Fréttablaðið - 19.12.2005, Page 76

19. desember 2005 MÁNUDAGUR48
Það er löngu hætt að þykja sjálfsagður hlutur að hanga heima
um jólin. Margir leggja land undir fót og ferðast til sólarlanda
eða til kaldari landa og skella sér á skíði. Enn aðrir heimsækja
ættingja erlendis á meðan sumir láta sér nægja að kúra í sumar-
bústaðnum. Flestir hafa það þó huggulegt heima hjá sér og klæðast
sínu fínasta pússi.
Jól í ferðatösku
Jól á ströndinni
Sjáið fyrir ykkur jól á strönd-
inni þar sem þið sitjið á strönd-
inni á aðfangadag, laus við allar
áhyggjur um það hvort ham-
borgarhryggurinn sé tilbúinn í
ofninn eða hvort allar jólagjaf-
irnar séu komnar í hendur við-
takenda. Þið eruð löngu búin að
redda öllu til þess að eiga róleg-
heita hátíðastund á ströndinni.
Það eina sem ykkur vantar er
hinn fullkomni svaladrykkur
og eruð guðslifandi fegin að þið
ferðuðust með hann í handfar-
angri alla leið frá Íslandi. Egils
malt og appelsín var það heillin
því það er einfaldlega hinn full-
komni svaladrykkur um jólin.
Smá bragð af íslenskum jólum á
strönd í Miðjarðarhafinu.
Annað sem nauðsynlegt er
að hafa með í ferðina er öll
jólakortin sem þið gripuð með
ykkur og getið dundað ykkur
við að lesa á ströndinni. Varla
þarf svo að minnast á nauð-
syn þess að taka með sundföt,
sólarvörn og köfunargræjur,
allt hlutir sem sjaldnast eru á
listanum yfir það allra nauð-
synlegasta á jólunum.
Jól í skíðaferðinni
Í fyrsta lagi skal taka fram að
afar óhentugt er að fara í skíða-
ferð án skíðanna, skíðaskónna
og skíðastafanna. Auk þess fær
MP3-spilarinn að fljóta með í
ferðina því það getur tekið lang-
an tíma að skíða niður fjöllin og
hvað er þá betra en að vera með
sæt íslensk jólalög í eyrunum?
Hungrið sækir svo oftar á þegar
íþróttir eru stundaðar í kuldanum
og því skal vera eitthvað snakk í
bakpokanum. Það skal ekki vera
neitt annað en laufabrauð og
heitt jólaglögg í brúsa. Hressir,
bætir og kætir. Að lokum skal svo
taka með hlýjar jólasveinahúfur
á alla fjölskyldumeðlimi með og
myndavél til að festa herlegheit-
in á filmu. Það verður svo engin
spurning hvaða mynd fer í jóla-
kortin á næsta ári.
Jól í sumarbústaðnum
Hvað er rómantískara en að
hygge sig fyrir framan kam-
ínuna með elskunni sinni á jól-
unum í kyrrðinni uppi í sveit?
Gott er að taka teppi með til að
kúra undir. Stífu og óþægilegu
sparifötin voru skilin eftir
heima og klæðnaðurinn ein-
kennist af hlýrri peysu, jogg-
ingbuxum og ullarsokkum.
Útifatnaður samanstendur af
regnfötum og stígvélum þar
sem við horfum víst fram á
rauð jól og frekar má búast við
rigningu en snjókomu í göngu-
túrunum sem eru ómissandi
í sumarbústaðaferðum. Gott
er að hafa með sér föndurdót,
skemmtilegt spil eða jafnvel
smákökudeig svo hægt sé að
dunda sér við að baka og fylla
bústaðinn af dásamlegri lykt á
jóladagsmorgni.
Jól í borginni
Það er engin afsökun fyrir því að dressa
sig ekki upp í fínt púss í borginni og
því má glamúrinn ráða ríkjum þar.
Fínir skartgripir, fallegur farði og
flottur kjóll á konurnar og glæsi-
leg jakkaföt og nýpússaðir skór
á karlmennina. Sopið er á góðu
víni á meðan maturinn er eldað-
ur og stillt er á jólaguðspjallið á
gufunni. Þegar matarveislunni
og pakkabrjálæðinu er lokið
fær fína pússið oft að víkja fyrir
nýjum náttfötum eða þægilegum
heimafötum. Heimagerði ísinn er sóttur
í frystinn og fjölskyldan hefur það nota-
legt, les nýjar jólabækur eða hlustar á
jólatónlist. Það er ekkert verra að vera
bara heima á jólunum.