Réttur - 01.10.1950, Blaðsíða 1

RETTUR TÍMARIT UM ÞJÓÐFÉLAGSMÁL
34. árgangur
4. hefti
1950
EINAR OLGEIRSSON:
Ákœra á „réttvísina"
út af 30. marz 1949
Vörn lögð fram i máli réttvisinnar gegn
E. O. út af réttarrannsóknunum vegna 30.
marz 1949.
Ég leyfi mér að leggja fram eftirfarandi vörn út af ákæru rétt-
vísinnar á hendur mér:
Það, sem ég er ákærður fyrir er yfirlýsing mín fyrir rétti,
8. apríl 1949, er hljóðaði svo:
„Eftir þeirri réttarrannsókn, sem fram hefur farið út af
atburðunum 30. f. m. í sambandi við afgreiðslu Alþingis á
samþykkt um þátttöku íslands í Atlantshafsbandalaginu,
er það ekki óháður og hlutlaus dómstóll, sem fer með málið,
þar sem leitazt er við að koma sökum á hendur verkalýðs-
hreyfingunni en hins vegar reynt að dylja sekt þeirra, sem
með atburðunum þann dag voru að stofna til „provokati-
ona,“ sem nota átti sem átyllu til ofsókna gegn verkalýðs-
hreyfingunni og Sósíalistaflokknum. Og meðan þeir, sem
þarna eru sekir að mínu áliti, lögreglustjórinn, ráðherrarnir
og formenn stjórnarflokkanna og það lið, sem þeir hafa
vopnað, hafa ekki verið teknir til yfirheyrzlu fyrir fram-
ferði sitt, þá mun ég ekki svara spurningum réttarins.
Hins vegar um leið og það yrði gert mun ég svara þeim
spurningum, sem fyrir mig eru lagðar“.