Réttur - 01.08.1971, Síða 53

STRAUMURINN
TIL VINSTRI
Framsóknarflokkurinn fór úr 28,1% í
25,3% en það jafngildir rúmlega 10% hlut-
fallslegu tapi. Alþýðubandalagið og Samtök
frjálslyndra eru því sigurvegarar kosning-
anna. Alþýðubandalagið — G-listar aðeins
— hafði 12,3% atkvæða 1967 en nú 17,1%,
en það jafngildir nær 40% hlutfallslegri
fylgisaukningu á einu kjörtímabili. Ekki eru
til samanburðartölur um samtök frjálslyndra,
en samanlagt fylgi þeirra og Alþýðubanda-
lagsins er meira en fylgi Framsóknar.
GÓÐUR ÁRANGUR
Árangur Alþýðubandalagsins var ágætur
í öllum kjördæmum nema á Vestfjörðum þar
sem það varð fyrir svipuðu tapi og aðrir
flokkar, sem stóðust ekki gjörningaveður
kosningabaráttu Hannibals. Alþýðubanda-
lagið bætti við sig kjördæmakosnum mönn-
um í Reykjavík, Vesturlandi og Norðurlandi
vestra og á Suðurlandi endurheimti Alþýðu-
bandalagið myndarlega það þingsæti sem
Karl Guðjónsson reyndi að afhenda Alþýðu-
flokknum. I Reykjaneskjördæmi jók Alþýðu-
bandalagið fylgi sitt um nær þúsund atkvæði.
I Norðurlandskjördæmi eystra háði Alþýðu-
bandalagið kosningabaráttu við hin erfiðustu
skilyrði, en tókst samt svo vel að ekki vant-
aði nema 80 atkvæðatilfærslu frá F-lista til
þess að tryggja Stefáni Jónssyni kjördæma-
kosningu. Og þá skal síðast en ekki sízt nefnt
Austurland: Þar jókst fylgi Alþýðubandalags-
ins hlutfallslega um 40% — Alþýðubanda-
lagið á nú um fjórðung fylgis Austfirðinga og
þar með tvo þingmenn eystra, Lúðvík Jóseps-
son og uppbótarmann, Helga Seljan.
ÞINGFLOKKUR
ALÞÝÐU-
BANDALAGSINS
Þingflokkur Alþýðubandalagsins er nú 10
manna og skipa hann þessir þingmenn:
A) Þeir sem voru áður í þingflokknum:
Magnús Kjartansson, Eðvarð Sigurðsson,
Jónas Árnason, Lúðvík Jósepsson, Gils
Guðmundsson og Geir Gunnarsson.
B’ Nýir menn í þingflokknum: Ragnar Arn-
alds, Helgi Seljan, Garðar Sigurðsson og
Svava Jakobsdóttir.
VIÐRÆÐUR UM
STJÓRNARMYNDUN
Strax eftir kosningar hófust viðræður um
stjórnarmyndun þeirra flokka sem nú mynda
ríkisstjórnina. Gengu þær viðræður fremur
fljótt fyrir sig og það var þriðjudaginn 13.
júlí að Olafur Jóhannesson tilkynnti forseta
Islands að hann hefði myndað ríkisstjórn.
Annars staðar hér í Rétti er birtur málefna-
samningur stjórnarflokkanna og verður hann
ekki rakinn hér. Miðstjórn og þingflokkur
Alþýðubandalagsins samþykktu samhljóða
málefnasamninginn svo og skipan verkefna
innan ríkisstjórnarinnar. Þess skal að lokum
getið að Alþýðuflokknum var boðin aðild að
viðræðum um myndun stjórnarinnar en því
var hafnað eftir miklar deilur í forustuliði
Alþýðuflokksins — deilur sem ekki sér fyrir
endann á enn.
STJÓRNAR-
RÁÐSTAFANIR
Frá því að ríkisstjórnin tók til starfa hafa
verið gerðar opinberlega þessar stjórnarráð-
stafanir:
173