Morgunblaðið - 30.04.2005, Qupperneq 60

60 LAUGARDAGUR 30. APRÍL 2005 MORGUNBLAÐIÐ
MENNING
Sverrir Kristinsson lögg. fasteignasali
Laufásvegur - Þingholtin
Vandað og virðulegt 324 fm einbýlishús með bílskúr við Lauf-
ásveg í Þingholtunum. Húsið er teiknað af Gunnlaugi Halldórs-
syni. Húsið, sem er á tveimur hæðum auk kjallara, skiptist
m.a. í þrjár stofur og fjögur herbergi. Auk þess er 2ja herb.
íbúð með sérinngangi í kjallara (einnig innangegnt). Húsið
hefur verið standsett að miklu leyti. Mjög falleg stór lóð til
suðurs. Úr borðstofu er gengið út á mjög rúmgóða verönd til
suðurs. Glæsileg eign á eftirsóttum stað. Verð 75,0 millj.
Nánari upplýsingar veitir Magnea Sverrisdóttir
fasteignasali í síma 861 8511.
„HANN er orðinn engill,“ fullyrðir
móðir Ásbjörns þegar afi hans
deyr. Faðir hans segir hins vegar
að eftir að þeir sem deyja eru sett-
ir ofan í jörðina taki þeir að breyt-
ast í mold og hverfi að lokum (bls.
2–3). Í bók-
inni Og svo
varð afi
draugur er
fjallað á
hjartnæman
en jafnframt
gamansaman
hátt um
hvernig ung-
ur drengur
tekst á við
dauðann og
sorgina. Í
máli og
myndum er því lýst hvernig Ás-
björn bregst við láti afa síns,
hvernig foreldrar hans reyna að
hjálpa honum að sætta sig við frá-
fall hans og hvernig Ásbjörn með
aðstoð afans öðlast loks hugarró.
Ásbjörn á erfitt með að sætta
sig við skýringar foreldra sinna á
afdrifum afa síns. Hann getur
ómögulega séð hann fyrir sér sem
engil í hvítum kjól með vængi og
enn síður sætt sig við að hann
verði að mold. Nótt eina vaknar
Ásbjörn við það að afi hans situr
þungbúinn á kommóðunni hans og
starir út í myrkrið. Ásgrímur
sannfærist um að afi hans sé orð-
inn draugur vegna þess að hann
hafi átt eitthvað ógert í lifanda lífi,
hann hafi gleymt einhverju. Sam-
an hefjast þeir því handa við að
reyna að komast til botns í því
hvað það er sem afi gleymdi. Sú
leit verður þó Ásbirni til jafnmik-
illar sálubótar og afa hans. Máttur
sameiginlegra minninga þeirra
virðist vera lykillinn að því að Ás-
björn og afi hans geti hvor um sig
tekist á við og öðlast skilning á líf-
inu og dauðanum.
Látlausar myndir
Myndskreytingar bókarinnar
eru fallegar á látlausan hátt og
eru þær oft tilfinningaþrungnari
en textinn. Örvilnun Ásbjörns sést
vel á fyrstu mynd bókarinnar þar
sem hann heldur um höfuð sér og
horfir á ljósmynd af afa sínum.
Dregin er upp átakanleg mynd af
afanum. Raunamæddur birtist
hann Ásbirni klæddur virðulegum
brúnum jakkafötum og rauðu
bindi. Augu hans sem gægjast
undan þykkum, skásettum auga-
brúnum endurspegla skilningsleysi
hans og leiða. Líkamsburður hans
ber vott um uppgjöf. „Mér finnst
svolítið leiðinlegt að vera hérna en
samt ekki vera hérna almenni-
lega,“ segir afinn og situr hokinn
við hlið Ásbjörns með hendur í
skauti og horfir niður fyrir sig
(bls. 10). Þeir Ásbjörn eiga samt
góðar stundir saman og segja má
að afinn sé einhvers konar trag-
ískur trúður sem gerir persónu
hans enn áhrifameiri. Þrátt fyrir
raunir sínar bregður hann á leik
og skemmtir Ásbirni með uppá-
tækjum sem aðeins eru fær draug-
um.
Og svo varð afi draugur er fal-
leg og skemmtileg saga, en jafn-
framt átakanleg. Einhverjir kynnu
að vilja hafa vasaklút við höndina
við lesturinn.
Gott að
hafa vasa-
klút við
höndina
BÆKUR
Barnasaga
Eftir Kim Fupz Aakeson. Þýðandi: Ólöf
Eldjárn. Myndskreytingar: Eva Eriksson.
28 bls.Vaka-Helgafell, 2004.
OG SVO VARÐ AFI DRAUGUR
Sif Sigmarsdóttir
Bókaforlagið Bjart-
ur hefur gefið út
skáldsöguna
Stríðsmenn
Salamis eftir
spænska rithöf-
undinn Javier
Cercas í þýðingu
Jóns Halls Stefáns-
sonar. Bókin kem-
ur út í neon-flokki Bjarts en hann er
helgaður þýðingum á nýjum og nýlegum
erlendum bókmenntaverkum sem vak-
ið hafa athygli fyrir fegurð og snilld.
Í Stríðsmönnum Salamis leitar Javier
Cercas svara við því hver óþekkti her-
maðurinn hafi verið og hvers vegna
hann hafi þyrmt lífi manns sem var al-
ræmdasti hugmyndafræðingur falang-
ista og átti eftir að verða ráðherra í
fyrstu ríkisstjórn Francos. Mögnuð og
margverðlaunuð bók um hlutskipti
mannsins á tímum stríðsátaka, lyga og
óvænts hetjuskapar.
Kápuhönnun: Ásta S. Guðbjarts-
dóttir. Prentun: Oddi hf. Verð kr. 1.980.
Skáldsaga
Bókaforlagið Bjart-
ur hefur gefið út
Steinsteypu eftir
Thomas Bernhard
í íslenskri þýðingu
Hjálmars Sveins-
sonar. Bókin kem-
ur út í ritröðinni
Svörtu línunni, en í
hana rata m.a.
bækur sem má út hefðbundnar reglur
og markalínur bókmenntagreina.
Rúdolf, sögumaður þessarar
óvenjulegu bókar, hefur í tíu ár búið
sig undir að semja umfangsmikið
fræðirit um uppáhaldstónskáldið sitt,
Felix Mendelssohn-Bartholdy. Austur-
ríkismaðurinn Thomas Bernhard
(1931–1989) er af mörgum talinn til
merkustu rithöfunda Evrópu á seinni
hluta tuttugustu aldar. Hinn sérstaki
stíll sem hann varð frægur fyrir ein-
kennist af löngum setningum og
greinaskilalausum blaðsíðum þar
sem þrástefin fléttast saman eins og í
tryllingslegu tónverki. Aðdáendur
Bernhards í fjölmörgum löndum
skemmta sér vel en þeim sem ekki er
skemmt telja hann andstyggilegan
mannhatara. Síðustu tvo áratugi hefur
gengið sannkallað Thomas-Bernhard-
æði meðal evrópskra bókmenntaunn-
enda. Nú gæti verið komið að Íslandi.
Kápuhönnun: Ásta S. Guðbjarts-
dóttir. Prentun: Oddi. Verð kr. 1.680.
Skáldverk
Á MIÐNÆTTI frumsýnir Leikfélag
Kópavogs sýninguna Allra kvikinda
líki sem byggð er á teikningum í
breska teiknimyndablaðinu WIZ.
Fyrir ári setti Leikfélag Kópa-
vogs upp einþáttunginn Hina
gullnu boga hugrekkisins sem
gerðist á skyndibitastaðnum Mc-
Donalds. „Til að gera langa sögu
stutta sló þátturinn í gegn með sinn
kolsvarta húmor,“ segir í tilkynn-
ingu frá LK. „Leikgerðin var unnin
upp úr sögu í breska teiknimynda-
blaðinu WIZ en sagan var eftir
sama teiknara og skapaði sögurnar
um hinn unga Jóa í litla þorpinu
Tuðnesi sem nú eru settar á svið.
Hinn óþekkti höfundur sagnanna er
einkar laginn við að skapa lifandi
samtöl og húmorinn er breskur
húmor eins og hann gerist beitt-
astur. Þess vegna er sýningin ekki
ætluð börnum. Hliðstæða fyndni má
finna í sjónvarpsþáttunum Skrif-
stofunni og Stóra-Bretlandi. Leik-
stjórarnir Guðjón Þorsteinn Pálm-
arsson og Hrund Ólafsdóttir ætluðu
sér fyrst að skipta á milli sín þátt-
unum en fundu strax að með öflug-
um leikarahópnum yrði skemmti-
legast að spinna sýninguna sem
heild. Þannig að hópurinn segir
sögurnar af Jóa sem einn maður,
með hjálp lifandi tónlistar sem er
flutt af bræðrunum Bibba og Baldri
með hjálp eins leikarans. Bibbi sem-
ur lögin fjögur en hljóðmyndina
vinnur hann með hópnum.“
Áætlaðar eru fjórar sýningar, í
kvöld á miðnætti en 2. sýning
mánudaginn 2. maí kl. 20, 3. sýning
sunnudaginn 8. maí kl. 20 og 4. sýn-
ing sunnudaginn 15. maí kl. 20.
Unglingar og ævintýri
Framlag Leikfélags Kópavogs til
50 ára afmælishátíðar bæjarins ber
yfirskriftina Unglingar og ævin-
týri. „Undanfarna tvo mánuði hafa
unglingar úr Kópavogi verið á
námskeiði hjá okkur og ætla þau að
sýna afraksturinn á dagskrá sem
þau kalla Unglinga og ævintýri.
Leiðbeinandi þeirra er Hrund
Ólafsdóttir. Tvær sýningar verða
hinn 3. maí, kl. 17 og 19. Leikfélag
Kópavogs stendur árlega fyrir
námskeiði fyrir unglinga.“
Frekari upplýsingar er að finna á
heimasíðu LK, www.kopleik.is.
Leiklist | Leikfélag Kópavogs frumsýnir á miðnætti
Leikarar í Leikfélagi Kópavogs ætla að bregða á leik með frumsýningu á miðnætti.
Leikverk unnið upp úr
bresku teiknimyndablaði
HAFDÍS Vigfúsdóttir flautuleikari
heldur útskriftartónleika sína frá
Listaháskóla Íslands í dag kl. 17 í
Salnum í Kópavogi. Á efnisskránni
eru verk eftir Johann Sebastian
Bach, Olivier Messiaen, Frank
Martin, Claude Debussy, Magnús
Blöndal Jóhannsson og Sergei
Prokofiev.
Meðleikari er Richard Simm
píanóleikari.
Hafdís byrjar á Bach en hin verk-
in sem hún flytur eiga það sameigin-
legt að vera samin á 20. öld. „Það er
skemmtilegt hvað verkin eru ólík.
Fjölbreytnin í verkunum endur-
speglar umbrotatímann sem þau
voru samin á,“ segir Hafdís um
efnisskrána.
Hafdís tók burtfararpróf í þver-
flautuleik frá Tónlistarskóla Kópa-
vogs haustið 2002. Eftir það lá leiðin
í Listaháskóla Íslands til Martials
Nardeau. Hafdís hefur einnig sótt
námskeið og einkatíma hjá Áshildi
Haraldsdóttur, Hallfríði Ólafsdóttur,
Kolbeini Bjarnasyni, Vincent Lucas,
Philippe Bernold, Davide Formis-
ano, Catherine Cantin og Benoit
Fromanger. Vorið 2004 var Hafdís
valin framúrskarandi listnemi Kópa-
vogs af lista- og menningarráði bæj-
arins. Í janúar síðastliðnum kom hún
fram sem einleikari með Sinfóníu-
hljómsveit Íslands, þar sem hún lék
flautukonsert eftir Carl Nielsen og
Rondo í D-dúr eftir W.A. Mozart. Að
lokinni útskrift frá Listaháskólanum
hefur Hafdís hug á að halda utan til
frekara tónlistarnáms.
Útskriftartónleikar LHÍ
Skemmtileg og fjölbreytt
verk frá 20. öldinni
Morgunblaðið/Árni Sæberg
Hafdís Vigfúsdóttir
Flaututónleikar Hafdísar verða í
Salnum í dag kl. 17.