Fréttablaðið - 19.12.2005, Blaðsíða 88

19. desember 2005 MÁNUDAGUR60
Höfðabakka 1 - sími 587 50 70
Geggjað tilboð í dag, mánudag.
890,- kr.kg
Af öllum ferskum fiski í dag.
Skötuselur, lúðusneiðar, laxaflök
ýsuflök og fleira og fleira
ALLT KR: 890,-
Tilboðið gildir aðeins í dag og í báðum verslunum.
Fiskbúðin Hafrún
Skipholti
Sími 553-0003
FÓTBOLTI „Við verðum örugglega
minnsta liðið á HM en við ætlum
okkur að komast upp úr riðlinum.
Ég efast um að margir leikmenn
Evrópuliðanna viti hvar Tógó er
á hnettinum, en ég mæli með því
að þeir kynni sér það því annars
gæti farið illa,“ sagði Eric Akoto,
varnarmaður landsliðs Tógó,
þegar dregið var í riðla fyrir HM í
Þýskalandi en Tógó er með Frakk-
landi, Suður-Kóreu og Sviss í riðli.
Akoto, sem er lykilmaður liðs
Tógó, er með nokkuð langan feril
að baki í evrópskri knattspyrnu en
hann hefur lengst af leikið í Aust-
urríki, með Grazer AK, Austria
Vín og Admira Wacker, en hann er
á mála hjá því félagi nú.
Akoto segir aðaleinkenni Tógó
vera dugnað og sigurvilja. „Ég
get alveg viðurkennt að það eru
ekki margir leikmenn í okkar
liði sem eru skæðir sóknarmenn.
Við höfum ekki möguleika á sigri
ef við fáum á okkur mörg mörk í
hverjum leik og því verðum við að
spila góðan varnarleik, þar sem
allir eru tilbúnir að berjast til síð-
asta manns. Og miðað við hvernig
við lékum í undankeppninni veit
ég að við getum sýnt klærnar í
Þýskalandi.“
Stephen Keshi, landsliðsþjálf-
ari Tógó og fyrrverandi lands-
liðsmaður Nígeríu, þykir hafa
náð undraverðum árangri með lið
Tógó því fáir bjuggust við því að
liðið gæti kæmist alla leið í úrslita-
keppni HM. Annað kom þó á dag-
inn og er Keshi viss um að liðið
geti náð athyglisverðum árangri í
Þýskalandi. „Ég sá leikmenn mína
bæta sig ótrúlega í undankeppn-
inni og iðulega var liðið að spila
best þegar andstæðingarnir voru
sterkir. Þess vegna er ég viss um
að við getum strítt stóru liðunum
vegna þess að þau geta ekki annað
en vanmetið okkur. Við eigum
ágætis möguleika á því að lenda í
öðru sæti í riðlinum, en ég efast
um að við getum unnið Frakka.
Þeir eru of góðir fyrir okkur, en
maður veit samt aldrei.“
Akoto er þó á öðru máli en
Keshi og telur Tógó geta lagt
hvaða lið sem er að velli. „Við
þekkjum allir stórstjörnu franska
landsliðsins og vissulega verður
það gaman fyrir okkur að leika
gegn mönnum eins og Zinedine
Zidane og Thierry Henry, en við
megum ekki gleyma því hvað við
getum sjálfir. Það var afrek að
komast á HM og nú þurfum við
að nýta tækifærið vel og vera
óhræddir þegar við göngum inn á
völlinn.“
magnush@frettabladid.is
Efast um að evrópskir
leikmenn viti hvar Tógó er
Það urðu margir undrandi þegar í ljós koma að Afríkuríkið Tógó hefði tryggt
sér þátttökurétt á heimsmeistaramótinu í knattspyrnu. Leikmenn liðsins ætla
sér stóra hluti á mótinu og telja að vanmat stærri þjóða geti hjálpað þeim.
Eric Akoto er lykilmaður í landsliði Tógó en
hann hefur þó ekki mikla reynslu af því að
leika gegn sterkum leikmönnum.
FRÉTTABLAÐIÐ/GETTY
FÓTBOLTI Real Madrid ætlar ekki að
reyna að fá Arsene Wenger, stjóra
Arsenal, til liðs við sig en félagið
rak Vanderley Luxemburgo úr
starfi og leitar enn að eftirmanni
hans. Þessi lið mætast einmitt
í sextán liða úrslitum Meist-
aradeildarinnar en varaforseti
spænska liðsins, Emilio Butragu-
eno, neitar því að Wenger sé á
óskalista félagsins.
„Wenger er þjálfari Arsenal og
við verðum að bera virðingu fyrir
Arsenal. Hann er samningsbund-
inn svo við getum ekki talað við
hann um það. Við munum líklega
taka ákvörðun um nýjan stjóra í
þessari viku,“ sagði Butragueno
en auk Wenger hafa Fabio Capello
stjóri Juventus og Rafael Benítez
hjá Liverpool verið orðaðir við
stöðuna. - hþh
Real Madrid í stjóraleit:
Allar klær úti
EMILIO BUTRAGUENO Butragueno leitar nú
að knattspyrnustjóra fyrir Real Madrid.
FRÉTTABLAÐIÐ/GETTY
FÓTBOLTI Charlie Nicholas, fyrrum
fyrirliði Celtic, efast um að Roy
Keane muni hafa jákvæð áhrif
á leik Celtic, en hann kom fyrir
skömmu til félagsins eftir að hafa
verið rekinn frá Manchester Unit-
ed. „Ég efast um að Keane muni
verða til vandræða en ég gat ekki
séð það á blaðamannafundinum
að Gordon Strachan, knattspyrnu-
stjóri Celtic, hefði mikinn áhuga á
því að fá Keane.“
Nicholas hefur ávallt verið
óhræddur að viðra skoðanir sínar
á málum hjá Celtic en stuðnings-
menn félagsins eiga eflaust eftir
taka þessum yfirlýsingum Nichol-
as illa, þar sem Keane er þegar
orðið mikið uppáhald stuðnings-
manna liðsins. - mh
Charlie Nicholas:
Efast um komu
Keane til Celtic
CHARLIE NICHOLAS Nicholas var einn af
bestu leikmönnum Celtic á sínum tíma.
FRÉTTABLAÐIÐ/GETTY
FÓTBOLTI David Dein, framkvæmda-
stjóri Arsenal, segir Arsene Weng-
er, knattspyrnustjóra félagsins,
hafa peninga á milli handanna til
þess að eyða í janúar, þegar félag-
skiptaglugginn opnast á nýjan leik.
„Wenger getur styrkt leikmanna-
hópinn ef hann telur þess þurfa.
Ég tel hins vegar leikmannahóp
Arsenal vera sterkan eins og hann
er nú. Auðvitað söknum við þess
að hafa ekki Patrick Vieira í okkar
röðum lengur. Hann er einn allra
besti miðjumaður heims um þessa
mundir.“
Wenger segir góðar líkur á því
að hann kaupi leikmenn í janúar.
„Það er alveg ljóst að ég vil fá góða
leikmenn til Arsenal. Þeir eru allt-
af velkomnir hingað. En annars hef
ég mikla trú á mínu liði og ég er viss
um að við munum komast á toppinn
að nýju. Við þurfum að bæta árang-
ur okkar í deildarkeppninni en við
höfum spilað vel í Evrópukeppn-
inni.“ - mh
David Dein:
Wenger getur
keypt í janúar
ARSENE WENGER Wenger ætlar að styrkja
lið sitt í janúar. FRÉTTABLAÐIÐ/GETTY
� � SJÓNVARP
� 16.00 Ameríski fótboltinn á Sýn.
� 18.00 Íþróttaspjallið á Sýn.
� 19.00 Krýning knattspyrnumanns
ársins á Sýn. Bein útsending frá
krýningu knattspyrnumanns ársins í
karla- og kvennaflokki.
� 20.30 Ítölsku mörkin á Sýn.
� 21.00 Ensku mörkin á Sýn.
� 21.30 Spænsku mörkin á Sýn.
HVAÐ? HVENÆR? HVAR?
17 18 19 20 21
Mánudagur
DESEMBER
sp sl 18.12.2005 17:43 Page 1