Réttur - 01.10.1950, Qupperneq 28

268
RÉTTUR
maður milli Suðurkóreustjórnar og bandaríska utanríkisráðuneyt-
isins:
„Ég er sannfærður um það að einmitt nú eru bezt mórölsk
skilyrði til að framkvæma virka athafnastefnu .... Vér
hrekjum sveitir Kim Ir Sen upp til fjallanna, þar sem þær
munu farast af kulda og sulti. Síðan verður varnarlína vor
fljótin Tumyn og Amnogan (Jalú-fljótið). Aðstaða vor verð-
ur þá tvöfalt betri. Eðlileg varnarlína myndast af fljótunum
og Pjagúsan-fjöllunum og hún verður óyfirstíganleg ef vér
ráðum yfir nægilegum flugsveitum, 2—3 hraðskreiðum
fallbyssubátum og orustuflugvélum sem geta varið strönd-
ina og eyna Tjesjudo .... Ég er sannfærður um að þetta
hlutverk yrði leyst í nánustu framtíð, ef vér fáum leyfi
til að hefjast handa ....“
Ekki síður athyglisvert er svarbréf sem sendimaður forsetans
í Washington, Tjo Bion Oka, sendi Syngman Rhee 12. október.
Þar segir svo:
„Bréf yðar til dr. Oliver um upplausn — eða réttara sagt
— útþurrkun leppstjórnarinnar í Norðurkóreu hef ég lesið
með mikilli athygli. Sú tillaga sem þér berið fram í sambandi
við núverandi ástand er eina rökrétta og raunhæfa leiðin
til að framkvæma ósk vora um einingu. Þegar ég tek hins
vegar tillit til allra aðstæðna, hneygist ég fremur til þess
að enn sé ekki kominn tími til að framkvæma slíka áætlun.
Um fram allt óttast ég um herstyrk vorn — og mér virðist
almenningsálitið í heiminum ekki reiðubúið til að fallast á
slíkar aðgerðir. Það er nauðsynlegt að minna á að vinsam-
leg ríki fengu grísku stjórnina til að láta hjá líða hernaðar-
aðgerðir gegn Albaníu ....
Ég hef rætt þetta vandamál við sendiherra vorn Tjan og
við dr. Oliver, og við urðum sammála um að líta á þetta sem
meginstefnu stjórnar vorrar, sem verður að framkvæma,
þegar vér erum reiðubúnir, og þegar heppilegur tími
gefst......“
Bandarísku ráðgjafarnir voru þannig fyrst og fremst hikandi
vegna þess að þeir töldu réttan tíma ekki kominn. Þetta kom
einnig glöggt í ljós í viðtali sem hermálaráðherra Seoul-stjórn-
arinnar Sin Sen Mo átti við bandaríska stórblaðið New York
Herald Tribune 29. október 1949, en hermálaráðherrann var þá
staddur í Japan og hafði rætt við MacArthur og herforingjaráð
hans. í viðtalinu segir hermálaráðherrann: