Fréttablaðið - 19.12.2005, Síða 37

MÁNUDAGUR 19. desember 2005 3
NÚ ER KOMIÐ AÐ JÓLATILTEKTINNI.
BYRJIÐ Á AÐ REIÐAST SMÁ TIL AÐ KOMA
YKKUR Í GÍRINN. RÝMIÐ SVO ÖRLÍTIÐ
TIL Í GEYMSLUNNI OG HEFJIST HANDA.
Forstofa: Flest skal í skápa, skúff-
ur eða körfur. Sumaryfirhafnir og
sumarskór fara í gegnsæja plastkassa
og niður í geymslu svo auðveldara sé
að finna það aftur. Skór fara á skóhillu
eða skóskáp og vettlingar og húfur í
kommóðuskúffu eða veggkörfur. Alla
inniskó má setja í körfu. Setjið snaga
upp í réttri hæð fyrir börnin svo þau
geti hengt upp sjálf.
Eldhús: Út með óþarfa leirtau, lítið
notað leirtau er sett í efstu hillur og
kryddstaukar í litlar plastkörfur sem
fást víða fyrir slikk. Látið bökunar-
krydd í sér körfu og súpu- og sósu-
pakka í aðra. Þá verður auðvelt að
hafa reglu í djúpum skáphillum og
finna hluti. Pakkamatur sem búið er
að opna eins og flórsykur, haframjöl
o.fl. fer í glærar krukkur með þéttu
loki. Farið í gegnum pappíra, hendið
grimmt, hitt fer í möppu.
Barnaherbergi: Eirir barnið ekki í
herberginu? Er kannski of mikið dót
þar og allt í hrærigraut? Flokkið Lego,
Playmo, spil o.s.frv. í glæra plast-
kassa og setjið þá alla, nema einn,
hámark tvo, á aðgengilegan stað
í geymslunni (þó ekki fiskabúrið,
bangsann eða barnið). Já, þetta er
róttækt en börn sem ég þekki hafa
litið á þetta sem skemmtilegan leik.
Geymslan verður nokkurs konar leik-
fangasafn. Þegar barnið er orðið leitt
á einu dóti verður léttara að ganga
frá og fá að velja sér annað. Um jólin
verða börnin upptekin af nýja dótinu
og líta ekki við því gamla. Þá er gott
að geyma það til góða og endur-
uppgötva seinna. Geymið, gefið eða
hendið gömlum barnafötum.
Svefnherbergi: Sumarfötin í geymsl-
una. Fáið ykkur náttborð með skúff-
um eða skáp fyrir bækur og tímarit.
Stofa: Myndbönd og DVD-diska
í skápa og skúffur. Grisjið punt og
skiptið út. Óþarfi að hafa allt sem
maður á til sýnis. Með hönd á hjarta
skaltu spyrja þegar þú ferð í gegnum
bókaskápinn: Vil ég eiga þessa bók
um Ísfólkið? um leið og þú hugsar
um hvað húsnæðisfermetrinn kost-
ar í þínu hverfi.
Taktu til í geymslunni í janúar.
RÁÐ frá Rakel
RAKEL ÁRNADÓTTIR TEKUR TIL FYRIR JÓLIN
Tökum til hendinni
Húsgögn og gjafavara
Skeifan 3A við hlið
Atlantsolíu 108 Reykjavík
Sími: 517 3600 • Fax: 517 3604
mylogo@mmedia.is
www.local1.is
20% afsláttur
af öllum ljósum og
gjafavörum fram til jóla
550 5000
AUGLÝSINGASÍMI