Fréttablaðið - 19.12.2005, Blaðsíða 12

12 19. desember 2005 MÁNUDAGUR
IÐNAÐUR Daði Valdimarsson,
framkvæmdastjóri Sæplasts á
Dalvík, segir að trollkúlufram-
leiðsla fyrirtækisins verði að
öllum líkindum flutt til sam-
starfsaðila Sæplasts í Danmörku.
Þar með tapist tvö til þrjú árs-
verk í verksmiðu Sæplasts á Dal-
vík en hann segir að rekja megi
ákvörðunina til óhagstæðra ytri
skilyrða. „Hátt gengi íslensku
krónunnar veldur því að afkoma
félagsins í ár verður óásættan-
leg. Útlit er fyrir að reksturinn
verði í járnum og er það versta
afkoma félagsins í mörg ár. Við
erum nú að skoða hvernig við
getum brugðist við vandanum en
til viðbótar við óhagstætt gengi
er verð á hráefni fyrir plastiðn-
að í sögulegu hámarki í ár,“ segir
Daði.
Starfsmenn Sæplasts á Dal-
vík eru nú 43 talsins en Daði
segir að ekki sé ætlunin að segja
fólki upp þrátt fyrir að trollkúlu-
framleiðslan verði flutt úr landi.
„Þess í stað munum við ekki ráða
í framleiðslustörf sem losna. Við
horfum því fram á að störfum
muni fækka á komandi mánuðum
en við teljum ekki hjá því komist
við þær aðstæður sem okkur og
öðrum íslenskum iðnfyrirtækj-
um eru búnar um þessar mund-
ir,“ segir Daði.
- kk
Hátt gengi leiðir til fækkunar starfa hjá Sæplasti á Dalvík:
Framleiðsla flutt úr landi
DAÐI VALDIMARSSON Framkvæmdastjóri
Sæplasts á Dalvík segir hátt gengi neyða
félagið til að flytja trollkúluframleiðslu
fyrirtækisins til Danmerkur en við það
tapast tvö til þrjú ársverk á Dalvík.
FRÉTTABLAÐIÐ/KK
SKÓLAMÁL Sveitarstjórn Þingeyjar-
sveitar lýsir yfir fullum stuðningi
við Háskólann á Akureyri í ályktun
sem hún sendi frá sér og telur mikil-
vægt að undir-
stöður hans
séu traustar,
bæði faglega
og fjárhags-
lega.
Í ályktun-
inni, sem sam-
þykkt var sam-
hljóða, skorar
sveitarstjórn-
in á Alþingi og
ríkisstjórn að standa dyggan vörð
um Háskólann og hvetur jafnframt
til þess að auknu fjármagni verði
veitt til innra starfs hans svo að efla
megi rannsókna- og námsþætti og
standa straum af kostnaði við nauð-
synlegar byggingaframkvæmdir.
- sh
Ályktun samþykkt samhljóða:
Sveitarstjórnin
styður skólann
SKRAUTLEG MÓTMÆLI Mótmæli hnatt-
væðingarandstæðinga í Hong Kong í
tilefni af ráðherrafundi Heimsviðskipta-
stofnunarinnar, WTO, tók á sig ýmsar
myndir. Á borðanum stendur: Sömu laun
fyrir farandverkamenn. MYND/AP
SVEITARSTJÓRNARMÁL Þrátt fyrir að
all flestar kosningar um sam-
einingu sveitarfélag sem fram
fóru víðs vegar á landinu í haust
hafi verið felldar hafa nokkur
sveitarfélög ákveðið að ræða
samruna sín á milli. Eru nú kosn-
ingar um slíka sameiningu áætl-
aðar á þremur stöðum á landinu
á komandi ári.
Þann 21. janúar munu íbúar
Húsavíkurhrepps, Keldunes-
hrepps, Öxarfjarðar og Raufar-
hafnarhrepps greiða atkvæði um
sameiningu. 28. janúar verður
kosið um sameiningu Siglufjarð-
arkaupstaðar og Ólafsfjarðar-
bæjar og 11. febrúar verður
kosið um sameiningu Hraungerð-
ishrepps, Villingaholtshrepps og
Gaulverjabæjarhrepps.
Utankjörfundaratkvæða-
greiðsla er hafin á öllum stöð-
um. ■
Sameiningarkosningar:
Kosið á þremur
stöðum
BAGDAD, AP Í kjölfar þriggja til-
tölulega friðsamlegra daga sam-
hliða kosningum í landinu tóku
sprengingar og skotárásir við á ný
aðfaranótt sunnudags í Írak. Um
tuttugu manns létust í röð spreng-
inga og skotárása, þar á meðal tveir
sjálfsmorðsárásarmenn, fjölmargir
lögregluþjónar, ættingjar kúrdísks
stjórnmálamanns of fleiri.
Í sprengingu á götu í Bagdad
létust þrír lögreglumenn og tveir
særðust, síðar samdægurs féll
annar lögreglumaður og tveir særð-
ust í skotbardaga. Í vesturhluta
borgarinnar voru lögreglumaður og
starfsmaður innanríkisráðuneytis-
ins skotnir í bílum sínum á leið til
vinnu á meðan fjórir lögreglumenn
slösuðust alvarlega þegar kúlum
rigndi yfir lögreglubifreið þeirra.
Tesali var myrtur í nágreninu.
Í suðurhluta Baghdad voru varð-
stjóri og undirmaður hans skotnir
til bana. Sjálfsmorðsárásarmaður í
sendiferðabíl sprengdi sig og drap
einn lögreglumann við vegartálma
á meðan ein kona lést og í það
minnsta ellefu særðust í spreng-
ing á götu í norðurhluta Baghdad.
Árásirnar hófust skömmu eftir að
bann á farartækjum var afnumið
og slakað var á hertum öryggisráð-
stöfunum sem gripið var til kring-
um kosningarnar.
- dac
Óöld blossar upp í Írak á ný að loknum kosningum:
Rúmlega tuttugu látast í röð árása
BÍLSPRENGING Einn lögregluþjónn lést og tveir særðust þegar sjálfsmorðsárásarmaður
sprengdi sig og bíl sinn við vegartálma í Bagdad. FRÉTTABLAÐIÐ/AP
HÁSKÓLINN Á
AKUREYRI