Fréttablaðið - 19.12.2005, Síða 78

19. desember 2005 MÁNUDAGUR50
Umboðsmaður Kiefer var eitthvað stressaður. Hún hafði sent nokkra tölvu-
pósta fyrr um daginn til að athuga
hvort símanúmerin væru örugg-
lega ekki rétt. Stúlkan vildi full-
vissa sig um að einhver yrði við
símann klukkan sex. Hringdi síðan
á undan og sagði leikarann verða
við síman eftir nokkrar sekúndur.
Hún vildi athuga hvort allt væri
ekki örugglega í lagi.
Tónlistin kallar fram minningar
Kiefer Sutherland var allur hinn
rólegasti enda vanur maður þegar
kemur að fjölmiðlum. „Ég vaknaði
í morgun og áttaði mig á því að það
eru bara nokkrir dagar eftir í tökum
á 24. Fékk heimsókn frá fólkinu sem
kemur með mér til Íslands og áttaði
mig á því hvað það væri stutt í að ég
kæmi hingað. Mér leið eins og litlum
krakka á jólum,“ var það fyrsta sem
leikarinn sagði með sinni djúpu karl-
mannlegu rödd. Hún þykir svo góð
að þrátt fyrir að leikarinn sjálfur hafi
komið fyrir í tæpar þrjár sekúndur í
kvikmyndinni Phone Booth er hann
titlaður sem einn af aðalleikurunum.
Hann gerir þó ekki neitt annað en að
tala í síma við Colin Farell, sem er
staddur í símaklefa, og drepa fólk
með rifli.
Leikarinn kemur ekki hingað
í þeim erindagjörðum að liggja
í leyni og skjóta á fólk. Hann er
hér á vegum útgáfufyrirtækis-
ins Ironworks sem hann á með
besta vini sínum Jude Cole, þekkt-
um lagasmið í Bandaríkjunum.
„Okkur hefur langað að stofna
plötufyrirtæki síðastliðin tuttugu
ár,“ segir leikarinn. „Það skorti
alltaf tíma eða vantaði peninga
en fyrir nokkru gafst okkur tæki-
færið og við gripum það,“ heldur
hann áfram. Ironworks er ekki
stórt í sniðum heldur einbeitir
sér aðallega að því gefa tónlistar-
mönnum tækifæri sem að öðrum
kosti fengju þau ekki.
Tónlistin er ástríða hjá Kiefer
og hann er mjög ánægður að geta
sinnt henni á þennan hátt. „Tónlist-
in tengir mig við minningarbrot,“
útskýrir Kiefer og segist meðal
annars alltaf verða hugsað til
eldri bróður síns þegar hann heyri
Bítlalag. „Þegar lag með Led Zepp-
elin hljómar verður mér hugsað til
fyrsta kossins.“ Leikarinn segist
þó ekki hafa neina hæfileika á tón-
listarsviðinu sjálfur. „Ef þú mynd-
ir heyra í mér tækir þú undir það,“
segir hann og skellir upp úr.
Að nota frægðina til einhvers
góðs
Kiefer og tónlistarmaðurinn Rocco
komu hingað fyrir tæpu ári. Heim-
sóknin vakti mikla athygli og Kief-
er veit vel að frægð hans nýtist
listamönnum sem eru ekki jafn
þekktir. „Ég hef aldrei viljað nota
frægð mína til að fá betri borð á
fínum veitingastöðum,“ segir hann
af einlægni. „Með því að nýta hana
með því að koma öðrum á fram-
færi líður mér eins og hún komi að
einhverju gagni.“
Rocco hefur nokkra sérstöðu
innan Ironworks-útgáfunnar því
hann er fyrsti tónlistarmaðurinn
sem fyrirtækið gefur út án hjálpar
stórs dreifingarfyrirtækis. Kiefer
fer heldur ekkert leynt með aðdáun
sinni á honum. „Þegar fólk á Íslandi
frétti fyrst af honum var það mjög
efins og ég skil það vel. Ég trúi því
hins vegar að þegar áheyrendur
heyri í honum og hljómsveitinni
gleymi þeir að ég kom þarna ein-
hvers staðar nærri,“ segir Kiefer
af miklum sannfæringarkrafti og
finnst það vera ábyrgðarhlutverk
að vera í þessari stöðu. „Þegar þú
ert með svona mikla hæfileika í
höndunum er eins gott að þú klúðr-
ir ekki neinu.“
Leikarinn leggur mikið á sig til
að kynna Rocco um alla Evrópu.
Hann gerir heimildarmynd um
ferðalag þeirra um álfuna en með
þeim í för er fimm manna tökulið
sem festir rúntinn á filmu. Kiefer
segir að þeir hafi þegar selt réttinn
á myndinni til Sky One og þeir von-
ist til að sjónvarpsstöðvar á Íslandi,
Þýskalandi og víðar taki vel í hana.
„Við viljum hjálpa honum að finna
réttu áheyrendurna og teljum að
við getum orðið honum að liði með
heimildarmynd.“
Á 24 margt að þakka
Framhaldsþættirnir 24 héldu upp
á upptöku hundraðasta þáttarins
fyrir ekki margt löngu. Vinsældir
þeirra hafa verið með eindæmum
en Kiefer segir það hafa komið sér
á óvart hversu hratt tíminn hafi
liðið og hann hafi ekki búist við
velgengni þáttaraðarinnar. „Hóp-
urinn sem starfar að 24 hefur alltaf
einbeitt sér að hverjum þætti fyrir
sig og þetta afmæli kom eiginlega
í bakið á okkur,“ segir Kiefer og
hlær. „Við erum 125 sem vinnum
daglega við gerð þáttarins og það
verða allir að leggjast á eitt til að
þetta gangi upp,“ útskýrir leikar-
inn og segist vita það af eigin raun
að velgengni komi ekki af sjálfu
sér. „Það þarf allt að smella.“
Það er stundum álitið að það
sé ekki einungis Kiefer sem sé
24 heldur eigi Sutherland sjálf-
ur þáttaröðinni margt að þakka.
Hann viðurkennir það líka að
einhverju leyti. „Ég hef alltaf
verið heppinn að geta unnið en
á tímabili tók ég þátt í verkefn-
um sem kannski tíu manneskj-
ur sáu,“ segir hann en margir
höfðu afskrifað leikarann eftir
nokkra skelli. „Ég er mjög með-
vitaður um þau tækifæri sem
24 hefur veitt mér og reyni að
endurgjalda þann greiða,“ bætir
hann við.
Jack Bauer er ekki eilífur
Fyrir nokkur var leikarinn til-
nefndur til Golden Globe-verð-
launanna fyrir leik sinn sem Jack
Bauer. Svo skemmtilega vill til að
faðir hans, Donald Sutherland, er
einnig tilnefndur fyrir leik sinn
í þáttaröðunum Commander in
Chief. „Hann hefur mjög gaman
af þessu,“ segir Kiefer og skell-
ir upp úr. „Hann var fyrst mjög
smeykur við viðtökurnar,“ bætir
hann við en eins og góðum syni
sæmdi róaði Kiefer pabba sinn
niður og trúði honum fyrir því að
hann hefði verið jafn smeykur á
sínum tíma fyrir 24. „Hann nýtur
þess núna,“ segir Kiefer.
Leikarinn telur þó að þessar
tilnefningar hafi fyrst og fremst
jákvætt kynningargildi fyrir þátt-
inn í heild sinni. „Þegar gullknött-
urinn birtist áhorfanda sem aldrei
hefur séð þættina þá veit hann
að þetta er ákveðinn gæðastimp-
ill,“ segir Kiefer. „Ég er auðvitað
mjög stoltur af þessari tilnefningu
og vona að þetta verði notalegt
kvöld.“
Það gæti farið að draga til tíð-
inda í næstu 24 seríu og útilokar
Kiefer ekki dauða Jack Bauer
þó að auðvitað geti hann ekkert
sagt til um það. Í upphafi fimmtu
seríunnar er Jack kominn í allt
annað umhverfi. Hann er hættur
hjá CTU og hefur hafið nýtt líf.
„Síðan verða atburðir í einkalífi
hans sem verða til þess að hann
fer á kreik að nýju en ekki undir
fána einhverrar opinberrar stofn-
unar,“ segir hann.
Kiefer segir að það séu ekki
persónur þáttanna sem séu stjörn-
urnar heldur hugmyndin á bak
við þættina, þetta tíma „format“.
„Áhorfendur verða að gera sér
grein fyrir því að Jack Bauer er
eins og hver önnur persóna þátt-
anna og þær geta allar dáið,“ segir
hann og andvarpar. „Auðvitað
vona ég að svo verði ekki,“ bætir
hann við og það birtir aðeins til
í röddinni. Kannski að Bauer lifi
þáttaröðina af? ■
VELGENGNI ER ALDREI SJÁLFGEFIN
Kiefer Sutherland er væntanlegur hingað í þess-
ari viku ásamt hljómsveitinni Rocco and the
Burden og fimm manna tökuliði sem gerir heim-
ildarmynd um veru þeirra hér á landi. Freyr Gígja
Gunnarsson fékk símtal frá gullröddinni og var
sem betur fer ekki staddur í símaklefa.
Í upphafi tíunda áratugarins var varla
til heitari leikari en Kiefer Sutherland.
Hann var ungur, myndarlegur og
villtur. Við tökur á myndinni Flatlin-
ers árið 1990 komst hann í kynni við
unga og efnilega leikkonu sem spáð
var miklum frama í kvikmyndaborg-
inni, Juliu Roberts.
Kiefer og Julia áttu að verða næsta
gullparið í Hollywood og sambandið
fékk mikla athygli frá fjölmiðlum. Það
voru flestir sammála um að þarna
væru vonarstjörnur Hollywood. Þau
virtust njóta allrar athyglinnar. Ástin
þykir enda góð markaðsvara í Holly-
wood. Svo kom stóra fréttin. Þau ætl-
uðu að gifta sig. „Brúðkaup ársins,“
sögðu slúðurblöðin.
Hljóðveri nr. 14 hjá 20th Century
Fox myndverinu var breytt í rósa-
garð. Stærsta kakan pöntuð, veislu-
gestir yrðu hátt í þúsund, það hefði
ekki sést glæsilegri kjóll og athöfnin
myndi seint eða aldrei gleymast.
Hinn 14. júní árið 1991 yrði brúð-
kaup ársins haldið. Paparazzi-ljós-
myndarar voru mættir í tugatali. Það
ætluðu allir að hafa hamingjusama
stjörnuparið, nýgift, á forsíðunni
sinni.
Daginn eftir voru þau svo sannar-
lega á forsíðum allra slúðurtímarita
og reyndar allra blaða. Hvorki Kiefer
né Julia voru þó yfirmáta ánægð né
heldur með hringana. „Julia flýr af
hólmi.“ var prentað í stríðsfréttafyr-
irsögnum. Leikkonan hætti við allt
saman. Kakan, sem átti bara eftir að
fara inn í ofninn, var látinn eyðileggj-
ast. Brúðarmeyjarnar urðu að láta af
hendi skóna sem þær höfðu fengið
að láni. Kiefer flutti út úr íbúð Juliu.
Hún sást á brúðkaupsdaginn með
Jason Patrick, besta vini Kiefer, á veit-
ingastað í Los Angeles. Þau létu sig
síðan hverfa til Írlands þar sem talið
er að þau hafi gist í íbúð bassaleikara
U2, Adam Clayton. Jason og Julia voru
nýja parið. Kiefer skilin eftir í sárum.
Þessi flótti Juliu Roberts er ein-
hver sá frægasti í manna minnum
meðal stjarnanna í Hollywood og
öðru hvoru er hann rifjaður upp.
Kannski vegna þess að Roberts tók
að sér hlutverk í kvikmyndinni Runa-
way Bride þar sem hún lék brúði sem
lætur sig alltaf vanta upp við altarið.
Frægasti flótti Hollywood
KIEFER OG JULIA Á sínum tíma voru þau
heitasta parið í Hollywood en sambandið
fékk óvæntan endi þegar Julia boðaði
forföll í eigið brúðkaup á síðustu stundu.
FRÉTTABLAÐIÐ/GETTY IMAGES
Kiefer Sutherland hefur verið í sviðs-
ljósinu nánast frá fæðingu. Faðir
hans, Donald Sutherland, er hálfgerð
goðsagnapersóna og meðal fræg-
ustu leikara samtímans. Hann ákvað
snemma að feta í fótspor föður síns
og fyrsta hlutverkið fékk hann sautján
ára gamall í kvikmyndinni Max Dugan
þar sem hann lék á móti pabba
sínum. Stjarna Kiefer fór þó fyrst
að rísa þegar hann lék Ace Merrill í
kvikmyndinni Stand By Me eftir Rob
Reiner.
Í kjölfarið fylgdi vampírumyndin
Lost Boys í leikstjórn Joel Schumacher
en hún gerði Kiefer að stórstjörnu í
Hollywood og í henni kynntist leik-
arinn einum af sínum bestu vinum,
Jason Patrick, en þeirra vinskapur átti
eftir að fá óvæntan endi.
Þeir félagar skemmtu sér þó
konunglega sem nýstirnin í Holly-
wood og Kiefer lék í myndum á
borð við Young Guns og Flatliners
sem báðar urðu mjög vinsælar.
Síðan fór að halla undir fæti hjá
Sutherland og honum tókst ekki
að viðhalda velgengninni. Hann
lék sífellt minni hlutverk í stórum
myndum og var talað um deyjandi
stjörnu. Það má því segja að með
24 hafi Kiefer gengið í endurnýjun
lífdaga en leikarinn hefur verið til-
efndur til Golden Globe verðlaun-
anna fjórum sinnum fyrir leik sinn
sem Jack Bauer og þættirnir eru
margverðlaunaðir.
Kiefer hefur látið fara minna fyrir
sér á síðum slúðurblaðanna en þar
var hann daglegur gestur þegar best
lét í upphafi tíunda áratugarins. Leik-
arinn hefur reynt fyrir sér sem knapi
í kúrekaíþróttum en nú einbeitir
hann sér að dótturinni Söruh Jude
ásamt því að kynna þættina.
Hefur alltaf verið í sviðsljósinu
SUTHERLAND-FEÐGARNIR Þeir feðgar
eru báðir tilnefndir til Golden Globe-
verðlaunanna í ár, Kiefer sem Jack Bauer í
24 og Donald fyrir leik sinn í Commander
in Chief. FRÉTTABLAÐIÐ/GETTY IMAGES
1) LOST BOYS: Það er fátt jafn
skemmtilegt og að vera vampíra í
kvikmynd eftir Joel Schumacher.
2) STAND BY ME: Skemmtileg
endurminningarmynd eftir Rob
Reiner. River Phoenix í einum af
sínum fyrstu hlutverkum.
3) YOUNG GUNS: Kúrekamynd
fyrir bæði kynin. Sætir strákar á
hestbaki og alveg ótrúlega svalir.
4) FLATLINERS: Kiefer storkar
dauðanum með Juliu Roberts. Allir
heitustu leikarar tíunda áratugarins
samankomnir í spennumynd eftir
Schumacher.
5) A TIME TO KILL/A FEW GOOD
MEN: Þegar leið á tíunda áratuginn
fór Sutherland að feta enn frekar í
fótspor föður síns og tók að sér vel
skrifaðar aukapersónur.
BESTU MYNDIR
SUTHERLAND