Réttur - 01.08.1971, Page 56

..Bandaríkin hafa spilað út
trompi sínu. Nú er spurningin,
hvort þau vinna, eða hvort allt
spilið hrynur saman og öngþveitið
dynur yfir."
Times (í London).
Þegar hann vaknaði
„Þetta er þá kerfið, sem eg
hafði þjónað í 15 ár, kerfi, sem
dylur morð með lygi. Ég ákvað
að ég gæti ekki lengur verið hluti
úr þessu kerfi. Ég var búinn að
fá nóg af þe'm, sem sögðu mér,
hvenær ég ætti að Ijúga og
hvernig ég ætti að Ijúga."
Ellsberg (hann var ,,haukur“,
áður en hann fór til Víetnam).
Vegna blóðbaðsins í Súdan
..Kommúnistar hafa aldrei verið
ofsóttir af slíkri grimmd, — hvorki
af hægrisinnuðum konungsstjórn-
um né hægrisinnuðum lýðveldis-
stjórnum, — eins og af þessu
valdi, sem kallar sig vinstri. Maður
verður auðsjáanlega að vera fram-
farasinnaður og araþískur sósíal-
isti, til þess að geta framið múg-
morð með svo góðri samvizku og
svo köldu blóði."
L’Orient, vikurit í Líbanon.
Valdstéttir, blindar
fyrir byltingar
„Ég held varla að amerisku ný-
lendurnar okkar hafi mikinn hug
á byltingu."
Georg III. Bretakonungur 1773.
O
„Ætt vor mun ráða Frakklandi
önnur þúsund ár.“
Lúðvík 16. Frakklandskongur 1788.
176
„Ég þarf ekki að óttast mína
þjóð og hvorki mín börn né þeirra
börn."
Nikolai Rússakeisari 1911.
O
„Þetta tal um byltingu á Kúbu
er einbert þvaður."
Framkvæmdastjóri
í Coca-Cola-félaginu 1957.
O
„Alsír tilheyrir Frakklandi. Og
ekkert vald getur breytt því."
Franskur hershöfðingi 1960.
O
„Flvíti maðurinn mun ætið
drottna í Suður-Afríku."
J. B. Vorster, forsætisráð-
herra Suður-Afriku 1968.
Einangrun
embættismanna
„Embættisleg einangrun æðstu
flokksstjórnarinnar lamaði það afl,
sem er uppspretta sósíalistisks
lýðræðis og án þess getur ekkert
sósíalistískt þjóðfélag verið til."
Edward Gierek, aðalritari
pólska flokksins í ræðu 1971.
Flokksagi og frelsi
„Við höfum hvað eftir annað sett
fram höfuðatriðin f áliti okkar á
gildi agans og á hugtakinu agi
í verkamannaflokki. Eining i
framkvæmd, frelsi til umræðna
og gagnrýni — þannig hljóðar
skilgreining vor.
Aðeins slíkur agi er samboðinn
hinum lýðræðissinnaða flokki
framsæknustu stéttarinnar. Máttur
verkalýðsins er skipulagningin. An
skipulagningar fjöldana cr öreiga-
stéttin ekkert. Samtaka er hún allt.
Skipulagning er eining í fram-
kvæmd, eining hins raunhæfa
verks. Auðvitað hefur öll fram-
kvæmd, allt starf þvi aðeins gildi
og aðeins að svo miklu leyii sem
það horfir fram á við en ekki aftur
á bak, —sem það sameinaröreiga-
lýðinn hugarfarslega, hefur hann
upp en lækkar hann ekki, splllir
eða veikir. Skipulagning án hug-
myndafræðilegs innihalds er ó-
mynd, sem gerir verkamennina í
rauninni að vesölum aftaníossum
ríkjandi burgeisastéttar. Þess-
vegna viðurkennir verkalýðurinn
enga einingu i framkvæmd ár>
frelsis til umræðna og gagnrýni.
Þessvegna mega stéttvisir verka-
menn aldrei gleyma þvi, að það
geta gerzt svo alvarleg brot á
meginreglunum, að það að rjúfa
skipulagstengslin getur orðið
skylda."
Lenin í „Baráttan gegn þeim
sósíaldemókrötum, sem hanga
aftan i Kadettunum, og flokks-
aginn", birtist i „Proletarii"
nr. 8, 23. nóv. 1906.
Tilraun, sem mistókst?
„Sýnið öllum þjóðum traustleika
og réttlæti, iðkið frið og samhreimi
gagnvart öllum.--------
Það sæmir frjálsri, menntaðri og
brátt mlkilli þjóð að vera mann-
kyninu göfug og nýstárleg fyrir-
mynd um þjóð, sem ætíð lætur
leiðast af réttlætiskennd og góð-
vilja.-----
ö!l sú tilfinning, sem göfgar
mannlegt eðli, mælir með því að
tilraun sé gerð til þessa. Eða, get-
ur tilraunln ekki tekizt vegna lasta
mannlegs eðlis?
George Washington, fyrsti
forseti Bandaríkjanna í
kveðjuræðu sinni.