Fréttablaðið - 19.12.2005, Blaðsíða 75

19. desember 2005 MÁNUDAGUR 47
NÝJAR BÆKUR
Salka hefur sent frá sér ljóðabókina Tímasetningar eftir Margréti Lóu
Jónsdóttur. Stundum geta tímasetn-
ingar skipt sköpum. Hvenær ætlum
við að skilja
að blóðugar
styrjaldir bæta
ekki heiminn?
Mögnuð
ljóðabók
sem á erindi
til allra sem
elska lífið og vilja gera það betra.
Eftir Símon Jón Jóhannsson er
komin út ljóðabókin
Kaffið í aldingarð-
inum. Þetta er fyrsta
ljóðabók höfundar,
sem hefur tekið
saman ýmis rit um
þjóðfræði og fleira.
Atviksorð í þátíð eru ljóðmæli Her-manns Pálssonar
íslenskufræðings, sem
lengi vel var prófessor
í Edinborg. Hermann
lést af slysförum í
Búlgaríu árið 2002.
Eftirmála ritar Baldur
Hafstað. Bókaútgáfan
Hofi gefur út.
Sunnlenska bókaútgáfan hefur gefið út ljóðabókina Einnar báru
vatn eftir Sigríði
Jónsdóttur, bónda
í Arnarholti í Bisk-
upstungum. Þetta er
fyrsta bók höfundar
en ljóðin ganga
nærri lesanda vegna
þess hvað þau eru
persónuleg, hlý og
opinská.
Bókaútgáfan Grámann hefur gefið út skáldsöguna
Sebastíanshús eftir
færeyska rithöfundinn
Oddvör Johansen.
Bókin vann til fyrstu
verðlauna í skáldsagna-
samkeppni Listahá-
tíðarinnar í Færeyjum
2004.
Stuðningur sem þú treystir, þægindi sem þú elskar
����������
Metsölubókin Sólskinshestur eftir
Steinunni Sigurðardótur kemur út
í Danmörku og Svíþjóð.
Allar skáldsögur Steinunnar
hafa verið þýddar á sænsku og á
næsta ári er fyrirhuguð útgáfa
ljóðabókarinnar Hugástir í þýð-
ingu Johns Swedemark hjá útgef-
anda hennar í Svíþjóð, Wahlström
og Widstrand.
Útgefendur Steinunnar í Dan-
mörku er stærsta og virtasta for-
lag landsins, Gyldendal. Gylden-
dal gaf út Jöklaleikhúsið fyrr á
árinu og fékk bókin frábærar við-
tökur ritdómara þar í landi.
Steinunn á
sigurbraut
STEINUNN SIGURÐARDÓTTIR Bók hennar,
Sólskinshestur, er á leiðinni á erlendan
markað.
Í dag hefði Edith Piaf, ein frægasta
söngkona heims, orðið níutíu ára
gömul. Af því tilefni verður flutt
í Þjóðleikhúsinu söngdagskrá um
Edith Piaf úr samnefndri sýningu
leikhússins.
Það er Brynhildur Guðjónsdóttir
sem er í hlutverki Edith Piaf. Bryn-
hildur hefur heillað landann með
túlkun sinni á Edith Piaf, einhverri
ógleymanlegustu rödd síðustu
aldar, en fyrir hana hlaut Brynhild-
ur Íslensku leiklistarverðlaunin,
Grímuna, sem besta leikkona í aðal-
hlutverki.
Sýning Þjóðleikhússins á Edith
Piaf eftir Sigurð Pálsson hefur
gengið fyrir fullu húsi í yfir níutíu
skipti og virðist ekkert lát á vin-
sældum hennar. Söngdagskráin,
sem flutt verður í kvöld, hefur verið
flutt áður á Egilsstöðum og Akur-
eyri og hlotið frábærar viðtökur.
Piaf var goðsögn í lifanda lífi.
Lífshlaup hennar var einstakt; hún
ólst upp meðal vændiskvenna og
bófa í skuggahverfum Parísarborg-
ar en með rödd sinni og einstakri
túlkun komst hún upp á svið helstu
hljómleikahúsa heims. Við kynn-
umst konu sem aldrei afneitaði
neinu og allra síst fortíð sinni og
uppruna, hvað þá ástarsamböndum
sínum.
Flytjendur auk Brynhildar verða
leikarinn Baldur Trausti Hreins-
son og tónlistarmennirnir Jóhann
G. Jóhannsson á píanó, Birgir
Bragason á kontrabassa, Hjörleif-
ur Valsson á fiðlu, Jóel Pálsson á
tenórsaxófón og klarinett og Tatu
Kantomaa á harmónikku. ■
BRYNHILDUR Í HLUTVERKI PIAF Söngatriði úr leiksýningu Þjóðleikhússins verða flutt í kvöld
í tilefni af því að níutíu ár eru liðin frá því Edith Piaf fæddist.
Edith Piaf væri orðin níræð
ATVIKSORÐ Í ÞÁTÍÐ, LJÓÐMÆLI HERMANNS
PÁLSSONAR.
550 5000
AUGLÝSINGASÍMI