Réttur - 01.10.1950, Side 39

RÉT TUR
279
ingunum en þær voru þá látnar fara fram leynilega. Það eru ef til
vill einkennilegustu kosningar sögunnar: þrátt fyrir það þótt 2891
maður væri myrtur og 9081 handtekinn í tilraununum til að koma
í veg fyrir kosningarnar náði þátttakan í Suðurkóreu 77,52% íbú-
anna, sem lýstu yfir fylgi sínu við einingu Kóreu. Alls voru þetta
6.712.407 Suðurkóreumenn. MacArthur og Syngman Rhee höfðu
kynnzt þeim öflum sem síðar hófu þá skæruliðabaráttu sem næst-
um hafði kollvarpað öllum fyrirætlunum Bandaríkjanna og leppa
þeirra í einu vetfangi.
Harmsaga Suðurkóreu
Hin prússneska dagskipun MacArthurs gaf til kynna frekari
örlög Suðurkóreu.
Suðurkórea er auðugt land, með 19 milljónir íbúa (íbúarnir
voru 21 milljón 1945, en tvær milljónir flýðu til Norðurkóreu, þar
sem síðan bjuggu 11 milljónir). Jörðin er frjósöm og víða finnast
málmar. Sjálf Kórea er eins og brú frá Japan til Asíu, eðlilegur
vettvangur yfirgangsstefnu.
Þegar eftir hernámið var bandarísku fjármagni veitt í stórum
stíl inn í Suðurkóreu. Aðeins Morganhringurinn kom fyrir meira
en einum milljarð dollara. Verksmiðjur voru lagðar niður til þess
að hægt væri að taka við innflutningi frá Bandaríkjunum, at-
vinnuleysingjahópurinn komst upp í þrjár milljónir. Lífskjörin
rýrnuðu stöðugt. Gósseigendur og leppar bandarísks fjármagns
fengu öll völd í landinu, en embættismennirnir voru þeir sömu og
á dögum Japana.
Þess vegna hefur bandaríkjaáróðurinn verið þögull um efna-
hagslífið í Suðurkóreu fyrir styrjöldina, og á stjórnmálasviðinu
hefur ástandið þó verið enn geigvænlegra. Borgaralegir fréttarit-
arar sem þangað hafa komið hafa ekki getað dulið viðbjóð sinn.
Sem dæmi má nefna ummæli danska íhaldsblaðsins, Jyllands-
posten, 30. júní 1950, eftir að styrjöldin var skollin á:
„Ein af síðustu skýrslum Kóreunefndar sameinuðu þjóð-
anna talar um að almenningur sé „egndur til illvirkja“ með