins konar millistig
á milli þess sem tíðkast í Evrópu
annars vegar og í New York hins
vegar, en það eru stærstu and-
stæðurnar.“ En Boston er líka
suðupottur fyrir alls konar aðra
tónlist og bræðing af öllu tagi.
„Ég hef sjálfur spilað mikið djass
í gegnum tíðina, og spilaði þá á
saxófón með Stórsveit Reykjavík-
ur og fleirum. Ég hætti því fyrir
ári til að geta einbeitt mér að
horninu. Ég stefni nú samt eins
og er á klassísku miðin.“
Stefna á London og
Boston í framhaldsnám
Emilía Rós Sigfús-
dóttir, flautuleikari.
Sturlaugur Þór
Björnsson, hornleikari.
Lokaprófstón-
leikar í Salnum
Hann er í hópi listamanna eins og
Sherry Levine, Richard Prince og
Jeff Kuns sem vinna með eignar-
námslist (appropriation art). Bidlo
er heimsþekktur fyrir eftirlíking-
ar sínar af tímamótaverkum 20.
aldar listasögu og ekki síður fyrir
orðræðuna sem listaverk hans
skapa um stöðu listamannsins og
myndlistarinnar í nútímanum.
MIKE Bidlo heldur fyrirlestur í
Listasafni Íslands í dag, laugar-
dag, kl. 11–13, í tilefni sýningar
sinnar „Ekki Picasso, ekki Poll-
ock, ekki Warhol“ sem stendur yf-
ir í Listasafni Íslands.
Mike Bidlo er Bandaríkjamað-
ur og kom fram á sjónarsviðið í
myndlistarheiminum í New York
snemma á áttunda áratugnum.
Fyrirlestur í
tilefni sýningar
NÚ stendur yfir í Hafnarborg sam-
sýning þeirra Kristins Pálmasonar,
Gulleiks Lövskar og Baldurs J. Bald-
urssonar og eru verk þeirra í tveimur
sölum, Sverrissal og Apóteki.
Verk Baldurs samanstendur af
tveimur hljóðinnsetningum sem skír-
skota m.a. í heilabylgjur, beint og
óbeint, þar sem notaðar eru Delta-
bylgjur. Kristinn sýnir ný málverk
hönnuð með rými salanna í huga.
Málverk Kristins enduróma m.a.
kontrasta í skölum. Annars vegar
kosmískar víddir í eiginlegu mynd-
máli eða áferð verkanna og hins vegar
raunstærðum þeirra og nálægð.
Gulleik tekst á við að sameina nýjar
tilraunir í húsgagnasmíði við gamla
hefð. Hann sýnir þrjá stóla í nýrri
línu: barstól, borðstofustól og hæg-
indastól.
Hafnarborg er opin alla daga nema
þriðjudaga frá kl. 11–18 og lýkur sýn-
ingunni á mánudag.
Olíumálverk eftir Kristin Pálmason í Sverrissal.
Samsýning í
tveimur sölum
Hafnarborgar
ÁSMUNDUR Ásmundsson mynd-
listarmaður opnar sýningu á
steypuverki í Galleríi Hlemmi,
Þverholti 5. Verkið er unnið í
steinsteypu og önnur efni sem not-
uð eru við nýbyggingar og/eða við-
hald gamalla húsa. Hluti verksins
er myndbandsupptaka af uppsetn-
ingu verksins en það er samvinnu-
verkefni Ásmundar, kvikmynda-
gerðarmannsins Bradley Grey og
tónlistarmannsins Péturs Eyvinds-
sonar.
Ásmundur hefur haldið á annan
tug einkasýninga og tekið þátt í
fjölda samsýninga. Pétur er raf-
rænn tónlistarmaður sem hefur
komið fram um árabil ásamt
hljómsveit sinni, Vindva Mei.
Hann hefur undanfarið einnig
komið fram einn síns liðs undir
nafninu DJ Musician og hefur lag
hans „Jolly Good Techno“ verið
spilað á undan fótboltaleikjum
þýska knattspyrnuliðsins Herthu
Berlin á heimavelli þeirra Olympia
Stadion.
Sýningin stendur til mánaða-
móta og er opin fimmtudaga til
sunnudaga kl. 14–18.
Samþætt
verk úr
steinsteypu
og raf-
tónlist