Réttur - 01.08.1971, Side 16

Karl Liebknecht í hermannab:;ningi á leiö til ríkis-
þingsins 1915
Af ritum hans frá þessum tima er sérstaklega
frægt ritið „Militarismus und Antimilitarismus unter
besonderer Berucksichtigung der internationalen
Jugendbewegung". (Hernaðarstefna og baráttan
gegn henni með sérstöku tilliti til alþjóðlegu æsku-
Karl Liebknecht með fjölskyldu sinni 1913. Frá
vinstri: Robert, Sophie, kona hans, Vera, Wilhelm,
Karl
lýðshreyfingarinnar). Kom það út 1907 og vakti
mikla reiði afturhaldsins, sem lét gera það upp-
tækt, — en náði aðeins litlu af upplaginu, — og
höfðaði landráðamál gegn Liebknecht. Var hann
c’æmdur í fangelsi, sem hann var í 24. nóv. 1907 til
1. júní 1909. Tóku fulltrúar flokksins vel á móti
honum, er hann losnaði og þá var búið að kjósa
hann á þing Prússlands. Faðir Karls dó órið 1900,
en móðirin 1909, meðan hann var í fangelsinu.
Sífellt eykst starfsemi hans, eigi aðeins innan
Þýzkalands, þar sem hann tekur og þátt í flestum
flokksþingum, auk allra annarra fundarhalda, held-
ur og erlendis: I október 1909 tekur hann þátt i
þingi sænska sósíalistíska æskulýðssambandsins í
Stokkhólmi, 1910 er hann á alþjóðlegri ráðstefnu
sósíalistísku æskulýðssambandanna í Kaupmanna-
höfn og frá októbor til desember sama árs er hann
á fyrirlestraferð í Bandaríkjunum, til að styðja
kosningabaráttu sósíalista þar.
I ársbyrjun 1912 er Karl kosinn á þýzka ríkis-
þingið fyrir kjördæmi það, sem kallað var keisara-
kjördæmið, og náði yfir Potsdam og nágrenni. Var
Karl fyrsti sósíalistinn er náði kosningu þar. Harðn-
136