Morgunblaðið - 03.07.2003, Page 19

SUÐURNES
MORGUNBLAÐIÐ FIMMTUDAGUR 3. JÚLÍ 2003 19
ÚTSALAN
hefst í dag kl. 9.00
v/Laugalæk • sími 553 3755
Húsnæðissamvinnufélagið Búmenn
afhenti tíu nýjar íbúðir við hátíðlega
athöfn í Vogum á Vatnsleysuströnd
sl. þriðjudag. Um er að ræða fimm
parhús með ýmist sólstofu eða bíl-
skúr. Eru íbúðirnar af tveimur
stærðum, 77 og 93 fermetrar. Húsin
eru við Hvammsgötu 2 til 20 í Vog-
um.
Guðrún Jónsdóttir arkitekt, for-
maður Búmanna, færði kaupendum
lyklana að nýju íbúðunum. Búmenn
eru samtök sem gagnast fólki sem
komið er yfir fimmtugt og vill búa í
náðugu umhverfi innan um fólk á
svipuðum aldri og njóta þeirrar hag-
ræðingar sem felst í því að mynda
samfélag fólks á svipuðum stað í líf-
inu.
Ásgeir Hjálmarsson, formaður
Suðurnesjadeildar Búmanna, segir
kaupendur íbúðanna bæði heimafólk
og aðflutta. Fólkið kaupi búseturétt í
íbúðunum, um tíu til þrjátíu prósent
af verðinu og borgi síðan visst gjald á
mánuði. „Þetta er stórsniðugt fyrir
fólk sem er komið á þennan aldur og
á kannski stórar íbúðir og vill
minnka við sig. Þannig getur fólk
losað um eignirnar og komið sér inn í
minna og þægilegra húsnæði eftir að
ungarnir eru flognir úr hreiðrinu.
Þetta er mjög ánægjuleg þróun sem
hefur verið að eiga sér stað hér á
Suðurnesjum, bæði í Garði, Sand-
gerði, Vogum og Grindavík og eldra
fólk er að koma sér vel fyrir á nes-
inu.“
Ljósmynd/Hilmar Bragi
Frá afhendingu lykla að Búmannaíbúðum í Vogum.
Tíu Búmanna-
íbúðir afhentar
Vogar
TENGLAR
.....................................................
www.bumenn.is
NÝJA götumyndin á Hafnargöt-
unni í Keflavík hefur verið mörgum
verslunareigendum hvatning til að
taka þátt í fegrun umhverfisins. Jó-
hanna Jóhannesdóttir, eigandi veit-
ingastaðarins Zetunnar, hefur ekki
látið sitt eftir liggja í þeim málum
og fjárfesti hún í sólskyggni fram-
an á veitingastaðinn. „Það lífgar
svo upp á stemninguna að hafa
loksins svona götukaffihúsastemn-
ingu hérna í Keflavík,“ segir Jó-
hanna, sem telur mjög mikilvægt að
reyna að byggja upp jákvæða mið-
bæjarstemningu við Hafnargötuna.
Bjartsýni og litadýrð
„Þegar Hafnargatan breyttist
þótti okkur ekki nema við hæfi að
fá okkur svona markasíu (sól-
skyggni) framan á húsið til að
skapa útistemningu. Svo settum við
líka tvö borð þarna út til að fólk
gæti setið fyrir utan og fengið sér
kaffi. Þetta er allt nýkomið upp og
fólk er strax farið að koma og setj-
ast þarna úti við og njóta þess að
vera úti í góða veðrinu þegar haf-
golan kemur á kvöldin. Við erum
mjög vel sett hér, vegna þess að
vindurinn nær ekki svona innarlega
í götuna þegar hann blæs, svo þeg-
ar sólin skín sem bjartast breytist
þetta í algeran pott.“
„Ég hef alltaf verið bjartsýn og
þó það sé stundum rok og rigning á
Reykjanesinu, þá koma svo sann-
arlega fallegir og sólríkir dagar
líka og þá daga verðum við að
halda upp á.“
Jóhanna segir líka frábært að sjá
hvernig aðrir verslunareigendur
eru farnir að taka í breytingarnar.
„Það er allt annað að sjá til fólks.
Menn eru farnir að setja út plöntur
og fataslár, það er allt orðið svo
miklu litríkara.“
Morgunblaðið/Svavar
Götustemningin við Hafnargötuna í Keflavík blómstrar svo sannarlega
þessa dagana í höndum verslana- og veitingahúsaeigenda.
Fyrsta sólskyggnið
í Reykjanesbæ
Keflavík
NÝ MYND mánaðarins hefur
verið sett upp í Kjarna, Hafn-
argötu 57, í Reykjanesbæ. Hér
er um að ræða kynningu á fé-
lögum í Félagi myndlistar-
manna í Reykjanesbæ á vegum
Listasafns Reykjanesbæjar.
Listamaður júlímánaðar er
Sigurveig Þorleifsdóttir.
Sigurveig fæddist 14. feb.
1933 í Naustahvammi við Nes-
kaupstað. Hún flutti á Suðurnesin
árið 1954 og hefur búið í Reykja-
nesbæ frá 1971. Sigurveig hefur
stundað list sína frá æsku og sótt
myndlistarnámskeið sem haldin hafa
verið í Reykjanesbæ. Aðaláhersla
Sigurveigar er á olíumálverk og mál-
ar hún landslagsmálverk og myndir
af fallegum blómum. Sigurveig
hefur notað myndlistina sér til
heilsubótar og yndisauka á síð-
ari árum ævi sinnar. Hennar
helsti leiðbeinandi var Margrét
Jónsdóttir.
Sigurveig tók þátt í nem-
endasýningu Baðstofunnar, fé-
lagi áhugamanna um myndlist,
árið 1990. Hún hefur einnig
haldið þrjár einkasýningar. Sú
fyrsta, sem var nokkurs konar
yfirlitssýning á verkum henn-
ar, var haldin í Svarta pakkhúsinu í
Reykjanesbæ árið 2001. Sumarið
2002 hélt hún sýningar á verkum sín-
um í Grímsnesinu og á Neskaupstað.
Mynd júlímánaðar í Kjarna
Reykjanesbær
Sigurveig Þorleifsdóttir, myndlistarmaður
mánaðarins í Reykjanesbæ.