Morgunblaðið - 31.05.2005, Side 2

2 ÞRIÐJUDAGUR 31. MAÍ 2005 MORGUNBLAÐIÐ
FRÉTTIR
FRÁBÆR BÓK
M
Á
T
T
U
R
IN
N
&
D
Ý
R
Ð
IN
„Frábær bók, raunar
besta bók sem ég hef
lesið um langa hríð.“
– Mario Vargas Llosa
STRÍÐSMENN SALAMIS EFTIR JAVIER CERCAS
ÚRSLITIN Í FRAKKLANDI
Stjórnmálaleiðtogar í Evrópu
leggja áherslu á að þó að Frakkar
hafi hafnað stjórnarskrársáttmála
ESB í þjóðaratkvæðagreiðslu þýði
það ekki að áform um nánari sam-
runa ESB-ríkja séu úr sögunni.
Ljóst er þó að talsverð óvissa ríkir
um framhald samrunaferlisins. Nið-
urstaðan í Frakklandi er áfall fyrir
Jacques Chirac, forseta landsins,
sem hefur boðað breytingar á rík-
isstjórn sinni. Þjóðaratkvæða-
greiðsla verður haldin um stjórn-
arskrársáttmálann í Hollandi á
morgun.
Indlandsforseti kveður
Opinberri heimsókn forseta Ind-
lands lýkur í kvöld. Í gær heilsaði
hann m.a. upp á stúdenta Háskóla
Íslands en hann hefur á ferðum sín-
um hitt um 600 þúsund námsmenn
víðs vegar um heiminn.
Arnaldur með milljón bækur
Bækur Arnaldar Indriðasonar
hafa komist á metsölulista í sex lönd-
um. Þær hafa nú selst í ríflega millj-
ón eintökum hér heima og á erlendri
grund. Napóleonsskjölin hafa m.a.
verið í 19 vikur á lista í Þýskalandi.
27 féllu í Írak
27 manns féllu í tveimur sjálfs-
morðsárásum í bænum Hillah í Írak
í gær. Árásirnar voru gerðar
skammt frá hvor annarri með mín-
útu millibili.
Alcan vill orku frá OR
Alcan, sem á álverið í Straumsvík,
og Orkuveitan í Reykjavík (OR)
standa nú í viðræðum um möguleg
kaup á orku vegna stækkunar ál-
versins. Alfreð Þorsteinsson stjórn-
arformaður segir að OR hafi lýst yfir
áhuga á að skoða þessi mál betur.
Y f i r l i t
Morgunblaðið Kringlunni 1, 103 Reykjavík. Sími 5691100 Innlendar fréttir frett@mbl.is Ágúst Ingi Jónsson, aðstoðarfréttaritstjóri, aij@mbl.is Sigtryggur Sigtryggsson, aðstoðarfréttaritstjóri, sisi@mbl.is Erlendar fréttir Ásgeir Sverrisson, fréttastjóri,
asv@mbl.is Viðskipti vidsk@mbl.is Agnes Bragadóttir, fréttastjóri, agnes@mbl.is Úr verinu Hjörtur Gíslason, fréttastjóri, hjgi@mbl.is Daglegt líf Guðbjörg Guðmundsdóttir, gudbjorg@mbl.is Menning menning@mbl.is Orri Páll Ormarsson, ritstjórnarfulltrúi,
orri@mbl.is Skarphéðinn Guðmundsson, skarpi@mbl.is Umræðan|Bréf til blaðsins Magnús Finnsson, fulltrúi ritstjóra, magnus@mbl.is Guðlaug Sigurðardóttir, gudlaug@mbl.is Minningar minning@mbl.is Hilmar P. Þormóðsson, Stefán Ólafsson Dagbók|Kirkju-
starf Ellý H. Gunnarsdóttir, elly@mbl.is Íþróttir sport@mbl.is Sigmundur Ó. Steinarsson, fréttastjóri, sos@mbl.is Útvarp|Sjónvarp Auður Jónsdóttir, dagskra@mbl.is mbl.is netfrett@mbl.is Guðmundur Sv. Hermannsson fréttastjóri gummi@mbl.is

 



 


 
 



  

 

  

 


 


 !

"
# 

 





 $ 

 
 

%&' (

 )***

 






 






FRÁ 1. júní 2005 hækkar
áskriftarverð blaðsins úr 2.400
krónum í 2.600 krónur á mánuði.
Helgaráskrift, sem er föstu-
dagar, laugardagar og sunnu-
dagar hækkar úr 1.390 krónum í
1.500 krónur.
Í dag
Fréttaskýring 8 Forystugrein 30
Úr verinu 12 Viðhorf 32
Viðskipti 14 Bréf 34/35
Erlent 16/17 Minningar 36/45
Akureyri 20 Dagbók 48
Höfuðborgin 17 Víkverji 48
Suðurnes 20 Velvakandi 49
Landið 22 Staður og stund 50
Austurland 23 Menning 51/52
Daglegt líf 24/25 Ljósvakamiðlar 58
Listir 26 Veður 59
Umræðan 27/35 Staksteinar 59
* * *
EINN fremsti víóluleikari heims, Yuri Bashmet, kom
til landsins í gær en hann mun koma fram á tón-
leikum ásamt Sinfóníuhljómsveit Íslands á Listahátíð
í Reykjavík í Háskólabíói á fimmtudag. Bashmet er
jafnframt gestur alþjóðlegrar ráðstefnu víóluleikara
sem haldin verður í Reykjavík frá fimmtudegi fram á
sunnudag.
Það var Helga Hauksdóttir, tónleikastjóri Sinfóní-
unnar, sem tók á móti Bashmet við komuna á Hótel
Sögu í gær. | 26
Morgunblaðið/Sverrir
Yuri Bashmet kominn til landsins
LANDBÚNAÐARSTOFNUN verð-
ur á Selfossi, samkvæmt ákvörðun
Guðna Ágústssonar landbúnaðarráð-
herra. Útibú frá stofnuninni verður á
höfuðborgarsvæðinu, m.a. til þess að
þjónusta einstaklinga í inn- og út-
flutningi. Reiknað er með að flestir
starfsmenn sem nú starfa á höfuð-
borgarsvæðinu muni fylgja stofnun-
inni til Selfoss.
Í Landbúnaðarstofnun sameinast
stofnanir, embætti og verkefni á
sviði eftirlits og stjórnsýslu innan
landbúnaðarins í eina stjórnsýslu-
stofnun sem tekur til starfa 1. janúar
2006. Í samtali við Morgunblaðið
segir Guðni að með þessu sé verið að
sameina þjónustu á einn stað, sem
efli og bæti þjónustuna og skapi hag-
ræðingu.
Hin nýja stofnun mun taka við
þeim verkefnum sem verið hafa í
höndum yfirdýralæknis, veiðimála-
stjóra, aðfangaeftirlitsins, kjötmats-
formanns og plöntueftirlitsins. Þar
að auki mun stofnunin fara með
stjórnsýsluverkefni sem Bændasam-
tök Íslands hafi farið með tengd
framleiðslustýringu í landbúnaði,
forðagæslu og eftirliti með aðbúnaði
búfjár.
15–20 störf á Selfossi
Meirihluti landbúnaðarnefndar
Alþingis taldi mikilvægt að stofnunin
yrði utan höfuðborgarsvæðisins, ná-
lægt þeim sem hana nýta, og ákvað
landbúnaðarráðherra að hún yrði á
Selfossi, sem er í kjördæmi Guðna.
„Ég tel það æskilegt að fyrirtæki
sem þjónustar landbúnaðinn séu
sem næst honum, og það var niður-
staða Alþingis að leggja áherslu á
það. Eftir að hafa farið yfir ýmsa val-
kosti í þessum efnum finnst mér það
eðlilegt að í þessu tilviki verði Sel-
foss fyrir valinu, enda stór þjónustu-
bær í einu stærsta landbúnaðarhér-
aði landsins,“ segir Guðni.
Samtals munu um 50 starfsmenn
heyra undir Landbúnaðarstofnun,
þar af 15–20 í höfuðstöðvunum á Sel-
fossi. Mikill hluti starfsfólks hinnar
nýju stofnunar vinnur víða um land,
og mun gera það áfram. Flestir sem
starfa á höfuðborgarsvæðinu munu
flytjast með stofnuninni til Selfoss.
Landbúnaðarstofnun með aðsetur á Selfossi
Meirihluti starfsmanna
fylgir stofnuninni
Eftir Brján Jónasson
brjann@mbl.is
HAGNAÐUR Haga hf., sem eiga og
reka meðal annars verslanir Bónuss
og Hagkaupa og olíufélagið Skeljung,
var 1.548 milljónir króna fyrir af-
skriftir og fjármagnsliði. Að teknu
tilliti til afskrifta var hagnaður fé-
lagsins fyrir fjármagnsliði og skatta
hins vegar 26 milljónir. Fjármagns-
liðir voru hins vegar jákvæðir um
rúmar 1.500 miljónir króna og því er
hagnaður ársins þegar tillit hefur
verið tekið til skatta 1.302 milljónir
króna.
Í tilkynningu félagsins til Kaup-
hallarinnar segir að hagnaður félags-
ins fyrir fjármagnsliði og afskriftir sé
undir væntingum stjórnenda félags-
ins. Helstu ástæður þessa séu lakari
afkoma á olíumarkaði og verri af-
koma hjá félögunum í Skandinavíu,
sem hafi verið undir áætlun. Ástæð-
una fyrir jákvæðum fjármagnsliðum
megi hins vegar fyrst og fremst rekja
til sölu félagsins á Lyfju hf. á síðasta
ári. Félagið eignaðist allt hlutafé í
Lyfju í apríl 2004, en átti fyrir 55% og
seldi það til Vátryggingafélags Ís-
lands í maímánuði sama ár.
Reikningsár félagsins er frá mars-
byrjun til febrúarloka ár hvert.
Rekstrartekjur á síðasta rekstrarári
námu 46,4 milljörðum króna, en
rekstrargjöld án afskrifta námu 44,8
milljörðum króna. Eignir námu 34
milljörðum króna í lok rekstrarársins
og eigið fé að teknu tilliti til víkjandi
láns var 19,5%. Veltufé frá rekstri
var 722 milljónir og handbært fé frá
rekstri 562 milljónir.
Fram kemur að 99% af veltu fé-
lagsins kemur nú frá innlendri starf-
semi. Hluthafar eru fimm og eiga
þrír yfir 10% í félaginu. Baugur
Group hf. 47,4%, Fasteignafélagið
Stoðir hf. 24,1% og Talden Holding
S.A. og Orchides Holding S.A. 27,3%.
Hagnaður Haga
undir væntingum
„ÉG held að þessi stofnun muni
sóma sér mjög vel hér og þetta
sé prýðisstaðsetning fyrir hana,“
segir Einar Njálsson, bæjarstjóri
Árborgar, um þá ákvörðun
Guðna Ágústssonar landbún-
aðarráðherra að Landbún-
aðarstofnun muni hafa höf-
uðstöðvar á Selfossi.
„Hér eru afar stór matvælafyr-
irtæki sem vinna úr hráefni frá
bændum, Mjólkurbú Flóamanna
og Sláturfélag Suðurlands, þann-
ig að hér er mikil miðstöð þjón-
ustu við bændur í landinu.“
Reiknað er með að 50 manns
vinni hjá stofnuninni, en aðeins
hluti þeirra starfa verði á Sel-
fossi. „Þetta mun breyta geysi-
lega miklu fyrir sveitarfélagið,
mér skilst að þarna séu um 15–20
störf sem komi inn í sveitarfélag-
ið,“ segir Einar.
„Breytir
geysilega
miklu“
ÞRJÚ fíkniefnamál komu upp á
Kirkjubæjarklaustri um helgina en
þar voru um tvö þúsund manns
samankomin m.a. til að fylgjast
með motocrosskeppninni Offroad
challenge.
Fyrsta málið kom upp á laug-
ardagsmorgun þegar maður var
tekinn með fjögur grömm af ætl-
uðu amfetamíni á tjaldstæðinu á
Klaustri.
Aðfaranótt sunnudags voru síð-
an tveir menn teknir með hálft
gramm af ætluðu amfetamíni og
eitt gramm af maríjúana. Stærsta
málið kom upp á laugardagskvöld
þegar gerð var húsleit á Klaustri
þar sem fundust 20 grömm af ætl-
uðu amfetamíni eða kókaíni og 11
e-töflur að því talið er. Málið er í
rannsókn en fyrri málin eru upp-
lýst.
Þrjú fíkni-
efnamál
á Klaustri