Morgunblaðið - 11.02.2005, Side 19

MORGUNBLAÐIÐ FÖSTUDAGUR 11. FEBRÚAR 2005 19
ERLENT
Í samvinnu við:
Keppt verður í tveimur flokkum:
-Nýr HENSON galli
-Útfærsla HENSON nafnsins á t-boli
Samkeppnin hefst formlega 11. febrúar og lýkur 11. mars
Öllum er heimil þáttaka og ekki eru hömlur á fjölda hugmynda frá hverjum
þáttakanda fyrir sig. Allar nánari upplýsingar á www.henson.is
Úrslitin verða kunngerð með sýningu 20. mars
HENSON er al-íslenskt framleiðslufyrirtæki sem hannar og framleiðir breiða línu
sportfatnaðar hérlendis og bíður jafnframt allar mögulegar fatamerkingar.
HÖNNUNARSAMKEPPNI
HENSON
Dómnefndina skipa: Linda Árnadóttir umsjónamaður fatahönnunardeildar
Listaháskólans, Svava Johansen framkvstj. NTC, Erpur Eyvindarson fjöllistamaður,
Birgitta Haukdal söngkona og Halldór Einarsson framkv.stj. HENSON
STJÓRNVÖLD í Norður-Kóreu
lýstu yfir því í gær að þau hefðu
hætt þátttöku í viðræðum sex
ríkja um kjarnorkuáætlun sína.
Jafnframt var ítrekuð sú fullyrð-
ing að Norður-Kóreumenn réðu
yfir gereyðingarvopnum.
Í yfirlýsingu stjórnvalda sagði
að þýðingarlaust væri að halda
þessum viðræðum áfram þar sem
Bandaríkjamenn hefðu nú lýst yfir
því að Norður-Kórea væri einn
„útvarða einræðisins“. Var með
þessu vísað til orða Condoleezza
Rice er hún sór embættiseið utan-
ríkisráðherra Bandaríkjanna í jan-
úarmánuði.
Spennan í samskiptum Banda-
ríkjamanna og Norður-Kóreu
braust upp á yfirborðið í október-
mánuði 2002. Þá sökuðu Banda-
ríkjamenn stjórnvöld í Norður-
Kóreu um að starfrækja leynilega
áætlun sem miðaði að því að
auðga úran þvert á samning sem
gerður hafði verið árið 1994.
Stjórnvöld í Pyongyang neituðu
þessu en settu af stað á ný áætlun
um auðgun plútóníums.
Frá því 2003 hafa Bandaríkin,
Kóreuríkin tvö, Kína, Japan og
Rússland haldið þrjár viðræðulot-
ur er miðað hafa að því að fá
Norður-Kóreumenn til að hætta
þróun kjarnorkuvopna og hljóta í
staðinn efnahaglega og pólitíska
umbun. Enginn árangur hefur
náðst í þessum viðræðum, að heit-
ið getur.
Fjórðu lotuna átti að halda í
september sl., en horfið var frá
því þar sem Norður-
Kóreumenn neituðu að
mæta og sögðu ástæðuna
vera „ógnandi“ stefnu
Bandaríkjamanna. Jafnframt
sögðu þeir að sú ákvörðun
yrði ekki endurskoðuð fyrr
en fyrir lægi hverjir fara
myndu með utanríkismál á
seinna kjörtímabili George
W. Bush Bandaríkjaforseta.
Bush Bandaríkjaforseti
hóf annað kjörtímabil sitt í
liðnum mánuði með því að
gagnrýna N-Kóreumenn
ekki beint og vakti það vonir
um að þeir myndu mæta aft-
ur til viðræðnanna. En þeir
sögðust gera sér litlar vonir
um batnandi samskipti á síð-
ara kjörtímabili Bush.
Í tilkynningu Norður-
Kóreumanna í gær var vísað
til þessa og orða Rice sér-
staklega og frá því skýrt að
stjórnvöld neyddust til að slíta
viðræðum um kjarnorkumál um
„ótiltekinn tíma“.
Kjarnorkuvopn til að
verja „frelsið og lýðræðið“
Í yfirlýsingunni var ennfremur
ítrekuð sú staðhæfing að Norður-
Kórea réði yfir kjarnorkuvopnum.
Slíkar yfirlýsingar hafa verið birt-
ar nokkrum sinnum frá því októ-
bermánuði 2003 þegar frá því var
skýrt að Norður-Kórea hefði nú
tiltækan „kjarnorkuherafla sem
ætlað [væri] fælingarhlutverk“.
Háttsettir menn í stjórn Kim
Jong-il, leiðtoga Norður-Kóreu,
hafa og sagt að ríkið eigi þess
konar vopnabúnað en yfirlýsingar
stjórnvalda hafa aldrei verið svo
afdráttarlausar sem í gær. Sagði
þar að N-Kóreumenn hefðu smíð-
að kjarnorkuvopn í fælingar- og
varnarskyni. Stigin yrðu „frekari
skref til að efla kjarnorkuvopna-
búrið“ til þess að N-Kóreu auðn-
aðist „að verja hugmyndafræði
sína og kerfi, frelsi sitt og lýð-
ræði“. Voru þessi orð túlkuð á
þann veg að Norður-Kóreumenn
hygðust efla kjarnorkuvopnabúr
sitt.
Bandarískar leyniþjón-
ustustofnanir meta stöðuna á
þann veg að Norður-Kóreumenn
kunni að hafa smíðað nokkrar
kjarnorkusprengjur. Hald manna
er yfirleitt að þar ræði um fremur
frumstæð vopn. Þá er viðtekin sú
skoðun að þeir hafi trúlega náð að
endurvinna nógu mikið plútóníum
úr eldsneytisstöngum í Yongbyon-
kjarnorkuverinu til að smíða sex
sprengjur til viðbótar. Ýmsir sér-
fræðingar hafa á hinn bóginn
bent á að óyggjandi sönn-
unargögn liggi ekki fyrir í þessu
efni og til eru þeir sem efast um
að Norður-Kórea hafi tiltæk ger-
eyðingarvopn.
Í september í fyrra lýstu Norð-
ur-Kóreumenn yfir því að þeir
myndu aldrei eyðileggja kjarn-
orkuvopn sín á meðan Banda-
ríkjamenn rækju svo „fjand-
samlega stefnu“ gagnvart ríki
þeirra.
Condoleezza Rice, utanrík-
isráðherra Bandaríkjana, sem
stödd var í Lúxemborg í gær
harmaði þá ákvörðun Norður-
Kóreumanna að slíta viðræðum
og kvað hana fallna til þess eins
að auka enn á einangrun þeirra á
alþjóðavettvangi. Sagði hún
Bandaríkjamenn færa um að
bregðast við hugsanlegri kjarn-
orkuógn af hálfu Norður-Kóreu.
Þýsk og rússnesk stjórnvöld
brugðust og við tíðindum þessum
með því að hvetja ráðamenn í
Pyongyang til að endurskoða af-
stöðu sína.
Slíta kjarnorkuviðræðum
Fréttaskýring | Norður-Kóreumenn neita að ræða frekar kjarnorkuáform sín og ítreka fyrri full-
yrðingar um að þeir ráði yfir kjarnavopnum. Þeir segjast hafa smíðað þau í varnarskyni.
Reuters
Fréttaþulur les yfirlýsingu utanríkisráðu-
neytisins í ríkissjónvarpi Norður-Kóreu í
gær. Kjarnorkuáform sín réttlæta ráða-
menn með vísan til „fjandamlegrar
stefnu“ Bandaríkjastjórnar.
PÓSTKORT sem Adolf Hitler
var sent frá Bretlandi hefur
verið borið út þótt 60 ár séu lið-
in frá því að viðtakandinn
kvaddi þennan heim.
Nafn sendanda kom ekki
fram en á póstkortinu stóð á
ensku:
„Führer Adolf Hitler,
Reichstag, German Parlia-
ment, Berlin, Germany“.
Þýska póstþjónustan,
Deutsche Post, meðhöndlaði
póstkortið sem önnur og
stimplaði á það að heimilisfang-
ið væri rangt. Þar kemur fram
að gera beri sendanda grein
fyrir þessu. Stimpillinn upplýs-
ir ennfremur að sú ályktun hafi
verið dregin að bréfritari hafi
ætlað að senda þýska þinginu
bréfið.
Það nefnist nú á þýsku
„Bundestag“ en ekki „Reichs-
tag“ líkt og forðum. Bréfið hafi
því verið sent á eftirfarandi
heimilisfang: Deutsche Bun-
destag, 11011 Berlin. Talsmað-
ur þingsins staðfesti síðan að
póstkortið hefði borist.
Talsmaður Deutsche Post
sagði í viðtali við þýska tímarit-
ið Der Spiegel að fyrirtækið
hefði engan rétt á að taka bréf
eða póstkort úr umferð þótt
viðtakandinn væri sannarlega
allur. Meðferð málsins væri til
marks um metnað og vönduð
vinnubrögð starfsmanna
Deutsche Post.
Pósturinn
borinn út
til Hitlers