Réttur - 01.04.1973, Page 12
Til þessarar alheimslögreglu þarf þó held-
ur ekki nema tiltölulega sjaldan að grípa,
en því hrikalegar er það gert í varnaðarskyni,
þegar auðvaldsnauðsyn krefur, svo að smá-
karlar um heim allan megi vita, á hverju
þeir eigi von, — og eru dæmin frá rómönsku
Ameríku og Indókína vitaskuld nærtækust
allra.
Hvernig fellur nú Island og herstöðin á
Rosmhvalanesi inn í þessa einföldu formúlu,
m.a. þar sem Island hefur engan eigin her?
Augljóst er náttúrlega, að Bandaríkin vilja
hafa ítök sín sem víðast. Aldrei er að vita
fyrirfram, hvar feitt kann að verða á stykk-
inu. Og peningar til hernaðarþarfa skipta
ráðamenn þar í landi sáralitlu máli, því að
almennir skattgreiðendur borga kostnaðinn.
En hversvegna vill a. m. k. hluti íslenzkrar
borgarastéttar svona óður og uppvægur halda
í herinn? Það er rétt að reyna að svara því,
áður en þessari grein lýkur.
TVENNSKONAR ANDSTAÐA
Andstaðan gegn herstöðvum á íslandi
helgast aðallega af tvennu: þjóðernishyggju
og alþjóðahyggju. Varla þarf að taka fram,
76