Réttur - 01.04.1973, Qupperneq 74

23 þýzkir og 6 brezkir veiðiþjófar inn á frið-
aða svæðið á Selvogsbanka, en þetta svæði er
lokað Islendingum sem öðrum veiðimönnum.
A sama tíma og þetta gerist eiga að hefjast
í Reykjavík viðræður við Vestur-Þjóðverja
um landhelgismálið. Islenzka viðræðunefndin
neitar að setjast að viðræðum nema Þjóðverj-
arnir hypji sig út. Þeir láta sér segjast og
Bretarnir snauta á eftir.
Jakob Jakobsson fiskifræðingur bendir á
í opnu bréfi til ritstjóra „Ægis" að samkvæmt
skýrslu Norður-Atlanzhafsfiskveiðinefndar-
innar sé þorskstofninn við Island ekki aðeins
fullnýttur heldur beinlínis ofveiddur.
Það kemur í ljós í þessum mánuði að
þúsundir lítra af olíu hafa runnið í jörð nið-
ur frá herstöðinni í Keflavík og mengað
vatnsból Suðurnesjamanna.
11. apríl: Samþykkt sem lög frá alþingi
frumvarp um jafnlaunaráð. Svava Jakobs-
dóttir flutti frumvarp þetta í upphafi en það
gerir ráð fyrir að jafnlaunaráð fjalli um
launamismun og að óheimilt sé atvinnurek-
anda að mismuna starfsfólki eftir kynferði.
Lögin um jafnlaunaráð eru merkur áfangi í
jafnréttismálum.
12. apríl: 18 íslenzkir skipstjórar senda frá
sér harðorð mótmæli vegna yfirgangs Breta
í landhelginni.
13. apríl: Fyrsti íslenzki togarinn selur
afla sinn í Belgíu. Lúðvík Jósepsson segir að
Islendingar geti vel verið án þess að landa
í Vestur-Þýzkalandi þar sem Belgir taka okk-
ar fiski vel.
Þennan dag tekur Adda Bára Sigfúsdóttir
fyrstu skóflustunguna fyrir hæli handa
drykkjusjúkum á Vífilsstöðum.
Um páskana kemur til grófustu ofbeldis-
verka veiðiþjófanna í íslenzkri landhelgi til
þessa. Þeir reyna að keyra niður næstminnsta
varðskipið, Árvakur, og reyna að rífa veiðar-
færin frá íslenzku togurunum! Islenzku varð-
skipin klippa á togvíra nokkurra brezkra tog-
ara.
27. apríl: Stjórn Seðlabankans og ríkis-
stjórnin taka ákvörðun um að hækka gengi
íslenzku krónunnar um 6%. Gengi krónunn-
ar hefur ekki áður verið hækkað nema einu
sinni. Jafnframt ákveður bankastjórn Seðla-
bankans að hækka vexti um 2—396. Ríkis-
stjórnin gefur síðar (30. apríl) út bráða-
birgðalög sem gera ráð fyrir 2% allsherjar-
verðlækkun. Þessar aðgerðir vekja ánægju
manna um allt land. Þær eru enda fyrsta
þýðingarmikla skrefið til þess að draga úr
verðbólguþróun í landinu.
1. MAÍ
1. maí 1973 fylkti reykvísk alþýða liði
undir aðalkjörorðinu „Maðurinn í öndvegi".
Samstaða varð um hátíðahöldin að þessu
sinni innan fulltrúaráðs verkalýðsfélaganna í
Reykjavík. „Rauð verklýðseining" efndi og til
kröfugöngu og útifundar í Reykjavík þennan
dag með allmikilli þátttöku. Á Akureyri var
efnt til kröfugöngu 1. maí í ár — og hefur
slíkt ekki gerzt í átta ár.
Ávarp fulltrúaráðs verkalýðsfélaganna í
Reykjavík var róttækt og eindregið og birtir
Réttur ávarpið hér á eftir í heild sinni:
„Reykvísk alþýða fylkir liði í dag, 1. maí
í fimmtugásta sinn. I hálfa öld hefur
verkalýður höfuðborgarinnar safnazt saman
undir rauðum fánum, borið fram kröfur hins
vinnandi manns um félagslegt réttlæti, for-
dæmt kúgun og misrétti í heiminum, en hvatt
til sköpunar þjóðfélags, þar sem jöfnuður,
manngildi og frelsi skipi öndvegi.
1. maí hefur verið virkur baráttudagur. Á
þessum alþjóðlega baráttudegi verkalýðsins
138