Morgunblaðið - 18.12.2004, Síða 26

B
augur Group og aðrir fjárfestar af-
hentu forsvarsmönnum Big Food
Group yfirtökutilboð í allt hlutafé fé-
lagsins, fyrir 95 pens á hvern hlut, eða
fyrir 326 milljónir punda, um 40 millj-
arða íslenskra króna, í gærkvöld, þeg-
ar samningar við lánastofnanir voru í
höfn. Þar með verða Baugur og með-
fjárfestar félagsins eigendur að einni
stærstu matvörukeðju Bretlands, sem
jafnframt er eitt af fimm stærstu einkafyrirtækjum Bretlands-
eyja. Tilkynning þessa efnis var send inn til Kauphöllina í Lond-
on í nótt.
Baugur í úrvalsdeildina
„Þetta eru merkileg tímamót í sögu fyrirtækis okkar og færa
Baug Group kannski upp í úrvalsdeildina í Bretlandi, svo ég
grípi nú til fótboltasamlíkingar hjá þessari miklu knattspyrnu-
þjóð, Bretum,“ segir Jón Ásgeir.
Baugur mun í upphafi eiga 43% í félaginu, Tom Hunter, Burð-
arás, Pálmi Haraldsson, Kevin Stanford, Bank of Scotland og
KB banki eiga samtals 57%, misstóran hlut hver, en bankarnir
þó minnstan hlut.
„Big Food Group er afar stórt og öflugt fyrirtæki, eins og
margoft hefur komið fram. Félagið veltir um 5,2 milljörðum
breskra punda á ári, eða tæplega 640 milljörðum króna. (Fjárlög
íslenska ríkisins 2004 hljóða upp á liðlega 300 milljarða króna.
Innskot blm.)
Þessir samningar hafa tekið á, tekið langan tíma og reynt á
þolrifin. Það er auðvitað fyrst og fremst vegna þess að samn-
ingar af þessari stærðargráðu eru afar flóknir, margt sem þarf
að skoða og skoða svo aftur og enn betur. Þegar við erum að
ræða um fyrirtæki sem veltir 5,2 milljörðum punda á ári, er aug-
ljóst, að ekki má mikið út af bera í útreikningum og áætlanagerð,
til þess að um afar stórar fjárhæðir verði að ræða, ef einhverju
skeikar, enda er heildarfjármögnun verkefnisins 920 milljónir
punda, eða rúmir 112 milljarðar króna.“
Litlu má skeika
Jón Ásgeir segir að Baugur og aðrir fjárfestar hafi farið í mjög
nákvæma áreiðanleikakönnun á innviðum Big Food Group, og
þegar sú könnun hafi leitt í ljós, að Big Food Group var eft-
irsóknarvert fyrirtæki fyrir þá að eignast, hafi samningar um
fjármögnun hafist fyrir alvöru.
– Jón Ásgeir er spurður hvað taki nú við, eftir að yfirtöku-
tilboðið er komið í hendur Big Food Group.
„Nú tekur við 60 daga biðtími og að öllu óbreyttu tökum við við
rekstri Big Food Group um miðjan febrúar á næsta ári.
Hjá Big Food Group starfa um 40 þúsund starfsmenn á um
990 starfsstöðvum. Við stefnum að því að skipta félaginu upp í
sjálfstæðar einingar, eins og það var reyndar til ársins 2000: Ice-
land, þar sem Baugur verður stór hluthafi og Pálmi Haraldsson
verður stjórnarformaður þess félags (Pálmi og Baugur verða
jafnstórir eigendur að Iceland, hvor um sig með liðlega 30%
eignarhlut. Innskot blm.), og Booker, þar sem Hans Kristian
Hustad, stjórnarmaður í Baugi, verður stjórnarformaður. Loks
munum við reka sérstakt fasteignafélag um fasteignir félagsins.
Þá ætlum við að skoða sölu á Woodward-keðjunni og end-
urskipuleggja ákveðnar einingar í rekstrinum, hugsanlega selja
aðrar og þar fram eftir götum, en ekki er tímabært að lýsa þeirri
endurskipulagningu í smáatriðum, nema hvað félögin verða rek-
in sem aðskildar einingar. Við munum fara út í mikinn nið-
urskurð á kostnaði, á ólíkum sviðum, skipta um stjórnendur í
Iceland-keðjunni, en það skýrist frekar á næstunni hvernig að
því verður staðið.“
– Hér er um gríðarlega stórt verkefni að ræða, hafið þið fulla
sannfæringu fyrir því, að þessi fjárfesting ykkar muni verða arð-
bær og að reksturinn muni standa undir henni?
Aldrei komið nóg, spyr hún!
„Við höfum að sjálfsögðu undirbúið þetta verkefni mjög vel,
m.a. með þeirri nákvæmu áreiðanleikakönnun sem ég sagði þér
frá. Það stærsta sem kom út úr þeirri könnun var, eins og áður
hefur komið fram, lífeyrissjóðsskuldbindingar, sem gerðu það að
verkum að við lækkuðum yfirtökutilboð okkar umtalsvert, eða
úr 110 pensum í 95 pens fyrir hlutinn. Þeim lífeyrissjóði hefur
verið lokað og hann mun ekki hafa áhrif inn í rekstur Big Food
Group.
Það hefur í raun verið mjög gott að eiga við stjórnarmenn
þessara sjóða. Við höfum ekki undan neinu að kvarta í þeim efn-
um.“
– Samt sem áður, þegar litið er til stærðar þessa verkefnis, vil ég
spyrja þig þeirrar spurningar, sem ég veit að margir hafa velt fyrir
sér: Heldur þú að þið verðið aldrei komnir þar í fjárfestingum og
útrás, að þið ákveðið sjálfir, að nú sé komið nóg? Að þið segið sem
svo, hér höfum við keypt okkur einar 990 breskar verslanir, undir
hatti Big Food Group og nú þurfum við að hægja á okkur, fara í
það að reka fyrirtækin og ná hámarksarðsemi; í mörgum tilvikum
að snúa erfiðum rekstri í arðbæran rekstur?
„Hvað heldur þú eiginlega að við séum að gera? Við erum auð-
vitað að reka þau fyrirtæki sem við höfum keypt og við erum að
skila hagnaði. Við höfum alls ekki í hyggju að breyta neinu í þeim
efnum. Ég stend ekki sjálfur í daglegum rekstri þessara fyrir-
tækja, heldur ráðum við stjórnendur sem oftast eru jafnframt
stórir hluthafar. Við vitum mæta vel, að við þurfum í mörgum til-
vikum að fara í ákveðinn uppskurð á rekstri, við þurfum að skera
niður og loka vonlausum rekstrareiningum, selja aðrar og einbeita
Baugur stærstur í Big
Morgunblaðið/Kristinn
Forstjórinn Jón Ásgeir Jóhannesson.
Forsvarsmenn Baugs, Burðaráss,
Pálma Haraldssonar, KB banka
og fleiri, hafa unnið dag og nótt
að undanförnu, til þess að yf-
irtökutilboðið, sem gert var í Big
Food Group í Bretlandi í gær-
kvöld, mætti verða að raunveru-
leika. Agnes Bragadóttir ræddi
við Jón Ásgeir Jóhannesson, for-
stjóra Baugs Group, í aðdraganda
þessa áfanga og fræddist um
fyrirtækið og samningsgerðina.
 Samningum um fjármögn-
un á yfirtöku Baugs og með-
fjárfesta á Big Food Group
lauk í Lundúnum í gær.
26 LAUGARDAGUR 18. DESEMBER 2004 MORGUNBLAÐIÐ
VIÐSKIPTI